O Afiador da Galiza

A derradeira lição do mestre

2011-12-08T15:37:00.000-08:00

Esta estampa, quando a vi, recordou-me poderosamente aquela estampa de Castelao, como se for uma actualização do seu gérnio: "a derradeira lição do mestre".

No capítulo LVIII da segunda parte de El Quixote, Miguel de Cervantes faz dizer ao seu protagonista: ”La libertad, Sancho, es uno de los más preciosos dones que a los hombres dieron los cielos; con ella no pueden igualarse los tesoros que encierra la tierra y el mar encubre; por libertad así como por la honra, se puede aventurar la vida y, por el contrario, el cautiverio es el mayor mal que puede venir a los hombres”. Sabia de que falava quem perdera um braço em Lepanto e vivera anos no cárcere. Algo comum no Reino das Espanha onde sempre os seus génios morreram no exílio, na marginalidade ou no cárcere, enquanto os tiranos o faziam na cama e no poder.

Nos nossos dias confunde-se o que em inglês se diferencia como "freedom" e "liberty". Confunde-se a liberdade de transacção, que reduz os homens a simples mercadorias - já não digamos a mulher-, com a liberdade que vai além do "formal" e "nominal". A autêntica liberdade, e convém lembrar isto agora que Europa está numa involução a passos gigantescos com o visto e praze de boa parte da população em shock, é a liberdade substantiva.

Porém a liberdade substantiva, ou a Liberdade, não existe (nem pode dar-se) se não há certos princípios básicos de igualdade (justiça social) e de fraternidade (solidariedade). A igualdade e a liberdade requerem justamente que todos tenham cobertas as bases materiais para a subsistência (algo impossível no que Shumpeter qualificou como proceder do capitalismo: a destruição criativa) e isso, nas coordenadas da sociedade civil e política conquista-se com o exercício da fraternidade. Uma fraternidade que o individualismo atomizador baniu das sociedades actuais, também na militância de boa parte da esquerda faústica infelizmente... Recuperar a fraternidade e recuperar as bases e sentar ilusão e esperança na mudança e na luta comum. Como dizia aquele poema do Miguel Hernández, moto numa cárcere do fascismo, "Para la libertad sangro, lucho, pervivo...".

As novas gerações, infelizmente, vendemos qual Fausto a nossa Liberdade pela liberdade de consumir e feliz e passivamente deixar que outros teceram a teia do nosso destino. Agora, quando nos retiraram os narcóticos acorda-nos volver aonde Penélope com a esperança de voltar tecer pela noite o que desteceram pelo dia... mas já não há "nostoi" para as nossas gerações.

O cão Argos morre ao ver o seu velho amo regressar após 1945... quando vivemos no capitalismo mais selvagem retornou o velho amo. Tal e como Brech avisara o 6 de maio de 1945 referindo-se ao capitalismo como causa do fascismo: "Senhores, não estejam tão contentes com a derrota [de Hitler]. Porque embora o mundo se tenha posto de pé e teha detido ao Bastardo, a Puta que o pariu anda quente novamente". neste tempo e nesta hora só há dois caminhos igualmente dolorosos: socialismo ou barbárie! E os ecos de Prometeu voltam-se ouvir.

Fukushima apos meses de silencio informativo

2011-09-30T15:09:00.001-07:00

Fukushima: cenas de um inferno | Esquerda

Á REVOLTA ENTRE A MOCIDADE: A constituiçom consuetudinária e a ressurreiçom da...

2011-09-07T08:01:00.000-07:00

Á REVOLTA ENTRE A MOCIDADE: A constituiçom consuetudinária e a ressurreiçom da...:

Héctor Rodríguez Vidal e Antom Fente Parada .

O mundo ao revés ensínanos a padecermos a realidade no canto de mudala, a esquecermos o...

De Marx e o logos a Prometeu e o mito

2011-06-06T10:40:00.000-07:00

Antom Fente Parada, 6-6-2011

Wäre es da

Nicht doch einfacher, die Regierung

Löste das Volk auf und

Wählte ein anderes?, Bertold Brecht: “Die Lösung”¹.

Dizia Gramsci, ao analisar a análise da arte que se dava no livro Ensaio Popular de Lukács, que o juízo o oferecido do Prometeu de Goethe era superficial e e extremadamente genérico, dando a impressom, segundo o filósofo italiano, de que Lukács desconhecia tanto a história do mito de Prometeu na literatura mundial antes de Goethe como o seu tratamento em tempos do próprio autor alemám². António Gramsci perguntava-se como é que se podia distinguir entom o que era estritamente pessoal de Goethe do que é representativo da época e dos seus grupos sociais sem recorrer à filosofia da praxe³.

Marx e Engels viam a força como a parteira do progresso histórico e aí enquadra-se a sua ligaçom com a ditadura do proletariado (logo reinterpretada polo leninismo) e o terror no sentido robespierriano. Também existia certa dose de apocalipse nas suas teorias quanto subestimárom a capacidade de regeneraçom do capitalismo e viam a chegada do socialismo (o paraíso) como algo iminente. Este tipo de pensamento existia já no materialismo judeu-cristao, mas agora mudava-se a promessa do paraíso no céu pola promessa dum paraíso na terra. Entom, como acontecia no cristianismo com a vinda do Messias, aqueles que se opusessem ao avanço do comunismo seriam também esmagados algo que sublinhárom os bolcheviques e demais representantes do marxismo menos romántico e mais modernista, mais autoritário e menos libertário.

Prometeu é o herói que se enfrenta aos deuses em nome do progresso da humanidade, por isso é um gigante. Marx e Engels seguírom a Maquiavel na rejeiçom da moralidade como princípio para a acçom e abraçárom princípios científicos de análise e recomendaçom como parte do legado do Iluminismo europeu. Já David Hume ou Voltaire tinham criticado com força a superstiçom e o preconceito e a ciência foi-se erguendo como religiom substituta (até ser a religiom do poder nos nossos dias onde os “expertos científicos” sancionam através da mídia as decisons do poder sem que exista “alternativa” e passam por cima dos, teoricamente, representantes da cidadania).

No entanto, como no se vê no conto de Ferrín “A noite no chao” em que se analisa a alienaçom social e como os oprimidos se negam a serem libertos, Marx e Engels negárom-se em redondo a idealizar os pobres e oprimidos como faziam muitos socialistas da época. Sempre que falavam das massas atribuíam a responsabilidade de todas as falhas e deficiências às classes governantes. Elogiavam o “proletariado” como classe e afirmavam que o capitalismo desviara os seus membros do caminho da verdade e da racionalidade, alienando-os. Nom conheciam o lume sagrado que lhes trazeria Prometeu, o marxismo. De facto, Lenine – os bolcheviques faziam umha interpretaçom em extremo autoritária e simplificativa em muitos aspectos das ensinanças de Marx e Engels– apelou à “guerra civil europeia” entre a burguesia e o proletariado do continente e Trotski sublinhava a necessidade da revoluçom permanente (ergo mundial)⁴.

Destarte, o marxismo procurava criar um homem novo, livre dos hábitos do passado, purificado pola acçom do lume prometeico. Em 1831 Eugène Delacroix apresentou no Salom de Paris da Academia de Belas Artes o seu quadro O 28 de julho de 1830: a Liberdade guiando ao povo, em que represenava o primeiro levantamento importante na Europa desde 1789. A pintura punha de relevo a aliança entre burgueses e proletariado que se produzira na Revoluçom francesa e ao contrário que os Horácios de David punha em destaque sobretodo os pobres e os operário e nom os burgueses. Se David pertencia ao neoclassicismo, Delacroix era um pintor resolutivamente romántico e seria um prometeu alemám, Karl Marx, o que preconizaria dum jeito incondicional a violência revolucionária através dumha nova política: o socialismo⁵.

Na Rússia pré-revolucionária tivera muito efeito umha obra de Nikolai Chernishevski publicada em 1863 e intitulada Que fazer?, que, ao igual que o legado de Rousseau no prévio a 1798, promulgava entre a mocidade da época umha alternativa à sociedade russa da altura caracterizada pola hierarquia, a subvordinaçom e a divisom social. A isto opunham o homem novo e a liberdade. As personagens de Chernishevski fôrom satirizadas na obra Memória do subsolo de Dostoievski, publicada em 1864, mas esse nom era nem muito menos o sentimento que prevalecia na mocidade e Que fazer? Converteu-se numha sorte de Bíblia, a pesar da sua obscura redacçom para sortear a censura e da sua escassa feiçom literária, para geraçons enteiras do estudantado radical russo⁶.

Precisamente foi Vladimir Ulianov, Lenine, quem adaptou o socialismo de Chernishevski ao mundo moderno e o marxismo modernista da Segunda Internacional às condiçons de Rússia e a diferença do seu irmao anarquista, Aleksandr executado em 1887 na forca, nunca foi um socialista utópico ou romántico.

A alegoria mais útil para entendermos o comunismo é, no entanto, a que provem da tragédia clássica ateniense do século -V. As tragédias gregas, como é bem sabido, mostravam em forma dramatizada um conjunto de transiçons fundamentais na sociedade humana: da ordem hierárquica patriarcal a umha comunidade fraternal e igualitária; dumha sociedade aristocrática de reis guerreiros como a de Homero a umha outra mais “democrática” em que todos os cidadaos varons participavam da política e luitavam como iguais no exército popular; e dumha sociedade de clans e feudos – as gens de que fala Engels em A origem da família, a propriedade privada e o Estado– a outra integrada sob o império da lei. A trilogia sobre Prometeu, atribuída a Esquilo, oferece umha dramatizaçom especialmente chamativa da transiçom da ordem patriarcal à fraterna e do atraso ao conhecimento, à modernidade.

No Prometeu encadeado de Esquilo, a primeira parte a trilogia e a única que se conserva integramente, destacam quatro personagens. Cratos, personificaçom masculina do poder e da força (cratos em grego significava poder), e a sua irmá violenta Bia servintes do tiránico pai dos deuses Zeus. O mensageiro Hermes e Prometeu (literalmente “previsor”) que é mostrado dum jeito muito positivo como ser racional ao que a intransigência do poder, de Zeus, e a covardia de Hermes transformárom num rebelde colérico. Prometeu está disposto a enfrentar-se a Zeus ainda quando isso signifique o emprego dumha terrível violência. Trata-se entom dumha magnífica amostra da tensom entre hierarquia e tradiçom face a igualdade de modernidade. Nom é causa de surpresa que o Prometeu heroico mas colérico de Esquilo se erigira como símbolo da emancipaçom para poetas opositores das monarquias europeias, desde Goethe até Shelley. No entanto, foi Karl Marx quem adoptou mais plenamente a metáfora vendo-o como santo e mártir mais eminente do calendário filosófico. No adro da sua tesinha de doutaramento, “Diferenças entre filosofia natural de Demócrito e Epicuro”, citava o seu herói: «Em poucas palavras, odio a todos os deuses... Melhor estar encadeado a esta peneda que escravizado ao serviço de Zeus».

No entanto, com o leninismo, vemos como umha vez que o comunismo autoritário chegava ao poder abandonava as suas ambiçons románticas e advogava pola tecnocracia e o fervor revolucionário. O marxismo modernista, face o marxismo romantista, era umha ideologia tecnocrática do desenvolvimento económico baseada no “saber fazer” dos mais expertos – e na vanguarda–, nos planos centralizados e na disciplina. O desejo quase religioso dos bolcheviques de transformar a sociedade e a sua visom maniqueia do mundo onde alentavam os elementos mais repressivos e violentos do velho mito, dariam como resultado umha política muito diferente da proposta e aplicada por Marx e onde se “redimiria” ao oprimido contra a sua vontade aplicando umha violência parelha, senom maior por vezes (como com Bèla Khun ou Pol-Pot) da do capitalismo⁷.

Vsévolod Pudovkine no filme A fim de Sam Petersburgo apresenta a revoluçom como umha força modernizadora através da vida dum camponês, com o que o autor queria sublinhar que os camponeses também podiam modernizar-se e converterem-se em revolucionários, isso sim, sob a batuta da direcçom bolchevique⁸. De facto, fora Lenine quem tentara junguir o marxismo revolucionário e o modernismo através do partido de vanguarda “de novo tipo” porta-voz da revoluçom e a modernidade. O filme de Pudovkine demonstra o muito que virara imagem da revoluçom desde os dias de Delacroix e a hegemonia, em sentido gramsciano, do marxismo modernista entre os revolucionários do mundo especialmente a partir de 1917⁹.

Em 1913 aparece o romance simbolista Petersburg de Andrei Bely num cenário bem diferente aos de Dostoievski e Chernishevski. Ambientada em 1905, Petersburgo fai palidecer à Aúria descrita por Blanco Amor em Xente ao lonxe e que é a primeira incorporaçom do proletariado à literatura galega. Bely apresenta-nos umha cidade que ferve rodeada por «um anel de fábricas com muitas chemineas» desde a que se sente o som revolucionário do proletariado. Dez anos depois, em 1923, aparecia Cavalaria vermelha, umha serie de relatos de Isaak Babel, onde se exprimiam as experiências do autor, correspondente de guerra com a cavalaria cosaca de Budionni na campanha contra Polónia de 1920. O livro obtivo muito sucesso e reflectia a extrema violência que se vivera na guerra civil¹⁰.

O Prometeu colérico voltava irromper. Embora Lenine nom fora um entusiasta nietzscheano da “violência redentora”, que hoje Slavoj Zizek pregoa falsamente nalgumha reinterpretaçom de Lenine, tampouco a enjeitava e sempre aprovou a vingança de classe, tentando que as massas foram ao tempo revolucionárias e disciplinadas o que enervaria o radicalismo dos “saltos adiante” e das mobilizaçons populares de Estaline e Mao em décadas posteriores.

A isto junguia-se a prédica da modernidade que nom se limitava apenas no caso dos bolcheviques à indústria pesada e a eficiência no trabalho, mas também à educaçom de massas, a protecçom social, a desapariçom da religiom e a emancipaçom feminina (escassamente lograda contodo). Aleksei Gastev, até 1917 operário metalúrgico e poeta, foi um dos mais entusiastas propagandistas do taylorismo como demonstra o seu poema mais conhecido, “My rastiom iz zheleza” (Crescemos do ferro), de 1914 e que fundou em 1921, com o apoio de Trotski e Lenine, o Instituto Central do Trabalho. Do modelo da Comuna de Paris passou-se assim à gestom pretensamente científica de Frederick W. Taylor que se aplicara já nas fábricas de carros de Henry Ford nos EUA. Para Taylor cumpria dividir as tarefas dos trabalhadores em movimentos precisos, medindo-os ao segundo e calculando o seu ordenado segundo a produçom. Lenine esquecia assim que com anterioridade condenara este sistema como exemplo típico do capitalismo embrutecedor Esta utopia foi atacada por Ievgeni Zamiatin na sua distopia We (Nós), redactada entre 1920 e 1921, e publicada em inglês em 1924 e que inspiraria como modelo a obra mestra de George Orwell: 1984¹¹.

Umha variante do Prometeu colérico é o drama Spartakus, estrenado sob o título Trommeln in der Nacht (Tambores da noite) o 23 de setembro de 1922 em Munique e o 20 de dezembro em Berlim que lhe valeu a Bertlolt Brecht o prestigioso prémio Kleist. Em Spartakus um soldado, Andreas Kragler, regressa da guerra e topa-se com umha Alemanha cheia de venalidade e corruçom. Quanto Brecht escreve esta peça Europa encontrava-se na terceira onda revolucionaria -a mais radical- após as de 1789 e 1848¹². Por vez primeira, governar sem a burguesia – que desde as revoluçons de 1848 deixara de ser para sempre umha classe revolucionária– era nom só possível, mas também para a asa mais radical do socialismo necessário. A diferença do SPD e da socialdemocracia, intelectuais¹³ e comunistas estavam na primeira linha da revoluçom. No entanto Brecht mostra-se premonitório pois Andreas Kragler toda vez que vence o seu rival burguês no amor de Anna contenta-se com a comodície da sua vida privada e nom luita já por um governo operário revolucionário.

Precisamente, quando os espartaquistas tentárom a tomada do poder efemeramente em 1919 em Alemanha e em 1921 a maré revolucionária estava já por toda a parte em retrocesso, pois os partidos comunistas nascidos ao amparo da Revoluçom de 1917 nom conseguiram ganhar-se à maioria da classe operária e o campesinhado e mediada a década de vinte as classes dominantes restauraram a ordem e o edifício da autoridade e da propriedade. Lenine efectuou entom um “repregue”, que assumírom os partidos comunistas por toda a parte, baseado na disciplina e a hierarquia e oposto ao idealismo de 1918-1919¹⁴.

Diederich Hessling, o antiherói de Heinrich Mann no romance O patrioteiro (Der Untertan, publicada em 1918, mas completada segundo o autor antes da Grande Guerra) é a literaturizaçom do servilismo de Hermes com Zeus. É um burguês feudalizado e completamente servil com o káiser Guilherme que renúncia a missom histórica da burguesia por medo ao “perigo vermelho”. A obra corrobora a teoria do imperialismo de Rosa Luxemburgo e outros marxistas, para os que existia um “vencelho de ferro” entre o capitalismo e o imperialismo militarista dumha banda, e a velha tese liberal do capitalismo com portador de liberdade e paz pola outra cada vez menos crível (como nesta nova crise da hegemonia, desta volta norte-americana aconcete, por exemplo com as guerras do Iraque, o Afeganistám, Líbia ou o assassinato de Bin Laden) ao aumentar a repressom e as desigualdades sociais.

O Prometeu vitorioso no entanto ficara reduzido à Rússia. A recriaçom da revoluçom de Outubro de 1917 mais lograda, a partir dum livro dum correspondente norte-americano, quiçais for a de Sierguei Eisenstein: Outubro: dez dias que estremecêrom o mundo. Porém, a diferença de Pudovkine, nom pudo apresentar a sua obra em tempo, afastada do marxismo modernista. Assim, enquanto Pudovkine apresentava A fim de Sam Petersburgo, que retratava a consciência socialista disciplinada e racional, Eisenstein advogara polo romantismo revolucionário num filme em que se expom com perícia o marxismo radical e o heroismo colectivo. O filme, que apareceu em março de 1928, contou com 5.000 extras e umha toleráncia das autoridades grande – sem isençom da censura isso sim–, para criar um filme muito propagandístico e para alimentar o mito de Outubro de 1917. A auténtica mensagem radical era a luita de classes, se bem o recebimento na URSS foi menor, pola sua falha de inteligibilidade para as gentes do comum, a respeito da de Pudovkine (se bem conectava melhor com a nova ordem que se desenvolvia sob Estaline)¹⁵.

Morte e ressurreiçom de Prometeu

Com anterioridade, entre 1922 e 1924, escreveu-se o romance Cimento do escritor proletário Fiodor Gladkov que nos conta a história dum herói da guerra civil, Gleb Chumalov, que torna à sua morada ao ser desmobilizado e topa-se com a sua amada fábrica de cimento inactiva e caindo a pedaços. O frente da guerra civil dava passo ao “frente industrial” e entre os trabalhadores deviam sair novos prometeus para exercer a sua violência sobre os “inimigos de classe”, os tecnócratas e os burócratas. Embora, Gladkov escreve que o protagonista respalda a NEP o certo é que deixa enxergar a decepçom que no PCUS provocava e, ao igual que os jacobinos na Revoluçom francesa, recomendava audácia, audácia e audácia como a demonstrada durante a guerra civil, ou seja, volta à mobilziaçom das massas e à luita de classes¹⁶.

O retrato oficial do estalinismo e do seu forte chovinismo aparece em Aleksandr Nievski de Eisenstein. É o retrato do príncipe medieval Alexander Iaroslavich de Nóvgorod que dirigiu a resistência contra os invasores suecos e da Ordem Teutónica entre 1240-1942. O valor e renartaria dos eslavos permite-lhes derrotar aos orgulhosos teutons superiores tecnologicamente. Os ideólogos do partido topavam-se elaborando umha versom selectiva do nacionalismo russo, um bolcheviquismo nacional. Prometeu morrera e a revoluçom também ao tempo que Estaline promovia o culto a personalidade, especialmente após o fracasso da “Grande Ruptura” em 1933, com o apoio da nomenklatura que se convertera num grupo de estatus previlegiado¹⁷.

Novamente vai ser Eisenstein quem ofereça umha versom oficial. Entre 1942 e 1944 roda-se Iván Grozny (Ivám IV, “o Terrível”), que obtivo o prémio Estaline de 1944. Em 1946 filma-se a segunda parte, A Conjetura dos boiardos, que nom se estrenou até 1958 já que foi proibida pola censura. A terceira parte também se filmou em 1946, mas foi requisada ao morrer Eisenstein em 1948 e provavelmente destruída em sua maior parte. A criaçom da opríchnina por parte daquele sanguinário monarca absolutista foi posterior à unificaçom de Rússia e a derrota dos seus inimigos. Aquela guarda real foi empregada para disciplinar os boiardos, nobreza russa, e interprestou-se como um momento progressista na história russa. Na URSS o novo Iván era Estaline e a nova opríchnina era o NKVD. No entanto, Eisenstein dá-lhe umha dimensom psicológica à personagem e umha olhada cada vez mais psicodélica e claustrofóbica que propiciou a censura.

Após a morte de Estaline o seu regime é moderamente criticado. Alguns intelectuais enervam contodo esta crítica. Vladimir Dudintsev atacou a inlfuintes estalinistas. Nom só de pam vive o homem era um romance muito popular na altura. Tratava-se dum romance de tese que se congraciava com as ideias quase románticas do primeiro Jruschov, mas ao tempo incidia nas causas que fariam fracassar estas ideias. Dudintsev condenava a tecnocracia insensível do estalinismo serôdio e por sua vez advogava pola volta ao idealismo e a um novo marxismo utopista caracterizado pola democracia, os sentimentos e a criatividade. Na mesma linha ia a obra O Desgelo de Ehrenburg, publicada em 1954, e que fazia eco da ideia de Jruschov de que toda pessoa tinha umha criatividade inata que convinha explorar. Ainda assim, tanto Jrischov como estes autores negavam-se a recuperar a retórica da velha luita de classes e o novo Prometeu, muito menos colérico e mais racional, era um técnico experto e nom um operário manual. Já que a elite do partido era irreformável a salvaçom vinha necessariamente da criatividade¹⁸.

A vida no Gulag literaturizou-se em Um dia na vida de Iván Denisovich, um relato tétrico de Solzhenitsyn que influiria no movimento do maio do 68 occidental. Prometeu voltava, mas já nom nos estados do “socialismo real”, mas nas sociedades estratificadas e oprimidas do Terceiro Mundo, desde o romantismo idealista do Ché Guevara até a Angola e o Moçambique que luitavam pola independência na guerra colonial.

A começos de 1970 Artur Carlos Maurício Pestana dos Santos, Pepetela, escreve Mayombe. Pepetela era um combatente branco do MPLA e como deixa já claro desde a sua dedicatória volta à modernidade prometeica e à guerra, já que Ogun é um deus africano da guerra:

Aos guerrilheiros de Mayombe,
que se atrevêrom a desafiar os deuses
abrindo um caminho através das escura floresta,
vou-lhes contar o conto de Ogún,
o Prometeu africano.

Mayombe conta a história dum grupo de guerrilheiros que combatem contra os tugas, os portugueses, na densa floresta de nome homónimo. Um dos núcleos do romance é o esforço por forjar um povo angolenho moderno que ponha fim às divisons tribais e ao passado racista colonial. Agostinho Neto, futuro líder do MPLA, ou o estudante de agronomia de Cabo Verde Amílcar Cabral futuro líder do PAIGC serám os Prometeus da África de língua portuguesa. Nunca a literatura, a cultura e a política conheceram umha feiçom tam fundamente marxista num processo revolucionário onde se junguiam a emancipaçom nacional e social. Ao igual que o Ferrín de “A noite no chao” em Quem me dera ser onda? visualiza-se a dificuldade de redimir ao oprimido inconsciente da sua alienaçom (se bem num tom muito mais cómico).

O mundo efervescente e emancipatório do sul contratava com o mundo sem valores aborrecível e o gozo intolerante das massas do Segundo e do Primeiro Mundo que retrata Milan Kundera na segunda parte do seu romance A brincadeira, onde capta as mudanças da Europa oriental após a morte de Estaline. A preocupaçom dos comunistas polo consumismo reflectia-se na comédia romántica de 1984 intitulada Blondinka za uglom (A loira do lado) e que fazia referência às contrariedades que provocava o lucrativo mercado negro nos estados do leste.

A fascinaçom polos objectos de consumo, polos fetiches ressaltava umha nova forma de alienaçom e como a sociedade soviética se movia ideologicamente para ocidente com um “bem-estar” baseado na suba dos preços do petróleo com o que os dirigentes do “socialismo realmente existente” tentavam aplacar os desejos de democracia e mudança do proletariado. Assim, cantantes occidentais como Julio Iglesias fôrom qualificados como promotores do neofascismo¹⁹.

Ao tempo em ocidente nascia o anti-Prometeu. O neoconservadurismo de Reagan e a utopia reaccionária ultraliberal eram mostras disto. Umha proporçom surpreendente da primeira camada de intelectuais neocons procediam da revista The Public Interest, fundada por antigos trotskistas como Irving Kristol e Daniel Bell em 1965. Bell seria precisamente um dos fundadores do pós-modernismo com o que sob o disfarce da morte dos metarrelatos emergia umha salva de palmas ao capitalismo do livre mercado extremo e ao imperialismo norte-americano a partir da década de 90 camuflado sob o eufemismo, asséptico e neutral, de globalizaçom. Do trotskismo ficava o “internacionalismo”, a fé na luita, a ideia utópica dumha sociedade pura ao fim da história (sancionada por Francis Fukuyama), o ódio a realpolitik estalinista, e, sobretodo, a confiança romántica no poder as ideias e a moralidade para mudar o mundo.

Junto a estas bases morais a contrarrevoluçom capitalista tinha outras bases racionais no credo ultraliberal. O economista Milton Friedman, antigo partidário do New Deal, popularizou umha visom da economia baseada no laissez-faire no ronsel de Friedrich Hayek, quem defendia umha “democracia limitada” e umha “liberdade” a mantenta restringida a liberdade de consumo (a distinçom que Chomsky tem feito entre liberty e freedom é muito reveladora a este respeito). Como assinala em Contra o pós-modernismo Callinicos após o desengano de 1968 unírom-se à luita contra o comunismo e ao assalto ao velho estado corrupto para implantar umha nova ordem baseada num liberalismo “revolucionário” que empregava métodos militares e mobilizadores de teor leninista²⁰.

Prometeu hoje: Novamente encadeado?

O sonho prometeico volta ressurgir com força nos nossos dias. É a velha pantasma que percorre Europa e o mundo cada vez que se degradam as condiçons de vida das maiorias sociais, se estratifica e feudaliza a sociedade e se aplica um férreo e alienador controlo sobre o corpo social, convertendo o povo em massa através do binómio político-medíatico.

O fime Monanieba (Arrependimento) do director georgiano Tenguiz Abuladze é quiçais um dos poucos filmes complexos e cultos que fôrom um sucesso comercial. Estrenada em 1986, ao abeiro da glasnot' (transparência) de Gorbachev, é um vívido retrato do ambiente que se vivia ao começo da perestroika (reestruturaçom). Gorbachev incorporava-se assim à longa listagem de dirigentes que acreditava que era possível vigorizar o comunismo leninista atacando os “burócratas” conservadores obsessionados polo estatus, mas a diferença do Estaline dos anos vinte, do Mao da Revoluçom Cultural ou do Jruschov de finais de 50 e começos da década de 60 foi o único que chegou a conclusom que isso só era possível se se reduzia o poder do partido propiciando a destruiçom do próprio sistema ao socavar as bases do poder da burocracia e permitindo que remataram por efectuar sob Yeltsin a pilhagem e a partilha do público criando estados mafiosos e falidos.

Ao tempo que as brasas do lume encendido polo velho Prometeu de 1789 ou 1917 se apagavam a labareda dos contra-revolucionários ultraliberais atingia o seu explendor com a excepçom do desafio do EZLN em Chiapas na década de 90. No entanto, desde 2008 as conseqüências da utopia reaccionária ultraliberal som bem visíveis e as cadeias de Prometeu semelham que começam a aferrolhar-se. Evo Morales, a resistência da gerontocracia castrista, Hugo Chávez, Correa, etc. som mostras do espertar dos povos do mundo e de como o Império, o centro do sistema-mundo desde 1945 passou da crise-sinal do Vietnam à queda da sua hegemonia na rediçom dumha fanada belle époque eduardiana que atingiu o seu culmem com Bush II, mas que nom evitou que na disjuntiva entre canons e manteiga, como acontecera na URSS, se dispararam as desigualdades e o descontento da populaçom. A hegemonia ultraliberal e reaccionária nos centros do sistema-mundo capitalista nom fam alviscar contodo que surja um Prometeu num contexto em que eleiçom após eleiçom medra a extrema-direita entregue às directrizes da bancocracia e as instituiçons de governança global como o FMI ou o Banco Mundial, instrumentos do RDWS descrito por Peter Godwan.

A ideologia do novo capitalismo, o capitalismo do longo declínio, triunfou entre a geraçom do 68 com o acento posto mais na uniformidade cultural que na igualdade económica real e na fraternidade do comunismo romántico em que Prometeu conheceu a sua moderna safra. A Terceira Via foi a mostra mais evidente da desorientaçom e o fracasso da esquerda clássica, incapaz de recuperar-se da queda do muro de Berlim enquanto por toda parte do capitalismo erguia novos muros e impunha o seu TERROR mediante a fome e a opressom privatizando a auga e outros bens universais, destruindo a natureza, jogando à morte a mais de 1.000 milhons de pessoas e condenando a mais de 3/5 da humanidade a viver fora da história e do pretenso paraíso ultraliberal. Experiências como a de Sendero Luminoso enterrárom para sempre a desproporcionada violência do maoismo se bem até nas revoltas árabes, para nada hegemonizadas polo marxismo, se fixo meridianamente claro que sem violência e mobilizaçom nom é possível mudar o estado actual de cousas ao terem as elites que controlam o estado o monopólio no exercício da violência. Como dizia em 1969 umha tonada intitulada “A flor da giesta”:

O sangue do povo tem

rico perfume,

cheira a jasmim, violeta

geránios e margaridas,

a pólvora e dinamita.

CARALHO!

a pólvora e a dinamita.

Como di Priestland²¹ cumpre deixar claro que a tradiçom romántica participativa do comunismo – que se viu por última vez nas barricadas de 1968 e que semelha estar re-emergindo agora nalguns focos na Europa como em Grécia- voltará cobrar importáncia. A medida que se faga mais visível e grande o lanho das crises do capitalismo globalizado, os ideais marxistas de autenticidade e participaçom democrática acumularám mais e mais forças e poderá atingir-se umha nova massa crítica. Finaliza o seu extraordinário livro com estas linhas:

Era inevitável que a tentativa prometeica dos comunistas de combinar os projectos em conflito com a ciência moderna, a igualdde e a liberdade ficara desacreditado; mas nom deveriamos ignorar totalmente a Prometeu. A necessidade de resolver as questons que planteia esse mito parece hoje mais necessária do que nunca, se queremos decobrir novas vias para umha ordem social e ecológica mais igualitária e sustentável.

1Final do poema “A soluçom”: “Nom seria mais singelo que o governo disolvese o povo e eligira outro?”.

2Segundo o mito, Prometeu, um dos velhos titáns, roubou-lhe a Zeus, o máximo deus do Olimpo da Grécia clássica, e aos novos deuses olímpicos o lume para oferecer-lho como agasalho à humanidade. A sua ousadia imprimiu-lhe o conhecimento e o progresso à humanidade o que atemorizou os deuses. Zeus, como castigo por ter devastado a velha ordem – num paralelismo com o pecado original que leva a expulsar a Adám e Eva do paraíso– encadeia a Prometeu a umha rocha nas montanhas do Caúcaso onde todos os dias umha águia lhe rilha o fígado que se regenera eternamente.

3Gramsci, António (2009), tradución de Jordi Solé Tura, La política y el Estado moderno, Público: Barcelona, pp. 73-74.

4Service, Robert (2007), Camaradas. Uma História Mundial do Comunismo, Publicaçons Europa-América: Men Martins, 2008, p. 38.

5Priestland, David (2009), Bandera roja. Historia política y cultural del comunismo, Crítica: Barcelona, 2010, pp. 37-38.

6Op. cit., pp. 83, 85.

7Op. cit., pp. 17-20. Para Marx e Engels o resultdo da revoluçom proletária era efectivamente a ditadura do proletariado, mas sob esta expresom nom entendiam o governo dum partido revolucionário sobre a maioria, segundo o modelo jacobino ou blanquista, senom umha democracia em que o proletariado mediante assembleias populares empregaria as medidas que forem precisas, até violentas, para destruir o velho estado. É umha concepçom da ditadura comum desde a República romana, umha concentraçom do poder temporal que rende contas a umha cámara legislativa como era o Senado e que nom suspende o poder judicial. De facto, na Revoluçom francesa Robespierre fora tentado a assumir este poder temporal, embora o rejeitara.

8Op. cit. pp. 78-79.

9 Com a excepçom de Catalunya e outras partes da Península Ibérica até 1936 onde o comunismo libertário e o anarquismo da CNT e da FAI eram hegemónicos, daí que La Falange – o partido fascista espanhol– tomara as cores vermelha e negra tal e como o NSDAP tomara o termo “socialismo” da SPD e o KPD e a cor vermelha.

10Priestland, David (2009), Bandera roja. Historia política y cultural del comunismo, Crítica: Barcelona, 2010, pp. 95, 102-103.

11Op. cit., 107-108.

12Para a de 1848 e as suas semelhanças com as revoltas árabes veja-se o meu artigo “A primavera dos povos” disponível na rede.

13O autor teatral Ernst Tollen foi sem ir mais longe um dos máximos dirigentes da efémera república soviética de Bavaria em abril de 1919. No entanto, convem lembrar que entre os principais teóricos marxistas da altura existia umha simpatia maior para com Aleksandr Bogdanov e a asa esquerda dos bolcheviques que para com Lenine. Assim Paul Levy ou George Lukáks participárom da fanada aventura de Béla Khun em 1919 que durou tam só 133 dias. Khun pensava, a diferença de Lenine, que o PC devia disolver-se após a tomada do poder com umhas posturas muito mais radicais às de Lenine. Contodo, voltaria-se mais ortodoxo a partir de 1923, quando sai do prelo História e consciência de classe, e satirizaria-o Thomas Mann em 1924 no seu romance A montanha mágica, onde aprece sob o nome de Leo Naphta. A aventura de Khun receberia também um sério correctivo em 1929 com a apariçom de A doença infantil do comunismo de Lenine, onde mais umha vez se advogava polo centralismo e a disciplina em consonáncia com a vontade de controlar o comunismo internacional através da Comitern como ficou claro no seu II Congresso de 1920.

14Priestland, David (2009), Bandera roja. Historia política y cultural del comunismo, Crítica: Barcelona, 2010, pp. 95, 116-117.

15Op. cit. 144-145; 148. Precisamente umha das obras que mais influírom no jovem Estaline, seminarista georgiano, é Parricídio de Aleksandr Qazbegui, quem partilhava com Bakunine ser um aristócrata que idealizava os camponeses. O protagnista do romance, Koba, une-se a umha fraternidade de bandidos que vingam aos pobres, mas virtuosos montanheses derrotando os opresores oficiais russos e os seus colaboracionistas. Precisamente o recurso ao nacionalismo e a sua fusom com o leninismo som umha das marcas mais constantes em Estaline, especialmente a partir de 1942 com a Operaçom Barbarroxa do Terceiro Reich.

16Op. cit. 151-153: 156-158. O maior defensor da NEP foi Nikolai Bukharine e o seu primeiro opositor foi Leon Trotski em 1923 desde a Oposiçom de Esquerda, a asa mais radical dos bolcheviques, em contraste com a defesa da disciplina e dos oficiais tzaristas “conversos” durante a guerra civil. Kámenev e Zinóviev formárom a sua própria oposiçom em 1925 e um ano depois confluírom com Trotski na Oposiçom Unida que censurava a Estaline, Bukharine, Rikov e Tomski no seu empenho de manter a NEP (já esta era contrária, segundo os opositores, à luita de classes, a democracia igualitária e a revoluçom internacional). Entre julho e outubro de 1926 a Oposiçom Unida foi expulsa do Politburó e a finais de 1927 Bukharine e Estaline expulsárom-nos do partido no XV Congresso. Trotski seria expulso da URSS em 1928. No entanto, a derrota da Oposiçom Unida supujo a vitória de parte do seu programa que recuperou Estaline junguindo-as com o nacionalismo e a quimeira da revoluçom num só país. Quando Rikov, Tomski e Bukharine se oponhem (tinham a maioria no Politburó) Estaline acusa-os de “desviacionismo de direitas” e começa a “Grande Ruptura”.

17Op. cit., 167, 170, 172. Logo viria a bloshaia chistka, “a grande limpeza”, a mais grande dumha série de purgas que fôrom recorrentes no estalinismo. A chistka entrou na sua fase crítica a partir da primavera de 1937.

18Op. cit. 335-338.

19Op. cit. 404-405; 436-439.

20Dá medo só pensar na possibilidade de que o desprezo à política e as ideologias de esquerda detectadas em muitas acampadas com motivo do 23-M no Estado espanhol (presença de infiltrados e de membros da extrema-direita e do fascismo), perante umha inerme esquerda, poda servir, como em 1968, para criar umha nova fornada de intelectuais e quadros conservadores e a desmobilizaçom completa e absoluta da mocidade durante mais umha década.

21Priestland, David (2009), Bandera roja. Historia política y cultural del comunismo, Crítica: Barcelona, 2010, pp. 561-562.

O roubo na educaçom

2011-04-14T15:05:00.000-07:00

Nos últimos decénios assistimos no Reino de Espanha a um progressivo deterioro da sanidade e da educaçom da mao da prevalência das doutrinas ultraliberais, bem no rosto "amável" do PSOE bem no punho-de-ferro dos neocons como Esperanza Aguirre ou aqui, na Galiza, o "Habichuela".

A nova lei de família (analisada aqui), a fiçom de "que os pais escolham" como se forem clientes num hipermercado, as advertências de que o co-pago sanitário está aí e asseveraçons do corte de que "porque temos que pagar o fracasso escolar dos demais" que se ouvem em Intereconomia, Veo 7 e outros foros da extrema direita celtibérica dam boa conta do que falamos. Como afirmava esta semana numha palestra Xosé Manuel Beiras vivemos num estado de direitas, nom de direito, nom a Constituiçom de 1978 suspendida na prática na sua totalidade -até na soberania nacional que agora exercem "os mercados", quer dizer, Emilio Botín, Tritchet e companhia.

A ditadura fascista chefeada por Franco foi fundamentalmente umha ditadura de classe. No eido educativo daqueles quarenta anos venhem em boa medida os déficits da educaçom do Estado espanhol, que só figérom agravar-se a medida que avança a hegemonia da ideologia ultraliberal. O Reino de Espanha tem um dos níveis educativos mais baixos da UE com 60% da populaçom que apenas tem um nível educativo primário ou nem isso. Em 1975 esta cifra alcançava 85% com um gasto educativo que supunha tam só 1'7% do PIB. Estes dados só conhecem parangom em Grécia e Portugal, estados que também sofrêrom naquela altura regimes totalitários semelhantes.

Este gasto público topa-se hoje (4'4% do PIB) por baixo já nom só da média dos membros da UE-15 (5'2%), mas também dos "novos" como Polónia (5'6%), Letónia (5'8%), Estónia (5'7%), Lituánia (5'9%). Ao invês do que afirmam os altifalantes da ideologia ultraliberal (supostos ténicos e expertos) a equidade e a eficiência nom estám confrontadas, mas, a contrário, a primeria é conditio sine qua non para a segunda. Isto quando a percetagem de crianças e moças e moços escolarizados é inferior ao resto da UE.

O déficit no gasto público alcança proporçons pornográficas no ensino superior, especialmente no terceiro ciclo que forma especialistas, professores e investigadores. A inversom é de 1% do PIB face 1'15% na UE-15 - isto antes da "austeridade". Deste jeito, na Galiza nem tam sequer se atinge1% do PIB, e a Junta reduziu mais ainda o financiamento das universidades numha situaçom caótica que aponta a umha multiplicaçom das taxas como aconteceu em Inglaterra e Gales em 2010. O alvo de chegar a 1% está fixado retoricamente para além do 2014 segundo Núñez Feijoo.

E isto vê-se agravado porque a percentagem de populaçom estudante universitária é de 14% face o 10% da UE-15, com a conseguinte descida do gasto público por estudante, um dos mais baixos da OCDE. De por parte, isto vê-se agravado por dous factores: a mercantilizaçom da universidade com a devida subida das taxas dumha banda; e, por outra banda, um reducíssimo gasto público em bolsas que explica porque apenas 8% dos universitários som filhos da classe trabalhadora nom qualificada e que estudaram até a chegada de Bolonha polo geral diplomaturas e nom licenciaturas. Estas ajudas, aliás, irám-se reduzindo ao tempo que se apostará por créditos, quer dizer, por umha implosom social a meio-longo prazo.

O gasto público em primária e secundária apenas representa 2'9% do PIB face 3'6% da média dos estados da UE-15. As horas lectivas por ano e aluno na secundária som 559, enquanto na UE-15 aom 678. Este diferencial ao longo secundária supom um ano menos de ecucaçom que o promédio da UE ou até dous se nos cotejamos com Escócia, Bélgica, Alemanha ou Holanda. Isto ajuda a explicar porque os informes sobre educaçom situam o nosso estudante promédio um ano por baixo do que na UE. Nas escolas privadas há umha hora mais polo que este desfase nom se dá.

Porém a privada é um grande problema de por si. Nengum outro estado da UE-15 tem umha percentagem tam elevada de estudantado na privada (filhos da burguesia, pequena burguesia e classes professionais de renda média e média alta; entre 30-35% da populaçom) e nengum outro estado lhe dedica tantos fundos (0'60% do PIB face 0'36% do PIB). A privada conta com mais recursos do que a pública ao contar também com subsídios públicos, enquanto nem som de graça, selecionam o alunado, discriminam os migrantes, etc.

Um segundo efeito disto é que esse 30-35% da populaçom nom exerce assim presom, através de aparatos políticos e a mídia, para melhorar o ensino público e a inversom educativa. A contrária som foco de associaçons reacionárias que sob a excusa de que "os pais decidem" advogam por um sistema segregacionista, privativo e privado. Já na etapa Aznar o gasto público em educaçom desceu e 4'7% do PUB em 1996 a 4'4% do PIB em 2002 ao tempo que aumentava a aposta pola privada. E esta é umha constante que a direçom económica de Solbes e Salgado nos governos de Zapatero longe de mudar continuárom com a inestimável ajuda do PP nas comunidades autónomas. Nom extranha, já que logo, que os informes PISA venham incidindo que o Estado espanhol é um dos estados onde a clase social dos pais determina as possibilidades educativas da sua prole e reproduzindo assim a escola a polarizaçom social.

Aliás, estudos realizados nos EUA demonstram que a falta de diversidade social nas aulas evita que o estudantado se conforme um conhecimento verdadeiramente representativo do conjunto da sociedade, algo que sim acontece no melhor sistema educativo, o finlandês, onde 3% do estudantado está apenas na privada.

O que nom vem os apologistas da privada é que a qualidade da educaçom marca-a a escola pública. Umha escola pública deficiente e com escassos recursos fará que a privada nom tenha que fazer um gasto muito melhor para mostrar-se como "a melhor", quando relamente apenas é um pouco menos má do que a pior. Todos perdem, a começar polo futuro económico económico e democrático do Reino de Espanha. Algo que os neocons nunca dim é que - como recolhe PISA em 2000- existe umha relaçom meridiana entre o gasto total em educaçom (público e privado) por estudante e a qualidade da educaçom, medida pola comprensom leitora e o conhecimento matemático.

Finalmente, expor que a nossa condiçom de socialistas nom resignados (do socialismo histórico da Ilustraçom) obriga-nos a advogar polo estabelecimento dumha escola pública única para todas as classes sociais, na tradiçom laica republicana, onde a escola seja a instituiçom básica para a integraçom social. Todo o contrário que a defunta Constituiçom espanhola de 1978 que sanciona umha escola privada para os ricos (subvencionada polos pobres) e umha cada vez mais deficiente escola pública para as filhas e os filhos das classes trabalhadoras. Os dados som os dados.

O "resgate" de Portugal: um "botín" para a bancocracia espanhola

2011-04-12T07:22:00.000-07:00

Encontra-se fatalmente condenado pola organizaçom económica da sociedade nos países mais civilizados de Europa, reduzido inteletual e moralmente tanto como a sua condiçom material, ao mínimo dumha existência humana, encerrado na sua vida como um prisioneiro na sua prisom, sem horizontes, sem saída, sem porvir mesmo, se se acredita nos economistas, o povo deveria ter a alma singularmente estreita e o instinto achatado dos burgueses para nom experimentar a necessidade de sair desse estado; mas para isso nom há mais que três meios, dous deles ilusórios e o terceiro real. Os dous primeiros som o burdel e a Igreja, a libertinagem do corpo e a libertinagem da alma; o terceiro é a revoluçom social. De onde concluo que esta última unicamente, muito mais ao menos que todas as propagandas teóricas dos livrepensadores, será capaz de destruir até os mesmos rastos das crenças religiosas e dos hábitos de desarranjo no povo (...), a revoluçom social unicamente terá o poder de cerrar ao mesmo tempo todos os burdeis e todas as igrejas. (1)

Quando se fazia evidente o assalto final ao Estado português por parte da bancocracia e do fascismo financeiro global numerosos comentaristas apresurárom-se a dizer que o Estado espanhol rem tinha a ver com o Estado português. Porém, agora já começam a trocar de opiniom, toda vez que Portugal parece que cairá sob a bota do FMI, ao serviço do dólar e dos EUA (o que Peter Godwan denominou o Regime Dólar-Wall Street, RDWS), e dumha UE ao serviço de Alemanha, como o demostrou a recente suba do tipo de juros impulsada polo BCE, presidido por Trichet (que anunciou que nom será a última pois Alemanhá já saiu da "crise").

Umha destas vozes de mal agouro, que se irám fazendo mais e mais evidentes nos próximos meses exigindo novos recortes, saia hoje no Financial Times (aqui). Como nos lembrava o Bertolt Brecht "que é o roubo dum banco em comparança com fundar um?". Isso ou umha agência de ranting para praticar o terrorismo financeiro impunemente e qualificar como valor seguro a Goldman Sachs o dia antes da sua queda. Novamente Marx acertado coma a sua teoria do valor.

A armadilha do velho lema necon TINA ("nom há alternativa") é dupla. Dumha banda exigem-se recortes para que os que "vivemos por cima das nossas possibilidades" nos apertemos "o cinto" -enquanto os lucros do grande capital se disparam- e doutra banda quando "os mercados" - entes etéreos sem forma nem responsabilidade perante a lei- o decidem os estados entram em falência e o "resgate" impom novas e ainda mais lesivas "medidas de austeridade".

Todavia, som estes os caminhos do ultraliberalismo.Sempre as mesmas receitas, sempre as mesmas desfeitas, a "destruiçom criativa" do capitalismo. Até o tam invocado pai do liberalismo, Adam Smith, que nada tinha de capitalista, renegaria de tam infame e ilógica política económica. Pura ideologia neocon que se apresenta como a única via possível sancionada por ténicos e expertos do mais seleto. Assim, a ideologia ultraliberal apresenta-se como ciência, quando nom como dogma, até erguer-se no sustento religioso, na metafísica do poder, para esmagar a milhons de cidadaos de todo o mundo. Noam Chomsky atribui-lhe a Smith um papel destacado dentro dos "teóricos da conspiraçom" - na expresom atual dos sacerdotes do poder- já que sustentava que "os princiapais arquitectos" da política global, "os nossos mercaderes e frabricantes", garantizárom que "se atenda com maior particularidade" aos seus interesses, por "perjudicial" que fora o impato sobre o próximo, em especial sobre as vítimas da sua "selvagem injustiza" na Índia [colónia do Império británico na altura] e outras regions, mas até também sobre a populaçom nacional mesmo. (2)

O Estado português, após o teatro do PS, recorre ao FMI e a UE pedindo ser resgatado. É o maravilhoso do ultraliberalismo, que as próprias vítimas pedem mais e mais castigos. Nom é de extranhar que os inquéritos apresentem agora a Pedro Passos Coelho, o candidato da direita, como ganhador das vindouras eleiçons. Os mesmos mercenários da bancocracia com distinto fato. A cidadania europeia, já nom digamos a dos "atrasados" PIG's, é incapaz de discernir, a sua cultura política e democrática é baixíssima, e a actuaçom dos sócio-liberais adelgazou a esquerda e reforçou a criaçom de "sentido comum" reacionário, da mao do binómio político-mediático. Lisboa receberá 90.000 milhons de euros que engrossarám ainda mais especuladores e bancos de todo tipo. Dessa quantidade dous terços sairiam do fundo de resgate da UE -criado em maio de 2010 e dotado com 750.000 milhons de euros- e o terço restante do FMI.

Enquanto Portugal entra em falência e cai nas maos de Saturno, que devora um a um os estados da periferia da Europa, nengum todólogo nos lembra na TV que a banca privada espanhola sairá beneficiada do "resgate", a contrário que a maioria da cidadania do Reino e que o próprio estado espanhol. A banca espanhola detenta 6.807 milhons de dívida pública portuguesa. Desse total, a entidade presidida por Emilio Botín, o Santander, conta com 5.118 milhons de euros o que apenas representa 0'45% do total de ativos da entidade. Nova Caixa Galicia (à que denominamos amistosamente NO.CA.GA.) ocupa o 7º posto com 29 milhons (0'004% dos seus ativos totais).

No entanto, que ninguém acredite que é aí onde está o negócio. Os 6.807 milhons de euros em dívida pública que tenhem os bancos espanhóis (Santander, Popular, BBVA, Pastor, Mare Nostrum, Sabadell, Nova Caixa Galicia, Banco Base, Caja España-Duero...) som umha ínfima parte em comparança com os 63.000 milhons de dívida e instrumentos financeiros, entre eles os CDS (polo que apostavam contra a própia dívida que adquiriam num lucrativo, desregulado e surrealista negócio), que atesouram. Em resumo, a banca espanhola tem umha exposiçom total de 79.000 milhons de euros, sendo o principal acredor do estado português e, já que logo, a máxima beneficiária do resgate. Eis os deliqüentes que esganarám o estado social luso e jogarám no lixo as esperanças de milhons de irmaos portugueses. Lembremos que o montante total estimado do resgat é de 90.000 milhons de euros, dos que grande parte irá parar a mastodontes financeiros como o império de Botín, para que podam seguir especulando desta volta contra o Estado espanhol, o italiano, o belga e todo o que se tercie.

Numha análise recente feita nos bancos de Wall Street e nas firmas de seguros, sobre o total do volume de negócios, observou-se que estes batêrom récordes em 2010 com 5'7% de crescimento sobre o valor negociado em 2009, 135 milhons de dólares. Ainda com estas, nos EUA a taxaçom sobre os ricaços despencou. De 1940 a 1980 o percentual de contribuiçom do imposto de renda dos mais ricos era no mínimo 70%, mas na década de 50 era de 91%. Hoje, em fim, é de 35%. E som estes os que nos exigem ao resto mais e maior "austeridade" (3).

O "resgate" é umha nova folha em branco aos especuladores, aos ladrons das finanças globais. Dos outros estados "resgatados" da Eurolándia tiramos o panorama negro que lhe espera a Portugal. A economia helena está em recesom e o país em pé de guerra. Em Irlanda o recente resgate já se traduziu numha contraçom do PIB - da ordem polo de pronto de 1%-. Em portugal subirám-se os impostos indiretos como o Imposto sobre o Valor Acrescentado (IVA), baixarám-se ainda mais os ordenados, rebaixarám-se os benefícios fiscais, congelarám-se as aposentadorias - já de por si míseras- e o subsídio de desemprego sofrerá catastróficas "modificaçons".

Destarte, o mais dramático ainda e que estas políticas de "austeridade" (austeridade para o que morre de fame e opulência para o que nada em dinheiro -assim a entendem os promotores do "socialismo dos ricos", como Ramonet lhe chama) aplicam-se nos estados que contavam com um welfare state mais subdesenvolvido e raquítico, ou seja, em Grécia, Irlanda,Portugal, Espanha e Itália. E também em Reino Unido, desde os oitenta, da mao da Terceira Via de Blair e Browm e com mais força ainda desde a chegada do tandem Cameron / Clegg. É curioso resaltar que a dívida pública do estado británico é imensa quando tem um dos estados sociais mais raquíticos de Europa, por nom dizer que no Reino Unido apenas sobrevive um estado assistencial. Isto pode explicar em grande parte a razom do estancamente já quase crónico da taxa de emprego do Reino Unido -antes da crise pois esta disparou lá também o desemprego- face a Holanda ou Suécia, com um desemprego muito inferior aos do Estado francês ou do Estado alemám. O ultraliberalismo é umha grande mentira de "ténicos" sem nengum escrúpulo nem vergonha na cara.

Note-se igualmente que a direita mediática embeste um dia após outro contra o estado do bem-estar, por vezes empregando a demagogia mais extrema e burda. Vaiamos por partes. A percentagem que trabalha nos serviços do welfare state no Reino de Espanha (sanidade, educaçom e serviços de ajuda às famílias) representa 6% em comparança com 17% de Suécia ou o 11% da média UE-15. Isto é bem sabê-lo quando se fala de descer o número e o ordenado dos funcionários como se eles foram os causantes da "crise" e nom mais umhas vítimas.

O gasto público em proteçom social (aposentadorias, mais os serviços já referidos - onde se incluem centros de dia, residências públicas, prestaçons por desemprego, etc.) representou apenas em 2002 19'7% face o 31'3% de Suécia ou o mais modesto 19'7% da UE-15. Por outras palavras, o mais baixo da UE só por cima de Irlanda. Esta deficiência traduze-se numha sobrecárrega para as famílias - a dívida das famílias (e a dívia privada em geral) é escandalosametne no Reino de Espanha sendo um dos principais problemas "estruturais" da sua economia- e especialmente para as mulheres que tenhem que cobrir, com trabalho nom remunerado a mais das vezes, as insuficiências do estado de bem-estar (mais bem de permanente mal-estar) no Reino de Espanha. Assim, a dívida das famílias na Galiza e no Estado é astronómica.

Como Vicenç Navarro demonstra (4) esta situaçom vem da ditadura fascista encabeçada por Francisco Franco e que foi, antes de mais, umha ditadura de classe. Quando morre entubado o marrao de tromboflebite o estado de bem-estar do Reino de Espanha era o menos desenvolvido de Europa e o estado só gastava 14% do PIB em proteçom social (face 22% do promédio da futura UE-15). Em 1975 a mortande infantil, a capacidade aquisitiva das famílias, o nível educativo, a integraçom laboral das mulheres só competiam com os indicadores de Portugal e Grécia, que sofreram ditaduras semelhantes.

No entanto, desde 1975 inicia-se umha lenta convergência com Europa, especialmente sob os primeiros governos de Felipe Gonzáles (até que Solbes chega a ser ministro de economia). Em 1993 a divergência volta manifestar-se e continua durante o governo Aznar-Rato, quando sobre a bolha do tijolo e o cimento se dizia que o Estado espanhol ia desprazar a Alemanha como "locomotora europeia". Nesse intervalo umha nova armadilha ia cair sobre a classe trabalhadora com conseqüências nefastas. A primeira imediata, umha forte inflaçom e a aceleraçom da especulaçom imobiliária pola necessidade de lavar o dinheiro negro. A segunda nom imaginada por muitos naquela altura, mas hoje evidente: a perda de soberania monetária e a subalternaçom definitiva à grande banca e ao estado alemám, o seu gendarme.

Os maiores ingresos do Estado espanhol até antes de explodir a crise financeira de 2008, resultantes dumha maior carga fiscal -regressiva nom progressiva- invirtiu-se em reduzir o déficit orçamentar do Estado e nom em paliar o déficit social. O objetivo era cumprir com "os alvos de Europa", como agora o é a "austeridade". Alvos e dogmas que nunca fôrom referendados democraticamente, mas que decidem unilateralmente os nossos khadaffis. Assim, em 2002 o gasto em proteçom social por habitante de Suécia duplicou praticamente o do Estado espanhol. Este é a realidade do "obeso" welfare state celtibérico ao tempo que a economia submergida atinge 20%.

Nos PIG's e na Grande Bretanha pagam estas carências crianças, reformados e mulheres. Nom é por acaso que umha de quatro crianças portuguesa seja pobre. Nom é por acaso que no Reino Unido acontece o mesmo com um de cada três (o seu número multiplicou-se por três nos últimos 25 anos). Tampouco é resultado do fado que o Reino de Espanha e a Grande Bretanha sejam dous dos estados com menor mobilidade social, porque as classes seguem existindo, com a maior força desde o fim da II Guerra Mundial. Umha mobilidade social estancada que bate com a retórica das "oportunidade" para a toda a mocidade independentemente da sua classe social. Já até para ser escravo é necessário passar pola universidade. Portugal e Grande Bretanha contam aliás com o maior lanho entre 10% mais rico da populaçom e 10% mais pobre. Nos EUA 1% mais rico da populaçom ganha tanto como cem milhons de pobres. Ainda assim, dim que vivemos por cima das nossas possibilidades e que é preciso poupar. Nom viria mal que os mercenários da bancocracia, ultraliberais e sócio-liberais, lembraram que a soberania reside no povo e o que dizia o semánario The Economist - liberal nom comunista- (27-10-2001):

Umha primeira liçom que os governos deveriam aprender é que o gasto público tem um impato muito maior que a reduçom de impostos. O Banco Federal Estadounidense (Federal Reserve Board) calculou que um incremento do gasto público dum dólar para produzir bens e serviços estimula três vezes mais o PIB ao cabo dum ano que um dólar otido mediante um recorte de impostos.

Finalmente, o resgate de Portugal é umha notícia nefasta para a Galiza, já que Portugal é o nosso principal parceiro comercial, a pesar de que a Galiza vive culturalmente mais de costas ao seu país irmao do que a Estremadura espanhola. Porém ainda mais desastroso se virará a intervençom no Reino de Espanha, mais e renovadas medidas de "austeridade" (sempre para os mesmos), quando as nossas aposentadorias som as mais baixas do estado; quando o Xacobeo, que nos ia tirar segundo o PP da recesom, foi um fracasso; quando desde a chegada do Habichuela lideramos a destruiçom de emprego... Sobre as nossas costas engrossam seus lucros, esta é a única verdade inalterada em Grécia, Irlanda, Portugal, Galiza... É necessária umha revolta cívica para que o trabalho nom esteja condenado a continuar eternamente preso no círculo vicioso do capital.

Manifesta-se novamente a veracidade do modelo teórico do marxismo, aquele que di que a base económica é a que determina em última instáncia todo o que vem por cima dela, portanto, dumha banda as relaçons sociais com conteúdos económicos, que som quase sempre relaçons de produçom e distribuiçom, e mais as relaçons sociais com esses conteúdos; e da outra, embora nom seja mecanicamente como Gramsci tem demonstrado, a consciência social da naçom galega, a ideologia, as pautas culturais, etc. Galiza como naçom sem estado topa-se ainda mais desprotegida na sua base económica e vulnerável frente os topenos e cotifons do fascismo financeiro. Carecer dumha superestrutura jurídico-política e dum marco institucional político-administrativo pode parecer hoje vendo a Portugal, Grécia ou Irlanda cousas de pouca importáncia. Olhar assim seria como aqueles que dim que o galego só serve "para andar por casa" porque sempre botam do país polo Padornelo e nunca por Valença do Minho. Se hoje o Branhas analisara esta crise e nom a do fim do XIX a palavra de ordem seria "como em Islándia, como em Islándia; Galiza, ergue-te e anda!".

Notas:

(1) Mijail Bakunine: Deus e o Estado. As traduçons de todas as citaçons corrêrom pola minha conta.

(2) Citado por Noam Chomsky no seu livro Estados falidos. Manejamos a seguinte ediçom castelhana: Estados fallidos. El abuso de poder y el ataque a la democracia, Barcelona: editorial sol90-Público, 2010, p. 139. As citas originais de Adam Smith podem rastejar-se no livro IV de A riqueza das naçons, nos capítulos quatro e sete. Este domingo, David Casassas apresentava um livro sobre Smith em Barcelona um dia depois da consulta popular organizada pola sociedade civil catalá a prol da independência. O livro de Casassas conta com um limiar e Antoni Domènech disponível em Sin Permiso e na apresentaçom participou o inteletual e político galego Xosé Manuel Beiras Torrado.

(3) Vid.Robert Reich (2011): "Por que os EUA devem aumentar taxaçom da riqueza" em http://revoltairmandinha.blogspot.com/2011/04/por-que-os-eua-devem-aumentar-taxacao.html.

(4) Vicenç Navarro (2006), El subdesarrollo social de España. Causas y consecuencias, Barcelona: editorial sol90-Público, 2009, pp. 34-40.

Á REVOLTA ENTRE A MOCIDADE: O darwinismo social militarizado (recunque)

2011-04-03T17:02:00.000-07:00

Á REVOLTA ENTRE A MOCIDADE: O darwinismo social militarizado (recunque): " Antom Fente Parada. Este artigo é umha continuaçom dum outro artigo anterior que podedes consultar aqui. Ao meu ver, os 'nazis de are..."

O darwinismo social militarizado

2011-03-28T13:52:00.000-07:00

Á REVOLTA ENTRE A MOCIDADE: O darwinismo social militarizado: "Antom Fente Parada ... o mundo está aí, com os efeitos imediatamente visíveis da posta em prática da utopia ultraliberal: nom apenas a mis..."

"Multiculturalismo" e neolíngua, até quando?

2011-03-24T04:24:00.000-07:00

Umha achega interessante sobre o multiculturalismo, que Merkel via fracassado recentemente, vem da mao de Pierre Bourdieu e Loïc Wacquant num artigo intitulado"Una nueva vulgata planetaria: la lengua franca de la revolución neoliberal" e que nos lembra poderosamente à neo-língua orwelliana brilhantemente descrita no romance 1984. O artigo em questom foi escrito no cabo do século XX e começos do século XXI e ainda nom advertia a queda da hegemonia norte-americana e, com ela, a queda da primazia absoluta de Ocidente e a apertura dumha etapa de caos sistémico. Porém nom é disso do que queria falar agora.

Simplesmente a minha vontade é partilhar algum dos aspectos debulhados sobre "pensares" dos autores de A miséria do mundo e de Os cárceres da miséria neste artigo. Duas obras que cito porque lembram a aquela dialéctica entre Marx e Proudhom da Filosofia da miséria e da Miséria da filosofia.

A violência simbólica, tam naturalizada e arraigada que já nom é reconhecida como tal, é segundo Bourdieu umha forma profunda de dominaçom. Lá reside a eficácia da linguagem ultraliberal. Estados Unidos "mundializa" a sua realidade pós-keinesiana, manifesta na ssuas políticas económicas e sociais e também nas suas polémicas universitárias. (...) Umha extranha neolíngua: "mundializaçom" e "flexibilidade"; "governabilidade" e "empregabilidade", "underclass" e "exclussom"; " nova economia" e "toleráncia cero"; "comunitarisomo", "multiculturalismo" e os seus coirmaos "pós-modernos", etnicidade, minoria, identidade, fragmentarizaçom, etc.

Fora de todo isto ficam termos como capitalismo, classe, exploraçom, dominaçom, desigualdade, etc. Estamos, já que logo em presença dum imperialismo simbólico onde em nome da "modernizaçom" se ceifárom desde a década de setenta conquistas sociais e económicas que custaram cem anos de luitas socias. Bourdieu identifica claramente umha forte violência simbólica neste imperialismo cultural baseado na imposiçom dumha comunicaçom forçada através de poderosos altifalantes - os mídia- que imponhem a sua versom dos factos e a dominaçom. Nom é por acaso que se universalizam os particularismos vencelhados com umha experiência histórica singualar, tentando que sejam irreconhecíveis como tais -ou seja etnicamente neutros- e reconhecíveis no entanto como universais.

Para este fim som muito importantes as instáncias de governança global tais como o Banco Mundial, a Comissom europeia, a OCDE, think tanks (como o Manhattan Institute de Nova Iorque, o Adam Smith insititute de Londres, a Foundation Saint-Simon de Paris, a Deutsche Bank Fundation de Francoforte, a FAES de Madrid e assim seguido), fundaçons de filantropia, escolas do poder (London School of Economics em Inglaterra, Harvard Kennedy School of Government nos EUA, Institut d'Etudes Politiques na França...) e, em fim, a grande mídia. Em definitiva, falamos do binómio político-mediático produtor dessa nova língua franca e universal a neolíngua do pensamento totalitário ultraliberal.

Boa parte da esquerda, também no artigo que serve de base a esta postagem, felizmente fala dumha sociedade estadounidense "da era pós-fordista e pós-keinesiana". Também aqui há desorientaçom e impostura intelectual ao confundir-se a sintomatologia do doente com a causa da doença, ou seja, a contrarrevoluçom ultraliberal iniciada nos setenta como fugida para adiante - perante a queda da taxa de ganho e outros factores que agora nom entrarei a analisar- dentro do beco sem saída do longo declínio que conduziu à crise da hegemonia (que Beiras situa em 1973) e ao caos sistémico do sistema-mundo capitalista actual (iniciado com a grande crise de 2008 equivalente a de 1873 que marcou o devalo da hegemonia británica. Para recuperar a taxa de ganho recorre-se a umha financiarizaçom extrema da economia (cujas bolhas produzem depresons profundas, recesons, estagflagçons e, em definitiva, activam um rodopio infernalque se retroalimenta a si próprio); ao desmantelamento do welfare state (educaçom, sanidade, aposentadorias, etc.), que era o pacto entre capital e trabalho estabelecido após 1945 na procura da pax social e a contençom do "comunismo"; hipercrescimento do estado penal - aqui Wacquant sentou cátedra-; esfarelamento do movimento sindical, da negociaçom colectiva e da autoorganizaçom dos trabalhadores (do que se deriva maior desemprego, multiplicaçom da exploraçom, e da autoexploraçom, menores ordenados e maiores desigualdades entre operários) und so weiter.

Nesta cojuntura, Bourdieu e Wacquant identificam dous termos chave para a neolíngua que som bem familiares para qualquer pessoa que decida hoje enfrontar-se à docência. Falamos, como nom, do "multiculturalismo" e da "mundializaçom" ou "globalizaçom" na escola anglo-usamericana.

Quanto ao primeiro:

Este termo foi importado a Europa para designar o pluralismo cultural na esfera cívica [na sociedade civil], em tanto que nos EUA remete para - no mesmo movimento que a oculta- a contínua exclusom dos negros e a crise da mitologia nacional do "american dream" de "oportunidades para todos"; essa crise é correlativa à falência que afecta o sistema de ensinança pública em momento em que a competência polo capital cultural se intensifica [assim como a compotência intercapitalista que trai consigo a queda da taxa de ganho] e as desigualdades de classe aumentam de maneira vertiginosa.

O adjectivo tende um véu sobre essa crise, confinando-a artificiosamente ao microcosmos universitário e exprimindo-a num registo ostensivelmente "étnico"; mas, na realidade, a sua verdadeira cerna nom é o reconhecimento das culturas marginalizadas polos cánones académicos, mas tamém o aceso aos instrumentos de (re)produçom das classes médias e superior - como a universidade- num contexto de retirada activa e massiva do Estado.

O "multiculturalismo" estadounidense nom é nem um conceito, nem umha teoria, nem um movimento social ou político, embora pretenda se todas essas cousas à vez. É um discurso-pantalla (...). É, aliás, um discurso estadounidense - a pesares de que se pensa e se apresenta como universal (...).

Ou seja, que "o multiculturalismo" leva a todos os lugares aonde se exporta esses três vícios do pensamento nacional estadounidense que som: a) o "grupismo", que cousifica as divisons sociais canonizadas pola burocracia estatal como princípio de conhecimento e de vindicaçom política; b) o populismo, que substitue a análise das estruturas e dos mecanismos de dominaçom pola celebraçom da cultura dos dominados e dos seu "ponto de vista", elevado ao rango de proto-teoria fundamental; c) o moralismo, que ao obstaculizar umha análise materialista racional do mundo social e económico, condena a um debate sem fim nem efeitos sobre o necessário "reconhecimento das identidades", quando na triste realidade de todos os dias o problema nom se situa para nada nesse nível. (...) Dúzias de milhares de crianças das classes e etnias dominadas som expulsas das escolas primárias por falha de vagas (25.000 este ano [naquela altura entenda-se] apenas na cidade de Los Ángeles); e só um de cada dez jovens procedentes de moradias com ingresos inferiores a 15.000 dólares anuais accede à universidade, contra 94% dos filhos de famílias cujos ingresos anuais superam os 100.000 dólares.

No tocante à "globalizaçom":

Poderia fazer-se a mesma demonstraçom a respeito da noçom fortemente polesémica de "mundializaçom". O resultado - se nom a funçom- desta noçom é vestir de ecumenismo cultural ou de fatalismo económico os efeitos do imperialismo estadounidense (...).

[...]

(...) a colonizaçom mental que se opera através da difusom destes conceitos apenas pode levar a umha espécie de "consenso de Washington" geralizado e até espontáneo, como se pode ver hoje em matéria de economia, de filantropia ou de gestom da ensinança- Esse duplo discurso baseado na crença remeda a ciência, invistindo o fantasma social dominante com a apariencia de razom (...).

Em definitiva, o imperialismo ultraliberal realiza-se intelectualmente num pensamento único onde emergem duas novas figuras do produtor cultural. A primeira dela som os os think tanks, que elaboram documentos de alto conteúdo técnico [como os que os empresários espanhóis apresentam cada pouco a Zapatero ou a El-rei], redactados na medida do possível em linguagem económica e matemática. Depois venhem os "todólogos", tránsfugas do mundo universitário feliz ao serviço dos dominadores. A missom destes é dar forma académica aos projectos políticos na nova aristocracia financeira do estado e do capital. Toda umha neolíngua que fai que os gendarmes da bancocracia podam viver tranqüilos enquanto alienam os povos de toda a parte. A neolíngua é o Pangloss do poder, ou seja, o Cándido que descrevera em 1759 Voltaire; o cidadao alienado incapaz de render-se às evidências mais indiscutíveis e ainda mais inerte para indignar-se e reagir. Écrasez l'infâme!

Plano de acçom 2010-2011

2011-01-20T11:19:00.000-08:00

O Plano de acçom 2010-2011 aprova-se no Reino de Espanha sob um governo do PSOE e fixar os alvos educativos para a década que agora começa. No entanto, difilmente poderá conseguir esse objectivo quando o governo neo-filipista de Rubalcaba e Salgado semelha ter os dias contados após o seu suicídio político aplicando as receitas da direita, que guarda um preocupante silêncio sobre as suas intençons e do ultraliberalismo.

Se reparamos nos objectivos que se marcam no documento poderemos concordar que o texto saiu da caverna platónica com umha dissociaçom total entre o mundo da retórica e das ideias e o plano da realidade, onde nem se ponhem recursos, nem vontade, nem medidas efectivas para atigir estes alvos.

El éxito educativo de todos los estudiantes

Esquece-se como no insucesso escolar o contexto sócio-cultural de cada alunado é determinante para o futuro académico das crianças. Em definitiva, que isto passa-lhe a um PSOE que renunciou em Suresnes ao marxismo e a explicar a realidade através da luita de classes. O sucesso educativo é muito mais alto entre os filhos da burguesia e os da classe meia-alta, que serám os próximos membros das elites e portanto ajuda a reproduzir a escola a dominaçom existente na sociedade.

Equidad y excelencia. La evaluación como factor para mejorar la calidad de la educación

Avaliaçom? Onde? = 0

Flexibilidad del sistema educativo y estudios postobligatorios. Educación a lo largo de la vida.

Flexibilidade na linguagem ultraliberal e de livre mercado = 20 curros ao longo da vida= desemprego= aposentadoria mínima ou inxexistente; cursos, seminários. etc. a preço de ouro e irrelevantes para a formaçom específica as mais das vezes = capital privado 100% €

La formación profesional como instrumento clave para avanzar hacia un nuevo modelo de crecimiento económico.

Aquí cumpre ler "a formación profesional como instrumento chave para avançar no abaratamento da mao-de-obra qualificada freten aos ordenados dos engenheiros universitários para maior lucro das pobres e esforçadas empresas que os tenhem que contratar com umha bolsa da obra social da NoCaGa pagando-lhes 600E.

Nuevas formas de enseñar y aprender. El papel de las TIC.

O das novas formas de ensinar e aprender é na prática auga de castanhas com salas de aulas massificadas, sem recursos, com poucos docentes sobrecarregados de horas, etc. Por enquanto a privada recebe subvençons à esgalha, selecciona o alunado, etc. Tocante às TIC cabe perguntar-se se a incorporaçom de computadores e outros aparelhos nom responde mais ao lucro que Microsoft e outras multinacionais e empresas do sector vam tirar com isto (por nom entrar em como é umha nova forma de alienaçom e controlo social do súbdito-consumidor como o é a televisom)... ou seja, o alunado para as TIC ou as TIC para os alunos.

Plurilingüismo. Impulso al aprendizaje de idiomas.

O que se dá logo é o multilingüismo, quer dizer, múltiplas línguas dispostas hierarquicamente e onde na escola só tenhem cabida os idiomas dos Estados do centro capitalista e do Imperialismo com o inglês, como nom , em cabeça. Quanto às línguas das naçons sem estado sofrem contínuos ataques desde a estratégia glotofáxica e recentralizadora do Reino de Espanha. O árabe nom tem cabida algumha nem a formaçom ecolingüística das crianças. E o português enquanto na Exremadura espanhola está presente em todos os liceus com campanhas do governo para fomentar o seu conhecimento, na Galiza está poscrito... no vaya ser que...

La educación como bien de interes público y derecho de toda la sociedad.

No plano da realidade e nom no mundo das ideias o que vemos é mercantilizaçom, privatizaçom, etc. O estado de bem-estar e assistencial muda-se polo estado penal subsidiário, o estado-beneficiência.

Modernización e internacionalización de las Universidade. Formación, investigación transferencias de conocimiento y responsabilidad social.

O que vam criar, com os recurtes de fundos às universidades públicas e o modelo de especializaçom em áreas de conhecimento muito reduzidas (Campus Vida na USC), som universidades de 1ª, 2ª e 3ª que abriram perspectivas laborais às elites e que adornaram as paredes do piso embargado da maioria dos mortais. Morte da universidade pública e do conhecimento tal e como o entiamos ao rematar com a esfera pública onde este conhecimento se confronta e debate mediante o diálogo para fazer avançar à ciência ao serviço do bem-comum. Morte das Humanidades e fim da cidadania e da lei civil. Volta à condiçom de servos da gleba é a lei familiar do Pater Famílias (privatizaçom do privado e publicitaçom do privado).

Dimensión social de la educación: becas y ayudas al estudio.

Suba das taxas exponhecialmente quanto se reduze mais e mais o orçamento das universidades públicas que perdem "competitividade" perante as privadas e se devgraddam até torná-las quase inservíveis de cara o mundo laboral e aos olhos da sociedade. A suba das taxas a lo loco como na Inglaterra, em Grécia ou na Itália conduzirá à um novo instrumento financeiro para a nossa sofrida banca: as bolsas-empréstimos, que criarám umha nova servidume por dívidas no funcionariado e incrementarám o déficit público ao responder o Estado subsidiaramente por esses créditos.

Convivência y educación en valores: implicación de la familia, del profesorado y de la sociedad.

Do Banco Santader, de Audi, dos mídia, e os grupos que reproduzem a hegemonia na sociedade civil como o Opus Dei, a FAES ou Galicia bilingüe.

Profesorado: reconocimiento profesional y social del docente.
A tope. O profesorado é o bode expiatório de todos os males sociais, enquanto se aumentam as suas horas de trabalho e se recurtam os recursos disponhíveis e o seu ordenado. Na privada nem sequera tenhem liberdade de cátedra existino ameaças e despidimentos já nos EUA com teorias como a do criacionismo.

Educación inclusiva, diversidad e interculturidad: derecho a la diferencia sin diferencia de derechos.
A tope também. Este ano o prémio Nobel de literatura foi para umha pessoa de etnia zigana e o Príncipe de Asturies para umha filha de marroquinos licenciado em jornalismo.

Em resumo, que tenhem "un plan criminal".

Hesitando encol o Encontro Irmandinho: entre o "já nom" e o "ainda nom"

2011-01-11T16:20:00.001-08:00

Os hábitos de luta a contra-corrente podem virar para o sectarismo. A desproporçom entre a actividade teórica e a possibilidade de verificaçom prática levam a um exacerbar das disputas doutrinais e ao fetichismo dogmático da letra. Assim como existe um povo do livro, há de facto um comunismo do livro para o qual as divergências tácticas surgem como questons de vida ou de morte. Muitas vezes sem fundamento; às vezes com razom. (...) Umha corrente longamente minoritária impregna-se igualmente apesar de si própria, daquilo a que pretende resistir. (...) É preciso, porém, evitar a ilusom de umha vida política relativamente pacificada pola rotina parlamentar. Daniel Bensaïd.

Foi en Alemaña, aló polo verán de 1974. Regresábamos varios nun microbús dunha reunión da Coferencia Socialista Ibérica en Münster-Eifel, creo que con dirección a Frankfurt, onde nos dispersaríamos. Nas proximidades de Bonn, alguén dixo: "estamos pasando polas aforas de Bad-Bodesberg". Eu ía sentado ao lado de Felipe González, xunto á xanela, e vai Felipe e dime: "Beiras, e pensar que aquí a SPD renunciou ao marxismo", e eu contesteille: "Xa ves o que son as cousas". Iso foi en 1974, e xa vedes o que foron as cousas no PSOE poucos anos despois. Xosé Manuel Beiras Torado.

Toda organización social fai política? Pois iso digo, e se o seu “punto gravitatorio” está na consecución da igualdade social por medio do desenvolvemento dos dereitos civís, entón fai política de esquerdas. Mais non só iso, senón que organizativamente ten que artellarse segundo unha ética de esquerdas: respeito das minorías, non-dominación, xustiza salarial, non-discriminación, etc… Raul Asegurado Pérez.

Un paso adiante i outro atrás, Galiza,
i a tea dos teus sonos non se move.
A espranza nos teus ollos se esperguiza.
Aran os bois e chove. Xosé María Díaz Castro.

E aqui no encerelho de pensar e repensar agora que chega a III AN do Encontro Irmandinho, ou mais vem do reencontro de reflexons praticamente cotiás, embora se acrescentassem nos dous últimos anos. Nom se trata de reflectir agora opinions sobre o sistema-mundo capitalista nem sobre a a Eurolándia (ainda que recomedo ver estas gráficas), mas sobre o BNG esse partido em que começou a minha militáncia pouco antes das anteriores eleiçons municipais através de Galiza Nova. Desde entom passeninhamente e embora a minha experiência política era escassa naquela altura (e segue-o sendo) fum-me sentindo cada vez mais orfo e desilusionado com o que eu coidava era A ESQUERDA galega.

A esse BNG cheguei pola sua hegemonia entre a juventude; por ser a alternativa NOSSA ao fraguismo -docificado polo Habichuela, o que som as cousas-; por figuras como Beiras, polo que o meu respeito e admiraçom intelectual só fixo inçar-se com os anos. E foi assim como me tornei militante do Encontro Irmandinho na sua assembleia fundacional, nom há tanto na verdade, mas a deriva dos últimos anos parece que mesmo fora um "fenómeno" (ou um "noúmeno" quem sabe) de há décadas. Hoje aquele BNG em que eu acreditei está morto. E recalco a primeira pessoa porque estas palavras som tam só minhas, numha expressom de sentimentos urbi et orbe tam necessária para os que gostamos da poesia e da escrita, embora nom fagamos bem nem umha nem outra cousa.

Hoje, quando restam apenas uns dias para o primeiro plenário da III Assembleia Nacional do Encontro Irmandinho hesito sobre qual coido eu que deveria ser o lugar do Encontro Irmandinho no quadro da situaçom do nacionalismo, da sociedade galega, e no quadro da frente em que se integra: o BNG. E todo isto desde umha visom que, em minha opiniom, poderia trascender o EI e ser aplicável a outras realidades e contextos com as oportunas correcçons espaço-temporais.

Existe o perigo nas pequenas organizaçons de dividir-se sobre divergências tácticas passageiras (o quando?, o como?) e nom sobre questons de princípio. E para mim umha questom de princípio é a irregenerabilidade do BNG, ou por outras palavras a imposibilidade de parar o relógio da história e retroceder na burocratizaçom do BNG para a "Arcádia" longínqua de 1982 ou de 1997. Nom podem voltar os do PCE à Transiçom e a olhar o eurocomunismo e os "pecados" onde ainda estám imersos. Nom pode voltar o PSOE a "Suresnes" nem repetir-se a cena de Bonn. As cousas fôrom o que fôrom e som, infelizmente, o que som.

Este "perigo" entre divergências tácticas e as questons de princípio é real porque cada componente está submetido à tentaçom de colocar em prática as suas ideias sem temor de perder grande cousa com isso. Porém umha cousa é considerar-nos partícipes dumhas esquerda libertária e da teoria republicana da nom-dominaçom e umha outra bem diferente umha militáncia atomizada que atenta, antes de mais, contra a fraternidade da organizaçom, mas que, sobretodo, lhe resta força como projecto coerente, coesionado e com possiblidade dumha praxe efectiva que crie as condiçons para artelharmos, nom na utopia mas no "realmente existente", umha unidade de acçom do nacionalismo entre a sociedade civil mais consciente e combativa e a esquerda transformadora nom resignada, única baliza perante a "terra queimada" a que nos conduze o aparato burocrático UPG-+GZ que pilota hoje a organizaçom hegemónica do nacionalismo organizado na instáncia política.

Quando em organizaçons "populares" se produzem degeneraçons contínuas e pola burocratizaçom do partido e a subordinaçom das bases ao aparato (passou com o PSOE, com o PCE-IU e agora passa no BNG) surgem diferenças antagónicas onde som forçasamente minoritárias as que se mantenhem numha firmeza transformadora fiel ao projecto original e nom na contínua capitulaçom para perpetuar as prevendas de liberados e possibilitar a releiçom de cargos na superestrutura jurídico-política do Estado espanhol. E som-no porque o aparato passa a ser "okupado" por umha caste sacerdotal depositária do dogma e do poder em nome da realpolitik e vai confinando ao local e as bases - na base é onde opera sempre a vanguarda nom está de mais lembrá-lo- os "revoltosos" ao tempo que muitos som excluídos (delegados, manipulaçom dos censos, incumprimento dos estatutos na convocatória da AN Ordinária do BNG, etc.) ou se autoexcluem (polos mesmos motivos). Estes fenómenos que constituem na prática processos de auténticas "purgas internas" (tam documentadas infelizmente na história da esquerda de todos os tempos) insirem-se na exasperante degeneraçom dessas organizaçons políticas: quando os parasitas do aparelho procuram antes esmagar o "inimigo interno" do que fazer fronte aos verdadeiros reptos do nacionalismo que está na sociedade (civil) e nom apenas nos parlamentos e nas declaraçons institucionais e partidistas.

Por todo isto, é sabido que as rupturas parciais nunca estám à altura da grande fractura esperada, mas objectivamente praticamente quimérica, ou, por outras palavras, relativamente aos ganhos, as oportunidades imediatas parecem sempre prematuras e os resultados decepcionantes. A questom da saída torna-se assim na minoria num ponto devastador e a dilaçom no tempo continuada dumha tomada de posiçom coerente com a sua diagnose conduze a:
- umha perda constante de militantes desancantados (entre o "já nom" e o "ainda nom") ou a cissons;
- o debilitamento da força política motriz, a cada passo mais degenerada e com menos implantaçom social (ou tendo-a como o PSOE nom representa os interesses das classes trabalhadoras e subalternas, para além de certa retórica e ar populista flutuante no tempo).

- a inoperáncia organizativa ou a aussência de praxe na minoria fével e xebrada já que logo - por defeito e nom excesso- da sociedade civil.

Em resumo, é a morte por inaniçom da própria minoria que deseja lançar um novo referente ético-político que permita a continuaçom do projecto transformador original e é o campo para que essa esquerda nacional entre numha dicotomia entre burocratismo degenerado que entrega a hegemonia social à direita (e no nosso caso sermos naçom oprimida isto acentua a sua gravidade) e esquerdismo (e/ou seitarismo) fragmentário que nom crie as condiçons tampouco para umha nova reorganizaçom da esquerda face os embites da direita, neste caso as forças dinásticas da II Restauraçom bourbónica impulsoras do programa da utopia reaccionária ultraliberal e da fascificaçom e da conversom do estado (naçom) social em estado (cosmopolita) penal... por su seguridad... É o ermo e a renúncia, e, portanto, a esquerda que se coidava nom resignada torna-se na mais resignada das esquerdas, encerrada no seu lar enquanto os restos da antiga esquerda revolucionária traída e da social-democracia degenerada vam passando-se silandeira mas implacavelmente para o social-liberalismo e o TINA tatcheriano.

Continuar a ficçom, ao cabo converte-se num fetiche, da "direcçom traidora" e das "bases traídas" (como se grande parte nom remataram por apoiar essa direcçom quanto detentora da hegemonia no aparato e no eido ideológico e como se nom se alimentara da seiva de novas facçons de classe conformes com o projecto social-liberal e o poder associado a esse aparato), gera nos militantes da minoria conceber a política como procuraçom, quer dizer, em vez de defender o que é necessário fazer na relaçom de forças realmente existente imaginam-se o que devia fazer a direcçom do seu grande partido (inexistente já na realidade) se fosse efectivamente revolucionária. É a dissociaçom esquizofrénica entre a realidade e o mundo das ideias, ou mais bem o mundo dos desejos (ou dos sonhos) pessoais. E assim decai a própria cultura organizativa, instaura-se o derrotismo passivo e, ao cabo, recusa-se umha e outra vez (ainda quando a degeneraçom do aparato longe de recuar inça) a construçom dumha pequena organizaçom independente face a cómoda pertença a umha corrente oposicionista interna. O Komitern, o eurocomunismo, a Terceira Via... som inúmeros os exemplos que deixárom em agua de castanhas a emancipaçom da Humanidade fechando os olhos perante direcçons que pouco ou nada tinham a ver com essas arelas de liberdade.

O nacionalismo é um fenómeno sócio-político, que nasce e se alimenta na sociedade, e, portanto, nem começa nem acaba em nengum grupo ou partido político. Umha minoria pode e deve navegar em "mar aberto" quando as condiçons objectivas, e até as subjectivas, da história assim lho marcam procurando umha nova "unidade de acçom" desse nacionalismo emancipador na construçom obstinada de novas redes de alianças das que saia um outro referente político que permita continuar polo vieiro da verdadeira emancipaçom social e nacional, nom resignado nem entregue a nengumha casta, pronto nom apenas para resistir, mas para avançar e para dar-lhe a volta a actual relaçom de classes dominantes e classes subalternas. Por isso, é possível rematar com um bocado de "optimismo da vontade" (e da razom): um povo disposto a mudar as suas condiçons de existência pode fazê-lo contando apenas com as próprias forças, porque como dizia Mao as "forças pequenas tornarám-se grandes". Isto mesmo num mundo conotado polo Imperialismo (agora sob o nome de "globalizaçom") se esse povo é capaz de dotar-se dumha teoria política coerente.

Viva a Galiza irmandinha, ceive e socialista!

Socialismo ou barbárie (retruque a "Chega a barbárie")

2010-12-18T14:17:00.000-08:00

Marx acreditou durante bem tempo que o proletariado como sujeito histórico revolucionário está "predestinado" a fazer a revoluçom e tomar o poder, numha clara concesom ao idealismo hegeliano em que se formou. Tivo que entrar em contacto com Feuerbach para mudar isto. Kroportkine achava que a revoluçom social era inminente e que a revoluçom comunista só podia ser libertária e nom a do comunismo autoritário. Fosse como for esta revoluçom sempre é colectiva e parte da auto-organizaçom dos trabalhadores para atingir o poder e logo destruí-lo, mais ou menos gradualmente-. Lenine promulgou a organizaçom no partido-guia, que tantos destroços causou mutando cidadaos em súbditos - isso sim, "proletários" da boca para fora dos pés à cabeça-, e atacou o esquerdismo do terrorismo individual anarquista... Páginas e páginas se tenhem elaborado sobre a violência e a acçom transformadora colectiva e individual. Porén se algo é acertado verdadeiramente para a actual conjuntura histórica é o que exprime Marx e que andado o tempo relançará Rosa Luxemburgo: "socialismo ou barbárie" que é aceitar que o capitalismo nom cairá por si próprio nem é inevitável essa revoluçom proletária que ponha fim à sociedade de classes. Pode chegar a destruiçom total, a barbárie... o caos.

E todo isto bem a conto de que lim hoje um texto do que gostei e que me fixo reflexionar um bocadinho sobre as cousas do mundo. Som essas boas reflexons que impelem aos demais também a reflexionar. Um artigo que recomendo ler porque dá para pensar, ainda que no tempo dos consumidores consumidos sejamos poucos os moços que nos entretemos e "perdemos o tempo" com estas lérias. Como o que tinha que dizer ao respeito era bastante, permito-me esta forma de comentário alongado para comentar a entrada do meu amigo Jorge Pérez. Vaia por diante que só comentarei aqueles aspectos em que a minha postura é divergente ou aspectos que evocou o texto do Jorge em mim e sobre os que sentia necessidade de reflexionar, porque já os tinha falado também com algum outro companheiro.

A ideia de que toda mulher ou home é um luitador para mim entronca com o roussianismo e aquela teoria de que o home era bom natureza e que foi do gosto de parte do socialismo utópico e da moral que deslitam parte dos contributos de Proudhom. No entanto, essa ideia renje, porque podemos aceitar que qualquer pessoa é um luitador em "potência" contra o sistema e qualquer pessoa o é em "acto" nalgumha altura da sua vida, mas em cousas tam trivais como, por exemplo, negar-se a consumir um produto com o que o bombardeiam no Natal ou qualquer outro acto de resistência. Porém isso som bagatelas, e se renúncia a umha efectiva transformaçom da realidade a utopia muda em retrocesso e o poder que se pretende eliminar entrega-se de balde aos que já o detectam. Por isso se produzira na II República o apoio da CNT à Frente Popular nas eleiçons de fevereiro de 1936 ou por isso aparecera o Partido Sindicalista que decidiu advogar por um anarquismo político-institucional. Do mesmo jeito, no partido bolxevique Lenine tivo que confrontar-se com os otzovistas, cujas teses fôrom derrotada em junho de 1909. Os otzovistas defendiam que os bolxeviques deviam sair da Duma e deixar de fazer actividade parlamentar. Precisamente o líder desta facçom qualificada por Lenine de "esquerdista" (veja-se A doença infantil do comunismo), Alexander Bogdanov, formara-se no anarquismo individualista no grupo Narodnaia Volya (A vontade do povo), antes de passar-se ao POSDR. Todo home e toda mulher podem ser artistas se se transforma o seu horizonte de expectativas social, mas nom o som por natureza, cumpre adquirir um saber-fazer através da auto-organizaçom da classe trabalhadora.

Para mim há infinitas formas de luitas, mas só as organizadas (e aqui nom penso em aparatos políticos) coerentemente orientadas e obstinadamente voltadas para a transformaçom do entorno social acotio som as efectivamente antissistema. O outro podem ser resistências esporádicas que nom fam mais que reproduzir as contradiçons lógicas entre capital e trabalho.Por dizê-lo com outras palavras: ressistir-se ao direito à greve nos controladores num aeroporto enquanto se fica passivo perante os recortes sociais que afectam e afectarám a esses cidadaos vale de bem pouco; partir-lhe os fozinhos ao ex-ministro de Fazenda grego - se for ilhadamente- nom vale para nada, paralisar o país reiteradamente e muito mais efectivo. Concordo com Antoni Domènech quando fai o seguinte asserto (o negrito é meu):

A história das utopias modernas mostra que estas costumam aparecer em momentos catastróficos, de derrota. Sem ir mais longe, a Utopia de Tomás Moro é em boa medida uma reacção ao desastre da conquista de América: Rafael Hytlodeo é um português que lhe conta a Moro o felizes que viviam os índios até a chegada dos invasores. Ademais, o primeiro livro da Utopia de Moro analisa com muito detalhe a catástrofe que supôs a destruição dos bens comuns na Inglaterra de começos do século XVI. Do mesmo modo, o chamado "socialismo utópico" é uma reacção à contrarrevolución, à catástrofe política que supôs para os movimentos populares a derrota de Robespierre. Precisamente, a eclosión do socialismo não utópico, o marxismo e o anarquismo, se produz quando o movimento operário retoma a iniciativa. Em ocasiões, as utopias podem propor reflexões interessantes, críticas e lúcidas, como é o caso de William Morris ou Diderot, mas com freqüência resultam muito reaccionarias. Por suposto, não há nada mais despótico que a República de Platón. Mas também, apesar do que com freqüência se diz, Tomás Moro era profundamente conservador. Em Utopia tinha escravos públicos, muitos deles emigrantes pobres que se esclavizan voluntariamente, um patrioterismo feroz... Em geral, a utopia associa-se a uma derrota mau aceitada, a uma fugida da realidade que tem um componente autoritario. As utopias costumam estar mais preocupadas pela harmonia e a felicidade que pela liberdade, ao invés que os movimentos revolucionários reais.

Na utopia ultraliberal (e vimo-lo agora que petam na porta de papá-estado e na crise desamalhoada por estas loucas teorias) a multitude, a massa, já nom é povo ou o "proletariado" convertido em categoria-fetiche que conduze umha vanguarda desde arriba (quando só se pode ser vanguarda abaixo, na base, e na acçom no meio social, ou seja na sociedade civil)*. A massa som os consumidores, os clientes... numha argamassa ideológica do pós-modernismo e a pós-política para perpetuar a hegemonia e ocultar os trabalhadores e a luita de classe. Porém a subjectividade da classe trabalhadora, entendida como o desenvolvimento da consciência de classe, nom é um gesto individual de risco e violência, mas o produto do trabalho colectivo e das luitas colectivas.

Isto, portanto, associa-se com Rousseau e o boísmo, associa-se com a rebeliom contra a razom que operou na filosofia política e que conduziu a concepçom romántica do povo como massa conduzida polas classes dominantes. E em conduzir está o verbo latino DUCO relacionado com Duce, a denominaçom que recebia Mussolini. O condutor do rabanho quando a irracionalidade passa por cima da razom e o indivíduo se perde num colectivo onde só se respeita a individualidade duns poucos - os que realmente movem os fios-.

Liga-se entom com a dicotomia entre a razom da Ilustraçom -e do socialismo científico dele pairido (for anarquismo, for comunismo). e o irracionalismo do Modernismo. Nom por acaso esta revolta contra a razom se associa com o nacionalismo e o romantismo. Em Fitche estám sentadas as bases do nacional-socialismo ao passar da filosofia para a política. No nacionalismo de Fitche opom-se o individualismo extremo de "o universo som eu" - parafraseando a Luis XIV- para rematar dando umha visom boista do povo anónimo e para situar o povo alemám na cima. Um darwinismo social que opom o home nobre ao home inobre que nom deve ter lugar na Humanidade.A cima do moviemento irracional na filosofia é Nietzche - nom por acaso do gosto dos pós-modernos como Derridá, Foucault ou Deluze-. Ainda que Nietzche, a diferença do nazismo nom era antissemita nem nacionalista, aplica o darwinismo social entre os indivíduos quando fala de impedir a reproduçom dos desadaptados.

A fascinaçom pola violência nom é algo novo e tem sido sempre própria do "esquerdismo". Um dos grandes pensadores da esquerda actual como Slavoj Zizek foi sometido a umha esmagadora crítica por Paul Kellog na resenha que publicou sobre o livro Revolution at the Gates: A Selection of Writtings from February to October 1917 [pode ler-se no número sete em papel de Sin Permiso]. O "ultraesquerdismo" ou "esquerdismo" noutras versons foi definido por Lenine em A doença infantil do comunismo como as teorias e as práticas políticas que parecem muito de esquerda e muito mais radicais das que defendem os que luitam pola democracia socialista e os direitos dos cidadaos, mas que na prática som altamente conservadoras (mantemo-nos ao margem na estética e no exercício da "violência redentora", como Zizek lhe chama, renunciando a transformaçom efectiva e real da sociedade em que deixam a pele, e por vezes até a vida milhons de pessoas. Dito doutro modo, gramscianamente, renunciamos à subversom da hegemonia imperante, acçom necessariamente colectiva, ou bem porque actuamos só individualmente ou bem porque nos negamos a somar forças na diferença (por exemplo os que nom vam nem fam greve por mor do seu descontento com os sindicatos quando estes som a ferramenta histórica dos trabalhadores para atingir melhoras e tender para a correlaçom de forças através da luita de classes).

O termo "violencia redentora" nasce curiosamente na teologia, da mao de Walter Wink que a critica como mito fundacional da "sociedade de domínio" associando-a à antiga mitologia babilónica: "Típicamente un dios celeste masculino de la guerra libra una batalla decisiva contra una divinidad feminina, normalmente mostrada como un mostruo o dragón que reside en el mar o en un abismo (el elemento feminino)". Na tradiçom grega, mas próxima a nós, coido que esse papel joga-o fundamentalmente Gea. "Haciendo de la violencia algo placentero, fascinante y entretenido, el poder es capaz de engañar a la gente y hacerla dócil con un sistema que les está engañando hasta en sus propias vidas". Um gramsciano reconhece aqui a crítica a um aspecto da superestrutura ideológica através da que o capitalismo exerce a sua hegemonia, mas Zizek longe disso perde-se desenvolvendo umha noçom de "violência redentora" como um projecto contra-hegemónico, mas nom como um projecto hegemónico (alternativa ao capitalismo).

Wink engade que "habiendo derrotado al enemigo original mediante la guerra y el asesinato, el vencedor crea un mundo a partir del cadáver del monstruo. El orden cósmico requiere la supresión de la violencia de lo femenino, y se espeja en el orden social con la sujeción de las mujeres a los hombres y del pueblo a sus gobernantes". O filme O clube da luita, muito do gosto de Zizek, serve-lhe para desenvolver a sua noçom de "violência redentora" através de Norton, personagem da pequena burguesia ("classe média professional") que é permeável ao individualismo extremo (vejam-se muitos postulados do Tea Party e a sua composiçom "popular"). Eis também a personagem do romance de Mário Vargas Llosa que cita o Jorge. Nas versons radicais deste individualismo tende-se a gabar a violência individual, como o único modo de ressistir à sociedade capitalista, porque a perspectiva de classe da pequena burguesia, na que me incluo, está divorciada do trabalho colectivo diário e das luitas dos oprimidos. Afasta-se entom do potencial da acçom colectiva da classe trabalhadora refugiando-se no individual toda vez que atingir a hegemonia e mudar o horizonte de expectativas social semelha impossível.

O sindicalista George Sorel em Reflexons sobre a violência mostra fascinaçom pola acçom e a violência, a qual longe de ser beneficiosa para a esquerda serviu de base à extrema direita como confessou Mussolini: "a quem mais lhe devo é a Sorel. Este mestre do sindicalismo, com as suas cruas teorias das tácticas revolucionárias, contribuiu em grande medida para a forma da disciplina, a energia e o poder das greas fascistas". Assim em Zizek a violênvia mostra-se como um fim em si própria quando nom era assim em Lenine, onde era um instrumento, o direito dos oprimidos a recorrer à violência para a sua própria defesa perante o monopólio da violência física e simbólica do Estado. Lenine di que "sem a classe trabalhadora todas as bombas som impotentes (...). Umha chamada a recorrer a semelhantes actos terroristas, como a organizaçom de atentados contra a vida de ministros por parte de grupos e indivíduos que nom som conhececidos mais alá dos uns dos outros, de modo que nom irrompem apenas nas massas, mas que também insirem umha desorganizaçom completa nesse trabalho". Isto é comum com o grosso do anarquismo, daí a acçom organizada da CNT e a sua implantaçom no corpo social da II República.

No fundo, e recapitulando, a celebraçom de Zizek da "violência redentora" e individual reflecte, antes de mais, um profundo pessismismo na política de massas. Como apostilha Kellog "es ésta una característica habitual de todas las celebraciones individuales de la violencia, algo que según Lenin las hacía muy similares, a pesar de su retórica de izquierdas, a las de aquellos cuyos horizontes está limitados por la lucha parlamentaria por las reformas. (...) Tanto el reformista parlamentario como el terrorista 'evaden el papel centra de cómo los trabajadores, por sí mismos, transformaría una sociedad... Una tendencia sustituyó con el terror a la lucha de masas; la otra, con la reforma, a la revolución... y ninguna de las dos contempló la auto-organización de la clase trabajadora como un palanca para el cambio revolucionário' ".

Aguardo ter sentado assertos e bases para continuar com este debate, para mim bastante importante. Nem que dizer tem que nem de longe penso que o irmao Jorge tenha nada a ver com as conseqüências aqui expostas dalguns elementos que ele expunha no seu artigo. Porém trata-se de confrontar culturas políticas e formaçons um bocado diferentes e de avançar colectivamente através do diálogo na area pública. Aguardo, aliás, que outras vozes estejam dispostas a incorporar-se a este debate. Passem sem chamar.

* Em qualquer revoluçom ou auto-organizaçom dos trabalhadores operam alianças de classes como a que se estabeleceu em Rússia entre o campesinhado, os intelectuas e o proletariado. Perder isto de vista por parte de representantes tam sólidos da esquerda radical nom resignada dá boa conta do actual nível de confussom intelectual.

O Plano Bolonha e a greve na universidade

2010-12-15T06:47:00.000-08:00

Os estudantado da USC fazendo fincapé numha esquecida unidade convocou para o 16 de dezembro de 2010, manhá entom, umha greve geral em que se imbricam sindicatos -como Comités, Agir ou o Sindicato de Estudantes- com assembleias como as de Medicina ou História, algumhas com umha trajectória bem conhecida outras criadas ex nihilo praticamente neste curso. Um companheiro meu lembrava como o êxito dos protestos da LOU se cimentárom desde a generosidade e por cima das siglas e um outro que se derruírom quando se tentou capitalizar e usurpar a participaçom colectiva para fins espúreos. Eu mesmo sempre acreditei em que este era o caminho, esperemos podemos ir tirando liçons e armá-la como se merece...

Esta greve chega inserida no mal-estar que gerou a extinçom de matérias nos alunos das licenciaturas e dentro dum Processo de Bolonha contestado polo sindicalismo (nom ao completo pois IESGA aderiu ao processo) privatizador da universidade. Isto último tenta-se que seja enganche para os alunos do grao com problemas já denunciados em cursos anteriores como o máster de secundária.

No Velho Continente Sílvio Berlusconni vem de degragar mais um bocado a "democracia" com a compra de parlamentares que lhe permitírom superar a recente moçom de censura. Arde, no entanto, Roma sob as fortíssimas pressons originadas polas revoltas do estudantado que reactivárom a todo o centro-esquerda, assim como os jovens desplomárom a popularidade de Sarkozy polos protestos contra a reforma das aposentadorias.

Por enquanto Europa treme pola acçom do estudantado - face a passividade geral- em Grécia os jovens levam a iniciativa nos contínuos protestos contra os recortes do Governo social-liberal de Papandreu. No Reino Unido os protestos do estudantado conseguírom a queda livre na intençom de voto dos liberais , que se afundiu de 23% nas eleiçons de maio até 8% no último inquérito de YouGov. Isto deve-se a que os liberais prometêrom na campanha eleitoral que se oporiam à suba das taxas e que um grande caladoiro de votos para o partido de Nick Clegg foi a universidade.

A suba das taxas em Inglaterra é um prelúdio do que acontecerá no Reino de Espanha de continuarem as medidas junguidas à doutrina ultraliberal inspiradora do Plano Bolonha. Só os reitores, que verám inçados os ingressos para os seus centros, parecem estar satisfeitos com a suba das taxas que passarám de 3.900€ para 10.700€. Porém, isto só afecta a Inglaterra já que a universidade em Escócia é de graça e em Gales o Governo porá a diferença - Governo que vem de reforçar o estatus do idioma galês-. Logo dirám-nos que o Reino de Espanha é um dos estados mais descentralizados do mundo mundial, como gostava de dizer o Manolito Gafotas.

Esta suba de taxas provocará umha elitizaçom do ensino à vez que impulsará umha nova servidume por dívidas. Os créditos - que se vendem como "bolsas"- estavam a 1'5% de juro de meia e passam a 3% a devolver após ter umha nómina de 2.000€/mês (os ordenados logicamente som mais elevados lá do que na Galiza). Aqui, por enquanto, som múltiplos os estudantes que sempre recebiam bolsas e que vírom diminuídas as quantias ou a bolsa denegada - por sua vez eliminárom-se bolsas doutro tipo e administraçons- com o conto da austeridade.

Afinal, ou antes de mais, a próxima greve do estudantado galego deveria ser um clamor para impedir que sejamos das últimas geraçons que ainda estudam numha universidade merecente do qualificativo de "pública", ou seja, o definitivo assalto organizado contra a educaçom. Porém, convocada em quinta-feira, é provável que, infelizmente, a greve na USC nom passe de mais umha ponte para muitos ou umhas férias de Natal por adiantado e veremos os estudantes que, ao cabo, estarám na praça no Toral às 12 a.m. E se a cousa fosse a mais? Obrigariam-nos os militares com o estado de sítio a estudar? Carregariam com cavalos e unidades montadas como em Inglaterra? "Ocuparia" o estudantado a catedral, a cidade da cultura, a reitoria, etc. por umhas horas como os nossos homólogos italianos? Esperemos que nom seja mais umha "folga", que nom greve, como as convocadas em anos passados, dessas em que a moa nom se move porque o rio nom trai auga.

O teu debujo animado preferido

2010-11-25T06:00:00.000-08:00

Estes dias no Caralivro produziu-se um desses efeitos-onda tam caros às denominadas "redes sociais", de que já tenho falado nalgumha ocasiom e das que, vaia por diante, som um utente asíduo. O efeito-onda em particular e que centos de pessoas, milheiros, mudárom as suas fotos de perfil por um herói, um protagonista, dos debujos animados da sua infáncia. Até aqui nom passaria dumha curiosidade se nom me conduzira a umha reflexom, um bocado perversa se queredes, ligada a umha meditaçom encol um trabalho para umha matéria de psicologia e ensinança.

Assim, esses debujos som o que Eva Giberti denominou o "parafamiliar mediático", ou seja, que a televisom - os mídia em geral também a Internet- insire personagens que estabelecem com as pessoas "vivências de familiaridade" e até de parentesco dada a sistematicidade e a periodicidade dessa presença na vida do indivíduo - máxime quando é criança e está na estapa fulcral na socializaçom primária ou da secundária-. Assim, famosos como Belén Esteban som para muitas pessoas um "parafamiliar mediático" e como nom votar-lhe a alguém da família numhas eleiçons...

Em segundo termo, fica também que essa condiçom de "parafamiliar mediático" require umha continuada exposiçom ao tubo catódico. Por outras palavras, as nossas crianças (a maioria dos adultos, crianças-grandes também) som "domesticadas" comendo no pesebre da nova fonte por excelência da instáncia ideológica. Todavia, os mídia vinhérom a substituir como AIE (aparelho ideológico de estado) a escola, a Igreja ou qualquer outro AIE na direcçom de garantir a hegemonia das classes poderosas - a plutocracia actual- sobre as classes subalternas que rematam por reproduzir a ideologia que estas classes poderosas lhe ditam: a futilidade, a pós-política, o consumismo até consumir-se, o Ter sobre o Ser, etc.

Como dizia o Saramago o grande fornecedor da ética, de cívica e de moral nos nossos dias som o hipermercado e a publicidade. Somos educados para clientes e através de debujos semelhantes aos que agora alguns ponhem no caralivro os nossos filhos som também educados para clientes no meio da pior ofensiva aos direitos sociais e laborais da classe trabalhadora. Atenas, Paris e Londres já avisárom de que a pantasma dum novo 68 percorre Europa. Daquela desilusom criárom o intelectualmente onanístico pós-modernismo... do fracasso desta volta a saber o que argalham... porque Merkel e o ultraliberalismo tem um projecto político para Europa e a esquerda europeia, ou o que fica dela, leva mais de meio século à defensiva e resistindo nom avançando.

SOCIALISMO CIENTÍFICO, EDUCAÇOM E PERSPECTIVA SÓCIO-POLÍTICA

2010-11-10T11:54:00.001-08:00

[O artigo nom inclui as citaçons que em rigor deveria ter incorporadas porque é umha recriaçom dumha ponência e, portanto, nom se julgou necessário fazê-lo. Se alguém desejar o original, pola extensom do texto e a perda de formato no passo do processador de textos ao blogue, podo fazer-lho chegar ao seu endereço electrónio. Afinal, o diálogo e a troca de ideias é o único vieiro certo para o avanço e a construçom dos referentes ideológicos das pessoas e o melhor garante da liberdade de expressom. As referências ao condutismo nom tenhem a ver nada com a parte da "tábula rasa" e outras noçons da psicologia condutista. Há bem tempo que no ámbito da Lingüística Noam Chomsky as tem esfarelado -ao tempo que abriu a porta, junto a Lingüística Política, para umha crise no estruturalismo - o de Saussure claro, nom o estruturalismo marxista- como paradigma até entom hegemónico].

Resumo: mediante um percurso polo pensamento marxista e da óptica sócio-política tentaremos fornecer as chaves dumha educaçom socialista, e libertária, face as deformaçons que dela se tenhem feito, ora bem na própria URSS e o seu capitalismo de estado, ora desde a instáncia ideológica burguesa.
Palavras chave: educaçom, pedagogia, marxismo, socialismo libertário, trabalho, luita de classes.

1.1.- Adro

A presente reflexom nasce a partires da palestra solicitada para a matéria de Educaçom, sociedade e Política educativa e inscreve-se num fictício debate onde cada grupo, de dez alunos, elabora umha palestra sobre as diversas perspectivas da educaçom, a partir dum texto-base – que no que a nós atinge é de Antom Makarenko, para logo ser apresentado e debatido em sala de aulas.
No entanto, o texto que se nos forneceu, da autoria de Jesús Palacios, junto a extractos das Instruçons aos delegados do Conselho Central Provisional da AIT de Karl Marx, ofereciam um retrato demasiado pobre e descontextualizado, ou seja, quase umha caricatura da visom da educaçom desenvolvida na teoria marxista e ainda na etapa da Revoluçom Russa, antes da contra-revoluçom estalinista e a consagraçom do capitalismo de estado, que amordaçou a sociedade civil, os sovietes, e iniciou um industrialismo feroz e capitalista sob o disfarce do stajanovismo. Tampouco devemos esquecer nem deixar de lado outras experiências operadas em diversos regimes do denominado amiúdo como “socialismo realmente existente” - curiosa denominaçom, por certo, quando se silencia a existência dum “capitalismo realmente existente” de conseqüências ainda mais traumáticas.
Quanto ao autor do texto, Antom Semyonovich Makarenko (1888-1839) foi um pedagogo ucraniano que após o triunfo da revoluçom russa de 1919, a revoluçom de outubro, fundou escolas-cooperativa para orfaos da guerra civil e do terror branco, destacando a colónia Gorki e logo, sob Estaline, o município Dzerzhinski, onde trabalhou até a sua morte em 1 de Abril – o mesmo dia que o fascismo vencia finalmente a II República espanhola.
Muito popular na URSS foi o seu livro O poema pedagógico, umha história da colónia Gorki, nome dum escritor e revolucionário russo, composta em três volumes e ainda presente hoje no temário de numerosos planos universitários.
Desde jovem compreendeu que para educar nom eram apenas necessários grandes conhecimentos, mas também conhecer as particularidades de cada estudante. Subscritor do jornal bolchevique Nóvaya Zhyzñ (Nova Vida) nas suas liçons combinava o cognitivo com o emocional, organizando o tempo de lazer com jogos e outras actividades como o teatro.
Em 1920, fai-se cargo dum centro para delinqüentes juvenis onde repara na ineficácia, invalidez e ausência total de recursos (e ainda teorias) na pedagogia do seu tempo, o que o alentou a inovar e idear um sistema ajeitado. Este sistema advogava por um método onde os colonos deveriam organizar-se em base a colonos que geririam todo o concernente ao centro: edifícios, plano de produçom, distribuiçom dos ingressos, disciplina e nova moral soviética... Todos deviam educar-se, respeitar-se, subordinar-se e ajudar-se mutuamente. Makarenko sempre acreditou em que o trabalho colectivo era o melhor meio para alcançar a adaptaçom social dos seres, pois a sociedade também impom tarefas e responsabilidades.
A dinámica de grupo criava um complexo social, orgulho de pedagogos e alunos, que preparavam os “colonos” para a nova sociedade soviética. A leitura tinha um papel central e massivo no seu esquema, organizando-se igualmente leituras e debates colectivos, particularmente sobre Gorki. Porém, qual é o substrato teórico de que bebe Makarenko? Onde ancora a sua perspectiva sócio-política e que outras achegas se tenhem feito a este respeito no marxismo?

1.2.- Rascunho da história da educaçom olhada desde o socialismo libertário

Como actividade específica do home, a educaçom, desenvolve-se como umha tarefa diferenciada através da que se transmite o conhecimento de geraçom em geraçom e, portanto, é um aspecto do desenvolvimento das forças produtivas e da divisom do trabalho social desde a noite dos tempos.
Conforme os progressos no domínio da natureza e o aperfeiçoamento das técnicas produtivas permitírom o surgimento dum excedente económico e da progressiva acumulaçom de riquezas que ficavam à margem do consumo imediato da sociedade, o trabalho directo já nom se tornou imprescindível para toda a comunidade e o afastamento da produçom imediata tornou possível, para essa minoria, dispor de tempo livre para o desenvolvimento intelectual duns poucos. O fenómeno educativo foi adoptando assim, gradualmente, características de seu, o educador e o educando tomárom forma no curso do desenvolvimento histórico por volta da labor distintiva do ensinar e do aprender.
Daquela, os produtos humanos concentrárom-se aginha dum jeito desigual, na propriedade privada, permitindo-lhe a umha elite receber instruçom formal. Paradigma disto é a afirmaçom de Aristóteles, em que indicava que nos sistemas de escravatura «a aprendizagem é incompatível com a vida do artesao e do operário». Assim, já na sua origem, a educaçom era “classista” (elitista, aristocrática – o conceito de classe liga-se com a discriçom que o socialismo científico fai do modo de produçom capitalista-) ao serviço dos poderes estabelecidos (económicos, políticos e religiosos) e formando funcionários para o estado, garante da propriedade privada e os privilégios dessas elites .
Séculos depois, os ideólogos democráticos das revoluçons burguesas tentárom impor umha educaçom igualitária após abolir-se a servidume feudal. Exigia-se a igualdade, a liberdade – entre estas a de pensamento, expressom e aprendizagem-, a fraternidade e a laicidade – já que como Cordoucet afirmava «os povos que tenhem os sacerdotes por educadores nom podem ser livres». No entanto, com a derrota de Robespierre começa a contra-revoluçom, o desenvolvimento definitivo do capitalismo na I “Revoluçom” industrial inglesa, erigindo-se o sistema capitalista como o triunfo do burgo sobre a aldeia, da grande produçom e a fábrica sobre os artesaos e os domestic system, etc. A alfabetizaçom formal transformou-se entom numha necessidade social do novo modo de produçom numha sociedade já nom estamental, mas de classes com interesses antagónicos.
O incremento do ganho exigiu a cada passo ampliar a educaçom e a superestrutura educativa atingiu quotas inimagináveis chegando à universalidade nos centros do sistema-mundo capitalista renano posterior a 1945. A expansom da educaçom cumpria umha dupla funçom: fabricar dumha banda umha identidade coesa para o estado-naçom burguês, que reunira as múltiplas e dispersas identidades feudais junguidas pola coroa; e, por outra banda, incrementar a produtividade, ou seja, o ganho, o que necessitava inventar e manejar máquinas a cada passo mais eficientes e complexas.
Porém, na verdade, a componhente elitista da educaçom burguesa ficou inalterada até os nossos dias. A formaçom superior seguia reservando-se às classes proprietárias, nom ao proletariado industrial nem ao pequeno camponês, e as classes meias conformadas polos agentes do estado e as “profissons liberais”. Aliás, os melhores centros educativos, já na primária, ubicam-se nos bairros ricos e a eles assistem os filhos destes (hoje a privada, mas nem só) enquanto os centros de piores condiçons (e mais conflituosos ao xebrar-se o horizonte de expectativas social e educativo do horizonte de expectativas vital do aluno no divórcio entre educaçom e trabalho – máxime com o paro crónico do actual sistema-mundo capitalista-) se situam na periferia e educam os filhos dos trabalhadores. Daquela, a conquista da cima do conhecimento e da ciência nom passa apenas por emancipar a ciência, a educaçom e a escola do capital (torná-la por inteiro pública), embora seja um passo à frente indispensável, mas também é imprescindível emancipar os povos, a humanidade, do capitalismo.
A escola capitalista reproduze e mistifica a cultura dominante ao serviço das elites. Na sua estruturaçom hierárquica, nas formas de organizaçom do governo escolar, no curriculum e programas oficiais, na disciplina transmissora de valores burgueses... A veneraçom do trabalho prolongado, miserável e sacrificado; o respeito à propriedade; a obediência irreflexiva aos superiores; a aceitaçom dum sistema de prémios e castigos que desestimulam a cooperaçom e fomentam o individualismo egoista, o carácter memorístico da instruçom, a falta de incentivos e do espírito crítico, os métodos avaliativos, etc. som só os nós gordianos do ideal pedagógico burguês, acentuando-se mais ou menos algumha característica nas suas diversas formulaçons – por muito progressistas e ultimíssimas que estas sejam-, cuja funçom é adaptar o educando às condiçons próprias da sociedade exploradora e de classes antagónicas em que se desenvolve.
Contodo, a própria escola é um reflexo dessas sociedade de classes, reproduzindo-se no seu seio a luita de classes – as greves dos estudantado e do professorado sem ir mais longe- o que permitiu conquistar, entre outras melhoras: a educaçom universal (hoje posta já abertamente em discusom polo Tea Party e a extrema direita inserida no PP) , a renovaçom paulatina da pedagogia, a incorporaçom de novos conhecimentos, o acesso à educaçom superior (que na Galiza se operou na década de setenta e, como lembras Xosé Manuel Beiras, o Maio do 68 adiantou-se vários meses na nossa naçom).
Após, 1973, inicia-se a contra-reforma ultraliberal, notando-se a partir da década de oitenta os seus efeitos na Galiza com os governos de Felipe González e o abraço do PSOE da “terceira via” de Blair (o social-liberalismo), cuja morte presenciamos após a crise do sistema-mundo capitalista de 2007. Assistimos, entom, a umha lenta mercantilizaçom e (re)privatizaçom (elitizaçom) da educaçom em nome do “mercado”. Neste sentido, a máxima, mas nom derradeira expressom, é o plano Bolonha e ainda o Máster em professorado de educaçom secundária. O “mercado” (o grande capital) exige mao-de-obra barata para inçar os ganhos com umha qualificaçom fragmentária (idiotizada, sem ideias próprias), parcial, muito concreta e especializada, etc. As conseqüências desta “modernizaçom” assinam um deslocamento do defunto velfarismo (o modelo de capitalismo renano dos estados de bem-estar) para o modelo de capitalismo americano e ainda podemos aventurar em meio-longo prazo para o shanganismo, ou seja, a volta ao capitalismo mais selvagem e explorador. Em palavras de Loic Wacqant passar-se do estado do bem-estar ao estado do mal-estar geralizado e do estado social para o estado penal.
Característica, deste capitalismo ultraliberal som exércitos de desempregados dispostos a vender a força de trabalho por quatro cadelas (como no XIX após os encloussers), sobreexploraçom da força de trabalho (agora denominada “recursos humanos” como se a pessoa for umha simples máquina mais) mutilaçom do sistema educativo publico e supeditaçom ao financiamento e controlo privados, und so weiter.
As condiçons para umha formaçom prolongada (em Cuba e em Finlándia o estudantado percebe um ordenado na formaçom superior) e até permanente e de massas som possíveis polo desenvolvimento das forças produtivas. A substituiçom do trabalho humano, em grande parte, pola máquina moderna sentou as bases para a superaçom do antagonismo entre trabalho intelectual e manual. Umha educaçom politécnica, apoiada numha sólida cultura geral e no contracto com a produçom social é necessária para um desenvolvimento do progresso humano. Porém esta perspectiva torna-se impossível na lógica ilógica do capitalismo, cujo “livre mercado” é a mostra mais patente do seu irracionalismo que pom ao planeta ao bordo da dicotomia «socialismo ou barbárie» planteada por Rosa Luxemburgo, e já antes por Marx. Educaçom e socialismo exigem-se reciprocamente, porque educaçom e capitalismo tornárom-se incompatíveis, entre outras cousas, porque fica subordinada como Aparelho Ideológico de Estado à acçom da mídia, grande educadora dos nossos dias e sob controlo de instituiçons privados, como a publicidade.
No estádio actual, é imprescindível advogar por umha escola galega, republicana e socialista que teime na emancipaçom nacional e individual e na sua politizaçom para que seja mais umha alavanca na luita para a conquista da hegemonia da classe trabalhadora, já que umha autêntica educaçom popular apenas pode desenvolver-se sob o governo dos trabalhadores, quer dizer, gerindo e desenhando desde a sociedade civil à nova sociedade política e descentralizando-a. Por isso, desde aproximaçons, norte-americanas fundamentalmente, libertárias e anarquistas ligadas com o decrescimento fai-se fincapé actualmente na necessidade de educar no fogar e retrassar a entrada do aluno no circuito da socializaçom secundária – incluída a educaçom no uso da mídia e a Internet como novas escolas do século XXI-. Somos cientes, contodo, que nas coordenadas actuais é necessário o trabalho desde o actual sistema educativo convertendo-nos em agentes da mudança, com umha visom e dinámicas pedagógicas coerentes com a perspectiva sócio-política do socialismo. (Re)politizar a sociedade também desde o ensino para atingir a igualdade, a liberdade auténtica e a fraternidade comum a todo o republicanismo ilustrado.

1.3.- Breve percurso sobre a educaçom nos principais pensadores do socialismo científico
1.3.1.- Marx e Engels
Marx nom escreveu um texto sistematizado dedicado expressamente à educaçom, mas ideias pedagógicas inferem-se de toda a sua produçom teórica, desde os seus Manuscritos Filosóficos até O Capital. Independentemente de que estas ideias estivessem múltiplas vezes ligadas com a sua conjuntura histórica o seu valor, e ainda a generalidade do seu pensamento e a sua estratégia política, alcançam um interesse de primeira ordem em nossa opiniom. Este apego ao contexto histórico infere-se facilmente nos trechos que nos fôrom fornecidos para a presente palestra, correspondentes a sua visom da escola e do trabalho produtivo nas Instruçons aos delegados do Conselho Central Provisional (1868), onde se procura elevar os trabalhadores para a direcçom política e administrativa da sociedade :

Por educaçom entendemos três cousas: 1) Educaçom intelectual. 2) Educaçom corporal, tal como a que se acada com os exercícios gimnásticos e militares. 3) Educaçom tecnológica, que recolhe os princípios gerais e de carácter científico de todo o processo de produçom e a um tempo inicia os meninhos e os adolescentes no manejo das ferramentas elementares dos diversos ramos industriais. Os gastos de tais escolas politécnicas serám parcialmente cobertos com a venda dos seus próprios produtos.

Este trecho é particularmente iluminador porque, como veremos, está na base da concepçom leninista da educaçom e por sua vez na comuna educativa de Makarenko . Porém algo fundamental que nom se cita na descriçom do modelo de Makarenko, e que também toparemos em Gramsci, é que as reflexons pedagógicas marxianas tenhem a sua origem na relaçom recíproca existente entre sociedade-natureza humana no contexto histórico-concreto da sociedade civil, que «abrange toda a troca material dos indivíduos, numha determinada fase de desenvolvimento das forças produtivas» .
As diferentes formas de consciência social e educaçom do indivído encontram-se em concordáncia com as relaçons sociais de produçom, as quais determinam, por sua vez, as formas de conduta que o home manifesta na sua vida e, já que logo, o carácter da sociedade civil é central. Porém, esta relaçom nom é unidireccional já que os indivíduos mudam também «o seu pensamento e os produtos do seu pensamento», ou seja, vem-se afectados pola instáncia ideológica, sendo a escola, como já referimos acima, um aparato ideológico de estado (AIE na visom marxista). É mais, para Marx a escola capitalista adquiria umha funçom política outorgada por meio do Estado mediante o que as classes dominantes espalham os seus valores e interesses comuns através de instituiçons “públicas” e “privadas” com o galho de manter-se na direcçom política e cultural da sociedade (em Gramsci política vs. sociedade civil). Em definitiva, a escola é mais um aparelho, umha ferramenta, da classe dominante para perpetuar a dominaçom e impedir que os trabalhadores, as classes subalternas, tomem consciência da realidade.
Na Crítica do Programa de Gotha (1875), do Partido Obreiro Alemám, afirma ao tratar a educaçom popular ao cargo do Estado «que é preciso fazer substrair a escola de toda influência por parte do Governo e da Igreja». Em Marx, Estado e Governo som cousas diferentes polo que é possível contar com umha educaçom estatal sem estar sob o controlo do Governo, quer dizer, descentralizada. Nesta direcçom encaminham-se as comunas educativas de Makarenko, mas nom desde logo a fortemente centralizada educaçom da URSS, especialmente desde o ascenso de Josef Estaline.
As Instruçons aos Delegados (1868) coincidem no tempo com a redacçom do manuscrito do primeiro livro de O Capital (1865). Nesta obra, mais umha vez, Marx sublinha o avanço histórico que supujo o triunfo das revoluçons burguesas e do capitalismo, porque permitia já esboçar a combinatória educaçom, trabalho e ginástica. Destarte, do interior deste sistema industrial, di-nos em O Capital, «surge o germe da educaçom do provir, na qual se combinará para todos os rapazesa partir de determinada idade o trabalho produtivo com o ensino e a ginástica, nom apenas como método para intensificar a produçom social, mas também como único método que permite produzir homes plenamente desenvolvidos» .
Para Marx, as relaçons de produçom, que se transformam segundo o desenvolvimento das forças produtivas, som as que determinam as mudanças nas combinaçons técnicas e sociais e, portanto, som elementos decisivos que incidem na prática educativa. Nesse processo de mudança, a escola e o treinamento tecnológico, representam umha necessidade do próprio desenvolvimento produtivo, científico e tecnológico; para além de serem um mecanismo que com a conquista do poder político polos trabalhadores ocupará o lugar que lhe corresponde nas verdadeiras escolas de trabalho – como as comunas educativas de Makarenko-.
No concernente a relaçom escola-trabalho Engels afirma em Anti-Dühring que «na sociedade o trabalho e a educaçom estám unidos, para assegurar umha formaçom técnica multilateral e um fundamento prático da instruçom científica». É na prática social onde os indivíduos demostram a veracidade relativa e a força real dos conhecimentos para opô-los à concepçom solipsista do pensamento que afirma que todo o que existe é apenas um produto do processo psíquico do home.
Assim, Marx propom umha formaçom “omnilateral”, que Lenine retoma, e Engels umha “multilateral”, ou seja, um ponto comum face a divisom do trabalho no capitalismo que xebra os trabalhadores manuais dos trabalhadores intelectuais. Contodo, Kropotkine – anarquista- será ainda mais talhante a este respeito.
Engels em 1845 advertia da importáncia tacitamente do carácter ideológico da educaçom, na direcçom assinalada no Manifesto Comunista de mudar o sentido instrumental da educaçom para alterar a consciência das classes subalternas. Assim, quando Engels fala das salas de leitura e as escolas para elevar o nível político e de consciência de classe – que fundaram em Inglaterra cartistas e socialistas- afirma que «lá se fornece aos garotos umha verdadeira educaçom proletária, isenta de qualquer influência da burguesia e nas salas de leitura há quase unicamente jornais e livros proletários» .

1.3.2.- Kropotkine
Para Kropotkine no comunismo anarquista é necessário abolir a diferença entre o trabalho manual e o trabalho intelectual. Reduzindo as horas laborais, umha vez tomados os meios de produçom, os homes disporám de tempo de lazer em muita maior medida e, portanto, será umha obriga da nova sociedade anarquista compatibilizar o trabalho manual (a aprendizagem dum ofício, das labores de labrança ou o que for) com as actividades intelectuais e/ou de lazer.
O anarquismo e os seus teóricos som muito menos conhecidos do que o marxismo na Galiza pola tradiçom da esquerda que operou na clandestinidade na nossa naçom após 1939, ora o PCE, ora o marxismo-leninismo da UPG ou o socialismo do PSG. Contodo, em homes do PG e do nacionalismo histórico há traços libertários e procedentes da tradiçom liberal republicana que se afastam muito dos postulados que venhem sendo maioritários no nacionalismo galego actual, ora no BNG – onde a hegemonia pertence fundamentalmente à UPG e a “social-democracia” de +Galiza- ora no independentismo quase por inteiro marxista-leninista e organizado encol o centralismo demócratico. Este conhecimento deficiente de Bakunine ou Kropotkine fazemo-lo extensivo a nós.
Volvendo ao rego e baseando-nos no exposto por Kropotkine em A Conquista do Pam, texto que antecipa as teorias do decrescimento num século face o industrialismo marxista, defende-se a existência de sociedades, de agrupaçons voluntárias entre pessoas que se interessam por algum ramo do saber e que publicam os seus trabalhos dum modo livre e segundo o mútuo acordo. Na sociedade anarquista nom há estado, polo que a educaçom se daria no seio de cada comunidade e mediante associaçons sobre algum conhecimento particular, por exemplo, umha associaçom entre autores e leitores. Os docentes seriam-no por vontade própria e o trabalho manual – e a ginásia- compaginaria-se com o estudo desde a infáncia.
Sobre o trabalho manual e intelectual lemos que «as pessoas que exercem profissons liberais menosprezam o trabalho manual que, em efeito, se realiza hoje em condiçons totalmente embrutecedoras. Porém umha sociedade que conceda a cada um dos seus membros umha ampla instruçom filosófica e científica, saberá organizar o trabalho corporal de maneira que seja orgulho da humanidade, e a sociedade científica chegará a ser umha associaçom de investigadores, de afeccionados e de operários, em que todos conhecem um ofício e todos se interessam pola ciência». Assim, ao igual que Marx via o trabalho vocacional como realizaçom do ser humano, Kropotkine antepom o trabalho colectivo por cima do individual. Aliás, «as letras e as ciências nom terám o seu verdadeiro lugar na obra do desenvolvimento humano até o dia em que, livres de toda servidume mercenária, sejam exclusivamente cultivadas polos que a amam e para aqueles que a amam».
Em seu auxílio, Kropotkine lembra-nos como todos os grandes descobrimentos revolucionários da ciência da sua época se realizárom longe das academias e das universidades e ataca igualmente ao sistema de patentes, de tam raivosa actualidade, por serem um dos grandes obstáculos ao rápido e democrático desenvolvimento da invençom:
Ensaiou-se a patente e conhecem-se os resultados. O ansioso inventor vende-a por alguns francos, e o que nom fixo mais ca emprestar o capital embolsa-se os benefícios do invento, normalmente enormes. Demais, a procura da patente exclusiva ilha ao inventor; obrigando-o a ter em segredo as suas investigaçons que, com freqüência só conduzem a um serôdio fracasso.

Aliás, estas investigaçons, esta formaçom superior será possível a qualquer idade, já que Kropotkine defende descer as jornadas de trabalho a nom mais de cinco horas – umha vez reapropriados os meios de produçom- , de tal jeito que cada indivíduo disporá de tempo de lazer onde milheiros de associaçons satisfarám todas as necessidades de luxo.
Porém o trecho de A Conquista do Pam que mais focaliza as etapas prototípicas da educaçom institucional é sem dúvida o que segue:
Antes de ateigar de ciência o cérebro da criança, há que dar-lhe, perante todo, sangue; fortalecê-lo para que nom perda o tempo, levá-lo ao campo ou à beira do mar. Lá, há que ensinar-lhe a geometria, ao ar livre e nom nos livros, medindo com ele, as distáncias até as pedras mais próximas; ali aprenderá as ciências naturais recolhendo flores e pescando no mar e a física, fabricando o boto em que irá de pesca. Porém, por favor, nom lhe enchamos o cérebro de frases e de línguas mortas. Nom o fagamos nugalhao!
Dito neno nom tem hábitos de ordem e de regularidade. Deixemos aos pequenos inculcá-los entre si. Mais tarde, o laboratório, a fábrica, o trabalho num espaço reduzido, com muitas ferramentas para manejar, dará o método. Nom fagamos seres desordenados com a escola, que nom tem mais ordem que o da simetria dos bancos, todavia, como verdadeira imagem do caos do ensino, nom inspiraria jamais a ninguém o amor à harmonia, à constáncia e ao método no trabalho.
Nom vedes que com os métodos do ensino empregados, elaborados por um ministério para oito milhons de escolares, que representam oito milhons de capacidades diferentes, nom se fai mais do que impor um sistema bom para medíocres e imaginado por medíocres? A escola assim concebida converte-se numha universidade da lacazanearia, assim como o cárcere numha universidade do crime. Que se deixe livre a escola abolindo os graus universitários, chamando voluntários para o ensino. Que se comece desta maneira em lugar de ditar leis contra a preguiça que nom farám mais que inçá-la.

Como se desprende do texto a concepçom educativa de Kropotkine é totalmente revolucionária e concorda com alguns dos métodos que logo veremos na organizaçom da comuna escolar de Makarenko e com parte dos seus posicionamentos pedagógicos, como a intereducaçom entre os “colonos”. Em todo caso, a visom de Kropotkine, ao desbotar o anarquismo o estado, fai fincapé no indivíduo sobre a massa, sendo a comunidade, a sociedade merecente de tal nome, ao ser um congregado de sócios, umha associaçom, entre livres e iguais já desde o ensino mesmo. Neste sistema nom há nengumha coacçom sobre a ensinança e com a desapariçom dos aparatos do estado (e do estado mesmo) os programas e conteúdos educativos seriam aprovados no sei de cada comunidade anarquista segundo o mútuo acordo sem carácter instrumental e, já que logo, totalmente livre.

1.3.3.- Lenine
Lenine parte naturalmente de Marx, ainda que com matinaçons e achegas próprias. Em todo caso, politicamente Lenine influi ainda mais do que Marx sobre Makarenko, para bem e para mal. Em 1897 ao pôr em questom as teses tradicionais sobre a reforma do ensino de Jugianov sustinha que o único sensato era a reflexom já exposta por Marx que fazia fincapé na necessidade de vencelhar o ensino com o trabalho produtivo nas geraçons moças. Porém Lenine acrescentava que é o Estado quem deve dirigir os assuntos educacionais e culturais. A pesar da defesa dos direitos dos povos à autodeterminaçom e ao cultivo das suas línguas, o centralismo soviético já se topa, na educaçom também, já em Lenine .
Para Lenine, a escola desempenhava um rol fundamental, do ponto de vista ideológico, no desenvolvimento, consolidaçom e fortalecimento do Estado dos Soviets. A escola pública corria a cargo, após 1917, do Ministério de Instruçom Pública e a escola de quadros ia por conta do Partido Bolchevique, aginha o único. Pouco antes da Revoluçom de outubro ainda lembrava nos Materiais para a Revisom do Programa do Partido” que a educaçom geral e profissional devia ser de balde e obrigatória para todas as crianças, ou seja, também para as mulheres . O Estado, como acontece ainda em Cuba por exemplo, deveria fornecer alimentos, roupa, manuais e todo o necessário para a escolarizaçom dos cativos. Assim, procura-se umha igualdade fraterna e radical nos níveis inferiores com umha especializaçom posterior daqueles mais aptos, também sufragada polo estado. Isto acaeceu deste jeito até a queda do bloco soviético em 1990.
No entanto, Lenine aparta-se claramente de Marx e Makarenko num ponto para nós chave. Segundo Lenine, o Estado – omnipresente, daí a distinçom entre correntes autoritárias e libertárias- devia financiar, controlar e supervisar os objectivos e fins da mesma; enquanto para Marx o Estado apenas definia fins e alvos, enquanto cada Governo sancionaria normas, sufragaria custos e vigiaria o cumprimento de leis e regulamentos .
Lenine retoma de Marx também a formaçom “omnilateral” e sublinha em A instruçom pública (1920) que a prática social produtiva nom deve estar separada da prática social educativa e cultural se o que se quer é participar activamente na realidade para conhecê-la e logo transformá-la e torná-la cada vez mais social (mais livre e igualitária daquela). Isto, desde logo, nom se corresponde com os trabalhadores qualificados do capitalismo de estado soviético nem com a burocracia que se erigiu como aristocracia proletária, perpetuando a exploraçom e a dominaçom.
Entom, na URSS as classes sociais perpetuárom-se, trocando o seu nome e com a diferença de que a propriedade privada fora suprimida por inteiro (agás no Estado). A propriedade privada é a que fai germinar as classes sociais, polo que a educaçom e os conhecimentos som alavancas que podem ameaçar a estabilidade da própria classe dominante, porque no seu devir histórico «a cultura proprietária tem de ser o desenvolvimento lógico do acervo de conhecimentos conquistados pola Humanidade sob o jugo da sociedade capitalista, da sociedade terra-tenente, da sociedade burocrática» .
A funçom sócio-política da educaçom é indesligável de Lenine, e também de Makarenko como veremos, já que «em toda sociedade capitalista, qualquer luita séria e realizada antes de mais no terreno económico e político. Separar daqui a questom das escolas é, em primeiro termo, umha utopia absurda, já que nom é possível desligar a escola (o mesmo que a “cultura nacional” em geral) da economia e da política...» . É mais, tanto para Lenine, como para Makarenko, vem a necessidade de que a educaçom permita que os trabalhadores acedam à direcçom política conditio sine qua non para a superaçom da sociedade burguesa e para o comunismo – após a ditadura do proletariado-.
Por isso, Lenine insistia em que o partido devia fornecer com umha nova política que permitira incorporar progressivamente aos velhos educadores, com umha consciência deformada da realidade, aos novos planos de estudos. Estes planos na Instruçom Pública (1920) devem contemplar a necessidade de renovar a educaçom dos jovens, tal e como pensava Makarenko, ligando cada passo da formaçom, da instruçom e da educaçom das moças de dos moços com «a luita incessante dos proletários e dos trabalhadores contra a velha sociedade baseada na exploraçom». Neste sentido, na Nova Política Económica (NEP), dirigida entre outros por Nikolai Kondratiev – cuja teoria dos ciclos longos segue de actualidade-, destinavam-se espaços importantes para a educaçom política, porque para construir a economia socialista nom avondava com liquidar o analfabetismo, mas havia que inçar também a educaçom política e cultural do novo sujeito histórico revolucionário: o proletariado.

1.3.4.- Gramsci
Na teoria gramsciana a estrutura e a superestrutura formam um bloco histórico, que, por sua vez, mantenhem um vencelho dialéctico. Isto significa que, e aqui a educaçom joga um papel central, que existe unicamente quando a hegemonia da classe dominante transforma os seus interesses sociais nos das “classes subalternas” e “auxiliares” por meio do consenso social.
A educaçom transmite ideologia e esta engaça-se na superestrutura, na qual Gramsci distingue – analítica no organicamente, dous momentos em permanente relaçom dialéctica: a “sociedade política” e a “sociedade civil”. Precisamente da análise da sociedade civil é de onde se infere o conceito de hegemonia, entre outros.
Neste sentido, Gramsci difere da matriz marxista ao considerar a sociedade civil parte da superestrutura, certeiramente em nossa opiniom. Marx e Engels coidavam que a base económica e a ideologia mantinham umha relaçom, ficando a ideologia, a superestrutura, numha posiçom subalterna, relacionando a sociedade civil directamente com o económico. Porém Gramsci racha com isto e, a diferença de Marx, localiza na sociedade civil todo o complexo de ideologias e educaçom. A direcçom hegemónica resolve-se mediante os organismos que nos Cadernos do cárcere denomina «privados» e entre os que se topam a escola, a Igreja, os sindicatos, etc. Estes meios “privados” garantem o “consenso”, quer dizer, a aceitaçom da dominaçom por parte das classes subalternas da direcçom política de cultural da classe dominante.
Por isso se o proletariado quer transformar-se em classe dirigente necessita alianças de classe reforçando a ideia leniniana sobre a aliança operário-camponesa (rachada com o abandono da NEP polos Planos Quinquenais de Estaline e a colectivizaçom forçosa). Aliás, a relaçom entre Estado e sociedade, entre dirigentes e dirigidos, e também entre docentes e alunos é umha relaçom de hegemonia política e pedagogia. Para Gramsci política e educaçom som insolúveis pois «toda a relaçom de hegemonia é necessariamente umha relaçom pedagógica».
A sociedade política exerce actividades para dominar e a sociedade civil actividades para dirigir as classes subalternas e auxiliares, as instituiçons “privadas” que conformam a hegemonia cultural e política da sociedade, e, daquela, cumprem diferentes funçons educativas na onda dos interesses e estratégias produtivas da classe dominante. Isto só é possível no marco do Estado, entendendo-o como o tecido de actividades prático-teóricas já referido e como meio polo qual a classe hegemónica domina e dirige as classes subalternas:
A escola como funçom educativa positiva e os tribunais como funçom educativa repressiva e negativa som as actividades estatais mais importantes nesse sentido: mas na realidade a essa fim tendem umha multiplicidade doutras iniciativas e actividades hipoteticamente privadas que formam o aparelho de hegemonia política e cultural das classes dominantes.

Aliás, Gramsci opom o sentido comum (e o folclore) como antítese acrítica da filosofia da praxe (o marxismo) que sempre trata de elevar as «gentes simples» através da «catarse». A filosofia da praxe tem como alvo transformar o pensamento acrítico das classes subalternas num pensamento antidogmático, científico e crítico fazendo-as participantes directas na política e na cultura.
A organizaçom escolar no seu desenvolvimento exerce um rol fundamental na passagem da estrutura para a superestrutura:
(...) para educar é necessário um aparelho de cultura através do qual a velha geraçom transmite à nova toda a experiência do passado (de todas as geraçons passadas), fai adquirir determinadas inclinaçons e costumes (inclusive físicos e técnicos que som assimilados com a repetiçom) e transmite enriquecido o património do passado.

Gramsci defende um sistema escolar participativo e democrático (como as escola-comuna de Makarenko) e para isso propom a escola única. Esta escola única opom-se à escola clássica (destinada a formar dirigentes da sociedade) e a escola profissional (orientada a construir técnicos para inçar a produçom). O alvo da escola única é «criar um tipo único de escola preparatória (elemental-média) que conduza o jovem até o limiar da escolha profissional, formando-o no entanto como pessoa capaz de pensar, de estudar, de dirigir e de controlar a quem dirige».
Entom, olhamos como Gramsci opom a concepçom unilateral da escola burguesa, divorciada do trabalho, a umha escola única onde educaçom e trabalho se encontram em acçom recíproca, pois a escola única é o meio insubstituível para criar «novas relaçons entre o trabalho intelectual e o trabalho industrial nom apenas na escola, mas em toda a vida social».
(...) escola única inicial de cultura geral, humanista, formativa, que equilibre justamente o desenvolvimento das capacidades de trabalhar manualmente (tecnicamente, industrialmente) e o desenvolvimento das capacidades do trabalho intelectual. Deste tipo de escola única, através de experiências repetidas de orientaçom profissional, passará-se a umha das escolas especializadas ou ao trabalho produtivo.

O mestre situa-se frente à criança como um estímulo, como facilitador, que ao mesmo tempo que propom orientaçom e umha meditaçom pede participaçom e consenso. O corpo de mestres deve ser amplo para aumentar a eficiência (já que umha relaçom muito estreita entre professor e aluno reduze-a). O mestre deve conduzir o aluno a (re)conhecer-se a si próprio e a conhecer as suas potencialidades para agir na sociedade, portanto, tem umha funçom política – social- de impelir os alunos a cumprir a citaçom de Marx: «os filósofos limitárom-se a descrever o mundo; do que se trata é de transformá-lo».
O estudo «além de intelectual, também muscular-nervoso: é um processo de adaptaçom, é um hábito adquirido mediante o esforço, o aborrecimento ou mesmo o sofrimento». Há entom umha relaçom dialéctica mestre-aluno «com a cooperaçom dos alunos nom apenas na aula, mas também nas horas de estúdio individual, com a participaçom nesta ajuda dos melhores alunos, etc.». Em Gramsci o trabalho integra-se como momento educativo dentro do processo de ensino-aprendizagem, a contrário do defendido por Marx ou Lenine que inseriam o ensino, a educaçom e a sua integraçom com o trabalho dentro do processo produtivo da fábrica.

1.3.4.- Educaçom e cultura proletária?
Como salienta Althusser, e muitos outros, o Estado deixou de ser um instrumento meramente coercitivo para dotar-se de aparelhos ideológicos, entre eles a educaçom, ou seja, tornou-se numha maquinária muito complexa que serve, em conjunto e nos seus diversos AIE como cenário da luita de classes. Contodo, segue sendo umha classe umha que exerce a hegemonia política e económica, desenhando os meios para produzir e reproduzir as suas ideias com o alvo de manter as classes subalternas numha relaçom de dependência. A educaçom ou a mídia – que deslocárom a primeira no papel central da reproduçom da hegemonia em nossa opiniom- som instrumentos ideológicos que se desenvolvem e se transformam na medida em que muda o conjunto da sociedade e a divisom social do trabalho.
Em El eclipse de la fraternidad, Antoni Domènech salienta como os maiores tecidos associativos em Europa Ocidental o anarco-sindicalismo catalám e a social-democracia alemá:
a comienzos del siglo XX, un miembro de la SPD podía asesorarse acerca de cualquier problema legal – no necesariamente laboral- en los gabinetes jurídicos del partido, aprender las primeras letras en una escuela social-demócrata, aprender las segundas y hasta las terceras letras en una universidad popular socialdemócrata, formarse como cuadro político o sindical en una academia socialdemócrata, no leer otra cosa que diarios, revistas y libros salidos de las excelentes imprentas socialdemócratas, discutir esas lecturas comunes con compañeros de partido o sindicato en cualquiera de los locales socialdemócratas, comer comida puntualmente distribuida por una cooperativa socialdemócrata, hacer ejercicio físico en los gimnasios o en las asociaciones ciclistas socialdemócratas, cantar en un coro socialdemócrata, tomar copas y jugar a cartas en una taberna socialdemócrata, cocinar según las recetas regularmente recomendadas en una oportuna sección hogareña de la revista socialdemócrata para mujeres de familias trabajadoras dirigida por Clara Zetkin. Y llegada la postrera hora, ser diligentemente enterrado gracias a los servicios de la Sociedade Funeraria Socialdemócrata, con la música de la Internacional interpretada por algunha banda socialdemócrata (p.149).

A pesar do exposto nom se pode falar de cultura proletária nem de educaçom proletária em rigor. A expressom “cultura proletária” foi acunhada por Alexander Bogdanov (1873-1928) e nom está daquela em Marx . Bogdanov chefeava umha facçom, a otzovista, confrontada com Lenine no seio do Partido Bolchevique e que rejeitava a acçom parlamentar até que foi derrotada num congresso em junho de 1909. Bogdanov inspirou o Proletkult, umha organizaçom que reclamava a destruiçom da cultura burguesa e a sua substituiçom por umha cultura genuinamente operária.
Leon Trotski, no seu livro Literatura e revoluçom, indica que «carece de todo fundamento opor a cultura burguesa e a arte burguesa à cultura proletária e a arte proletária. De facto, estes últimos nom existirám jamais, porque o regime proletário é temporal e transitório. A significaçom histórica e a grandeza moral da revoluçom proletária residem precisamente em que esta senta as bases dumha cultura que nom será já umha cultura de classe, mas a primeira cultura autenticamente humana». Numha intervençom realizada com motivo da reuniom de 9 de maio de 1924 polo departamento de imprensa do Comité Central sobre “A política do Partido no campo da literatura” assevera que «nom se pode em modo nengum pôr no mesmo plano histórico a literatura feudal, a literatura burguesa e a literatura proletária. Esta classificaçom histórica está radicalmente viciada. (...) A burguesia tomou o poder e criou a sua própria cultura; o proletariado, depois de tomar o poder, criará umha cultura proletária. Porém a burguesia é umha classe rica e, portanto, instruída. A cultura burguesa existia já antes de que a burguesia tomara formalmente o poder. E se a burguesia tomou o poder, fixo-o para assegurar e perpetuar a sua dominaçom. Na sociedade burguesa o proletariado é umha classe deserdada que nom tem nada e que, portanto, nom está em disposiçom de criar a sua própria cultura. (...) Poderá-se falar cada vez mais dumha nova cultura a medida que haja cada vez menos um carácter de classe».
No entanto, o termo de Bogdanov rematou por instalar-se no subconsciente soviético (e daí passou a todos os PC que adoptárom os esquemas da URSS) e até o próprio Lenine falou algumha vez de “cultura proletária” se bem matizando-a. Quando Estaline chega ao poder, Zhdanov foi posto à frente da política cultural servindo-se propagandisticamente do termo como arma da maquinária repressiva do estado e para “fabricar” o denominado como “realismo socialista”, que nem foi umha cousa nem a outra. Como indica Fernández-Santos em “Trotsky, nuestro contemporáneo” «el propio Marx se consideraba a sí mismo como heredero de la filosofía clásica alemana [Hegel, Feuerbach...], dela economía política inglesa [Smith, Ricardo...] y del socialismo utópico francés [Fourier, Saint-Simon...], es decir, de tres sectores esenciales de la cultura de la sociedad burguesa».
É igualmente um desatino falar de cultura burguesa, salvo-conduto e maos do estalinismo para anatemizar qualquer desviaçom das directrizes marcadas polo partido que até se projectou retrospectivamente. Como indica Fernánez-Santos «la construcción del socialismo sólo puede partir, no de una imposible cultura proletaria, sino de la cultura existente de la sociedad burguesa. Digo cultura de la sociedad burguesa y no cultura burguesa porque la cultura moderna – empezando por el propio marxismo, las corrientes afines y otras corrientes críticas o revolucionarias- ha nacido en el seno de esa sociedad, pero en modo alguno se identifica ideológicamente con la burguesía y sus intereses de clase. De otro modo, el marxismo sería una especie de maná caído del cielo, sin relación alguna con la cultura de su tiempo y de toda la edad moderna».

1.4.- Makarenko e modelo das comunas educativas
O conceito de educaçom em Makarenko pode resumir-se sucintamente como um processo social e político para formar indivíduos livres, mas a um tempo integrados e ao serviço na nova sociedade soviética. Este conceito sócio-político sustenta-se em dous piares: a confiança na sociedade soviética e a fé nas possibilidades da educaçom.
Quanto à funçom é a de criar indivíduos que sejam construtores activos do comunismo e que, por sua vez, quando sejam pais exerçam umha educaçom familiar em que os pais e mais cumpram o seu dever cívico com a sociedade. Neste sentido, as comunas educativas som um ensaio já dessa nova sociedade que se pretende construir.
Esta educaçom assenta-se nuns valores que som os da teoria leninista, o marxismo-leninismo (ou o que é o mesmo, a leitura de Marx feita por Lenine mais as suas teorias próprias): «o meu mundo é o da criaçom organizada do home. Um mundo de rigorosa lógica leninista» . Também som as qualidades do futuro cidadao soviético, segundo Makarenko. Estas qualidades som:
a.- Sentimento de dever e responsabilidade com os alvos da URSS e a nova moral soviética.
b.- Espírito de colaboraçom, solidariedade e camaradagem oposto aos egoísmos individuais.
c.- Displina e domínio da vontade e preeminência da colectividade.
d.- Condiçons pessoais e modo de actuar que impidam a submissom e a exploraçom do home polo home, ou seja na direcçom oposta ao «homo homini lupus» de Hobbes e as condiçons materiais das maiorias no capitalismo (hoje 50% da humanidade vive com menos de 3 dólares ao dia)..
e.- Sólida formaçom política ampliada por meio do Komsomol (Uniom da Juventude Comunista), entendido este como órgao de extensom dessa formaçom política (lembremos que Lenine diferenciava entre a formaçom académica e política ao serviço do Estado e a formaçom dos quadros políticos que correspondia às escolas do partido).
f.- Conhecer os inimigos do povo e combatê-los (isto formula-se aliás nas postrimerias da guerra civil entre o exército vermelho organizado por Trotski e o exército branco aliado com as potências ocidentais).
Em Makarenko a visom do estudantado é a de converter as crianças sob o seu cargo em «construtores activos e conscientes do comunismo», que sejam indivíduos construtores e fortalecedores do Estado proletário (a nova sociedade socialista que se devia construir). Despertar à vida e formar os moços na perspectiva da URSS.
O professor, Makarenko usa sempre educador ou pedagogo, deve saber formar cidadaos para o estado proletário antes de transmitir-lhe novos conhecimentos. A obra do pedagogo é unha obra social desde umha pedagogia comunista, bolchevique, e com técnicas e instrumentos subministrados pola praxe, que é a junçom da teoria – da diagnose- e da prática.
A medida que vam crescendo os alunos o pedagogo muda e inça as perspectivas com os alunos e o home soviético nom pode ser educado sob umha soa personalidade, a acçom do pedagogo integra-se pois no conjunto da colectividade e da comuna educativa. A funçom primordial do educador é dirigir e orientar a colectividade, nom autoritariamente, mas guiando ao aluno na aquisiçom das ferramentas que lhe permitam ser um sujeito independente e livre. Por todo isto, e muito antes do stajanovismo, Makarenko defende que o pedagogo deve submeter-se a «contróis de qualidade» e servir-se de «projectos» prévios e planos de trabalho que definam exactamente qual é o resultado final. Afinal, o orientador actua simplesmente como modelo, guia, controlador de conflitos e alentador de progressos. É um catalisador do processo educativo do sujeito antes dum inquisidor que forma cerril e dogmaticamente os seus alunos.
Para alcançar todos estes alvos o autor propunha, e executou nas suas comunas, um inovador sistema de organizaçom da escola afastado pola sua atomicidade e autonomia da concepçom centralista da educaçom vista em Lenine e já nom digamos logo sob Estaline. A colónia Gorki e a Dzerzhinski operavam com um modelo descentralizado onde um «colono» forma parte dum «destacamento», célula base da organizaçom e da colectividade primária, composto de entre sete e quinze membros, e mandado por um comandante que vai rotando para partilhar a experiência do mando e no «conselho de comandantes» dilucidam-se todas as questons que afectam ao regime de vida interna da colónia. Assim, Makarenko assegura que «umha boa organizaçom consiste precisamente em nom omitir os menores detalhes e circunstáncias. As minúcias actuam com regularidade, diariamente, a todas horas, e som as componentes da vida».
Aliás, na linha de Kropotkine, Marx, Lenine ou depois Gramsci, propom a fusom do trabalho e o estudo para a realizaçom plena do home. Quatro horas de “fábrica” e cinco de escola, com colónias de trabalho que tornárom autosuficientes (e portanto autogeridas nom o esqueçamos) as comunas educativas.

1.5.- As línguas, Lenine e a URSS
Lenine defendia o direito dos povos à autodeterminaçom e, portanto, a receberem a sua educaçom, quando menos inicial, na sua língua inicial. Lenine conta com um texto dedicado a esta questom concreta, em aberta polémica com outros marxistas como Rosa Luxemburgo, O direito dos povos à autodeterminaçom, onde se compara a autodeterminaçom com o divórcio: um direito - natural- reconhecido e que se pode exercer em qualquer intre, mas nom umha cláusula automática de independência, já que podem artelhar-se fórmulas de convivência como o federalismo. Neste sentido é um conceito muito próximo ao dos irmaos Vilar Ponte e aos homes de Nós quando falam de autonomia (recentemente Beiras publicou um excelente artigo ao respeito no Galicia Hoxe).
Este princípio foi violado logo sob estaline com um conceito de naçom que se desliga de Lenine e de Marx, bastante essencialista e insatisfactório e que foi gabado por arredistas galegos como Antom Vilar Ponto ou Castelao no seu Sempre em Galiza (1944) . Centrando-nos nas línguas, que é o que a nós nos importa quanto filólogos dumha língua minorizada no seu berço originário, o panorama da URSS era descoraçoador .
Em 1894 o genro de Marx, Paul Lafargue, publicara um estudo sobre vocabulário francês antes e depois da revoluçom de 1789, demonstrando que a língua mudara consideravelmente nesse período e relacionando as alteraçons com os acontecimentos políticos, ou seja, foi a primeira tentativa marxista de aplicar umha análise sociológica aos factos lingüísticos.
Já na URSS, Nikolai Marr (1864-1934) desenhou umha atolada teoria lingüística já antes do triunfo da revoluçom: a teoria xafética. Segundo esta teoria pseudomarxista – que deve o seu nome ao terceiro filho de Noé, Xafét, trás Can (línguas camitas) e Sem (línguas samitas)-, todas as línguas do mundo tinham umha origem comum na caste do poder (os sacerdotes) e, já que logo, eram um instrumento de poder. Daí tira umha classificaçom totalmente arbitrária, eurocéntrica e racista e postula que a instauraçom mundial do socialismo (o socialismo num só país é cousa do estalinismo) deveria implicar a apariçom dumha soa língua (tiraria daí Orwell o conceito de neo-língua do seu romance visionário 1984?), sendo partidário da criaçom dumha língua artificial o que explica que durante quinze anos o esperanto fora bem visto na URSS e até promocionado . Esta teoria justificava-se pretensamente nos princípios gerais do marxismo: a primazia da luita de classes sobre a naçom, a língua como parte da superestrutura, o internacionalismo da URSS, superar os problemas nacionais do interior da URSS, etc. A teoria de Merr converteu-se entom na Nova teoria lingüística e impora-se na URSS, eis umha educaçom dogmática e totalitária que ao suprimir o debate de hipóteses e teorias da esfera pública deixa de ser ciência para ser dogma e religiom, até começos da década de 50.
Mikhail Bakhtin (1895-1975) forma parte dum grupo de investigadores moços entre os que se topa também Valentim Nicolaevitch Volochinov (1895-1930?) de quem conhecemos apenas dous livros: O freudismo: umha crítica marxista (1927) e O marxismo e a filosofia da linguagem (1929). Neles desenvolve a um tempo umha crítica de Saussure e de Freud, estabelecendo que este carece dumha teoria da linguagem e aquele nom soubo ver que o signo lingüístico é o lugar da ideologia. Bakhtin nom vai ter nunca problemas reais com o regime, mas Volochinov vai desaparecer nos campos de concentraçom (Gulags) depois da publicaçom do seu segundo livro.
No entanto, a nova teoria lingüística rematará por abandonar-se. Em maio de 1950 começa na Pravda a publicaçom dumha série de intervençons sobre a actualidade do pensamento de Marr e sobre o problema de saber se convinha trabalhar a partir das suas teorias no 15 aniversário da sua morte. O 20 de Junho, sob a forma de resposta a perguntas, Josef Estaline intervém longamente pom-lhe fim ao debate com duas conclusons principais: a língua nom é umha superestrutura e a língua nom tem carácter de classe. Imediatamente, Marcel Cohen, especialista em línguas semíticas e membro do PC francês, sauda esta intervençom e a partir desse momento o marxismo aborda os problemas lingüísticos dum jeito diferente: já nom se trata de fazer entrar os factos lingüísticos num quadro teório pré-estabelecido, mas de botar sobre eles umha olhada sociológica marxista.
Contodo, as teorias de Marr nunca foram realmente tomadas a sério e nom apenas Cohen guardava um silêncio prudente sobre elas, mas também A. Sauvageot criticara-as desde 1935. Em realidade estes autores estavam muito mais influenciados por Antoine Meillet (1866-1936) que salientou o carácter social da língua em numerosos textos e definiu-na como um feito social na linha do sociólogo Emile Durkheim e em oposiçom ao estruturalismo que se ergue em paradigma desde a publicaçom póstuma do Cours de linguistique générale de Ferdinand de Saussure, quem separa a mudança lingüística das condiçons exteriores – sociais- de que depende, reduzindo a lange e ainda a parole a abstracçons necessariamente inexplicáveis.
Fica às claras, que mália o dogmatismo marxista-leninista do capitalismo de estado em Ocidente nom nasceu umha Lingüística Política, umha sócio-lingüística, até voltar os olhos para a sociologia começando esta olhada no inglês Basil Bernstein e logo noutros como Haugen, Fisher, Ferguson ou Labov.

1.5.- Conclusom

A educaçom socialista liga a induçom com a deduçom, com umha especial atençom à capacidade de razonamento, de problematizaçom, de espírito crítico. A educaçom sócio-política tenta a superaçom do antagonismo entre capital e trabalho por meio da conquista da hegemonia erguendo a consciência de classe.
Makarenko ensaiou na URSS, desde 1917 até a sua morte em 1939, um modelo de escolas-comuna que pretendiam criar o “home novo” que o socialismo propugna. A tarefa do mestre é a de guia e catalisador, por outras palavras – e na linha da filosofia construtivista de Piaget ou Vigotski, acelerador da aprendizagem, e dador das ferramentas que permitam fazer umha diagnose certeira da realidade, (re)conhecer-se a si próprio, e agir no meio social para transformá-lo mediante a praxe. Porém a um tempo, a educaçom nom pode ir desligada, como acontece na escola burguesa, do mundo do trabalho, por isso as escolas de Makarenko procuravam a autosuficiência e mediante a autoorganizaçom dos próprios alunos gerí-la e dirigí-la democraticamente fomentando a corresponsabilidade e aquisiçom de hábitos de estudo e trabalho que disciplinem e possibilitem o progresso do estudantado.
Em definitiva, a educaçom socialista – olho nom a do capitalismo de estado autoritário em que logo degenerou a URSS com a aceitaçom acrítica e subalterna dumha autoridade na aula- procura “construir” sujeitos críticos e com capacidade de análise e actuaçom, mas para fazermos sujeitos livres e saudáveis é indispensável o exercício do corpo e da mente e a aquisiçom de ferramentas e hábitos, quer dizer, de autodisciplinar-se colectivamente e compreender a importáncia do “mútuo auxílio” tanto para superar umha sociedade de classes. Assim o vírom os camponeses que conformárom o primeiro movimento de contestaçom ao Imperialismo, disfarçado sob o fato da “globalizaçom”, após a queda do bloco soviético. O lema dos zapatistas era avançar perguntando. Que assim seja.

Notas

Este processo de nascimento do Estado é descrito por Engels em A origem da família, a propriedade privada e o estado. Nesta obra, Engels lembra-nos como na antiga Atenas a polícia inicialmente estava composta de escravos, já que nengum cidadao livre estava disposto a sofrer a desonra de trabalhar para o estado e de coibir a liberdade dos seus iguais.
Nos EUA o Tea Party defende a supressom da rede de ensino público (de todo o público em verdade). Destacados membros do PP madrileno afirmárom que a educaçom deve deixar de ser um direito de todos os cidadaos (em realidade é universal, mas a ofensiva e esvaziamento dos Direitos Humanos vem sendo imparável desde os setenta). O que defendem estas personagens é suprimir a ensinança pública já que eles nom tenhem porque pagar o fracasso escolar doutros e que cada quem se eduque em libertaz, quer dizer, nom na sua casa e como queira, mas que só umha elite que poda pagar um ensino privado poderia formar-se. Assim, a direita nom está mais que respondendo às expectativas dumha classe meia ameaçada e incómoda que tenta manter os seus privilégios face operários, migrantes e colectivos marginais (os que supostamente criam o deficit do Estado, obviando logicamente os cans de presa como Botín e o grande capital).
A relaçom entre o homem e a sociedade é central para qualquer teórico socialista. Em 1848 Marx incide já na necessidade de vencelhar a educaçom e o trabalho produtivo com a educaçom física. Com este objectivo é mister implementar «umha educaçom pública e de balde de todas as crianças: aboliçom do trabalho destes nas fábricas tal e como se pratica hoje, regime de educaçom combinada com a produçom material, etc.».
Vid. alinha 1.4.-
Empregamos “marxiano” como próprio de Marx, quanto “marxista” é interpretaçom ou leitura posterior de qualquer um dos seus seguidores.
Karl Marx e Friedrich Engels, A ideologia alemá.
Esta “determinada idade” desenvolve-a nas Instruçons aos delegados: «a primeira [categoria] compreende os nenos desde os nove aos doze anos; a segunda dos treze aos quinze; a terceira, aos dezasseis e dezassete anos. Propomos que o emprego da primeira categoria, em todo trabalho, na fábrica ou na morada, seja reduzido a duas horas; o da segunda, a quadro horas; e o da terceira, a seis Para a terceira categoria deve existir umha interrupçom de, quando menos, umha hora para a refeiçom e o descanso».
Vid. 1.3.4.-
Russel defende algo semelhante mas dentro do capitalismo e para rematar com o problema do paro, o qual também era defendido pola CNT durante a II República espanhola (a jornada laboral de 6 horas neste último caso). Actualmente, teóricos como Daniel Raventós proponhem 4 ou 5 horas mercê a umha renda básica universal.
Para Lenine e as línguas veja-se o ponto 1.5.- do presente trabalho.
Lembre-se que a incorporaçom da mulher ao trabalho se produze primeiramente na URSS e no sistema-mundo capitalista nom será maciça até a II Guerra Mundial.
Eis umha outra prova de que Marx é um grande desconhecido para as correntes nom libertárias e / ou trotskistas da esquerda. O conceito democracia em Marx afunda-se na tradiçom clássica, em Grécia e Roma. O mesmo ocorre com o conceito de ditadura. Como Antoni Domènech tem explicado é necessário ir ao texto e ao contexto original de Marx. Ditadura em Marx, e ainda na época de Robespierre, é um poder executivo temporalmente concentrado numha figura, mas submetido a um poder legislativo e a um poder judicial. Quer dizer, o conceito de ditadura da República romana e nom a tirania aristotélica, travestida de ditadura, nos autoritarismos fascista e estalinista do século XX – de onde nós tomamos e entendemos o termo ditadura-.
A instruçom pública.
Problemas da política nacional e internacionalismo proletário.
Vid. supra o exposto por Engels sobre as salas de leitura e as escolas de formaçom política (que na Galiza se estám recuperando desde iniciativas como a Escola Popular Galega).
Para este apartado servim-me da excelente resenha de Àngel Ferrero intitulada “A golpe de escoplo: de la columna de Vendôme al Palast der Republik” e publicada no número 7 da revista Sin Permiso correpondente, páginas 182-186.
Cuadernos de Ruedo Ibérico, nº 2, Paris, agosto-setembro de 1965, pp. 125-128. Disponível em http://www.filosofia.org/hem/dep/cri/ri02125.htm
Desconhecemos, contodo, a posiçom de Makarenko a respeito das línguas nas suas comunas escolares. Como ucraniano seria muito interessantes ver os seus postulados ao respeito.
Para umha análise da autodeterminaçom na teoria marxista veja-se o excelente livro de Löwy Patria ou terra nai? disponível em Laiovento.
Neste ponto a referência fundamental de que partimos é o livro de Calvet publicado por Laiovento (Socio)lingüística, capítulo 1.
A língua universal, da que se mofava Castelao, era (e ainda o é em amplos sectores) umha ideia muito extendida no XIX. Lembremos que Curros num poema ainda defende a existência dumha única língua que, em sua opiniom, deveria ser o galego.

A BATALHA DAS LÍNGUAS NO MUNDO ACTUAL. UMA RECENSãO COM ALGUMAS DICAS DESDE UMA ÓPTICA SOCIALISTA E LIBERTÁRIA DO ARTIGO DE TERESA MOURE

2010-10-27T16:43:00.000-07:00

Continuo como um zigano de deus viajando a bordo de um paradoxo. Há trinta anos eu cria que o meu tempo pessoal coincidiria com o meu tempo histórico. Hoje sei que não participarei da colheita, mas estou empenhado em morrer semente, Frei Betto.

O artigo de Tesesa Moure intitulado "A batalha das línguas no mundo actual. Multilingüismo e antiglobalización" é um texto valente com um posicionamento inequívoco a favor da manutenção da diversidade cultural e linguística da humanidade frente às ameaças derivadas da denominada, aséptica e intesadamente, como "globalização", quer dizer, as dinâmicas etnocidas e homoxeinizadoras que operam dentro do actual sistema-mundo capitalista.

ALGUMAS QUESTÕES SOBRE A TERMINOLOGIA

Vaia por diante, como já sublinhamos desde um primeiro momento, que concordamos, em linhas gerais, com tudo o exposto e argumentado, com dados contundentes fornecidos desde a Linguística Política (vid. infra), pela professora Teresa Moure no seu artigo, aperecido originalmente na revista Grial (nº 160). Dito isto, no entanto, queremos debruzarnos em algumas considerações para o enriquecimento do debate, pois julgamos que este artigo pode ser um grande ponto de partida para uma óptica ecolingüística desenvolvida no ensino, sempre e quando o docente actue como um canalizador das opiniões dos alunos, ou seja, apenas pontoalizando ao remate das argumentações dos alunos, permitindo assim a reflexão sobre os reptos que nos atira o texto.

Em primeiro lugar, queremos começar pelo encabeçamento do artigo. A autora fala de "batalha", o que se contradí, aparentemente quando menos, com a afirmação que faz sobre a cita de Max Weinrich:

En Occidente, os dialectos pasan a considerarse linguas cando os seus falantes teñen poder para garantir o funcionamento dunhas institucións que aseguren a súa unidade e canten tamén as súas particularidades e excelencias. Nunca noutro caso. Por iso, repítese con frecuencia que unha lingua é un dialecto cun exército que o defenda. Esa imaxe militar (por certo, de ben escasa fortuna) é reiterada continuamente porque se lle atribúe certo carácter subersivo que, como veremos non é tal [Moure, 2003:20].

Uma segunda questão que deve centrar a nossa análise desde encabeçamento é o termo "antiglobalização". Globalização na escola anglo-norte-americana ou mundialização da francesa são termos que não podemos apresentar asépticamente, sob pena de adaptarmos acriticamente a linguagem dominante. Ora, a escolha "antiglobalização" é uma escolha errada, já que os movimentos altermundistas, eis uma nova etiqueta a do altermundismo e a alterglobalização, não se opõem à globalização per se, mas à "globalização realmente existente". E cual é esta globalização realmente existente?

Richard Falk oferece para nós umas das chaves interpretativas que superam o lamazal da "antiglobalização", que deixa muito mal parado o discurso da esquerda quando é empregue esta etiqueta, ao distinguir entre a globalização descendente e a globalização ascendente; por outras palavras xebramos de uma banda a globalização realmente existente, a ultraliberal, da globalização desexábel do "um outro mundo possível e necessário" dos FSM e dos movimentos sociais que se estão reorganizando por toda a parte [Falk, 2001 :217-230] (1).

A ESCOLA E O ECOLINGÜISMO

Para Moure [2003: 19] «os dispositivos escolares son ferramentas ideolóxicas poderosas, coas que o poder consegue perpetuarse». Com efeito, muita é a literatura que se tem elaborado sobre este assunto destacando-se habitualmente a Bourdieu, mas nem só ele. A escola é um aparelho ideológico do Estado (AIE), para Louis Althusser, que se junta ao AIE religioso, ao AIE cultural, ao AIE político, ao AIE jurídico, ao AIE da informação e ao AIE familiar. A diferença do Aparelho de Estado (repressivo) os aparelhos ideológicos são plurais, sendo alguns em essência privados e outros públicos. Porém, como Gramsci adverte a distinção entre o público e o privado é uma diferenzação intrínseca ao direito burguês e escapa-se ao domínio do Estado ao estar além desse Direito: o Estado que é o Estado da classe dominante, não é nem público nem privado, é, a contrário, a condição de toda diferenzação entre público e privado.

Os AIE funcionam em massa mediante a ideologia, é dizer, pertencem à instância ideológica, e só secundariamente recorrem à repressão, normalmente por "indicações" desde a sociedade política; por exemplo a repressão secular do galego tão bem estudada por Freitas Juvino [2008: 199-586]. Na teoria gramsciana «a estrutura e a superestrura formam "o bloco histórico", que por sua vez mantêm um vínculo "dialéctivo real". Isto significa que existe unicamente quando a hegemonia da classe dominante transforma os seus interesses sociais em interesses das "classes subalternas" e "auxiliares". Quando alcança o consenso social» [Mezones, 2004: 60]. Isto explica como o sistema escolar reproduz a ideologia dominante perpetuando a dominação existente e explica igualmente que «cando o profesor omite revisar as linguas (...) contribúe de forma significativa á difusión dunha idea errónea: a homoxeneidade do mundo. (...) Os estudantes universitarios son incapaces de dar o nome das vinte linguas máis faladas no mundo» [Moure, 2003: 19] (2) .

Em resumo, a sociedade civil reproduz um desprezo pelo multilingüismo, que realmente opera no seu seio paradoxalmente, inserindo nas tensões dialécticas da sociedade e, a um tempo, reproduzindo a ideologia da sociedade política que para nada tem a bem a defesa do particular ou de visões alternativas do mundo, toda a vez que a globalização ultraliberal descendente parte já da "democracia limitada" de Hayek, do novo totalitarismo in nomine do fascismo financeiro que está parindo um novo fascismo social, cujas consequências são já observábeis na Eurolandia.

Nesta direcção aponta Moure [2003: 20] quando fala da Declaração Universal de Direitos Humanos como monopólio de Ocidente, ou Richar Falk que adverte que, após a queda da URSS e da hegemonia norte-americada absoluta no sistema-mundo capitalista, os Direitos Humanos vêem reduzidos paulatinamente o seu peso político precisamente porque já no seu nascimento:
o progresso dos direitos humanos, sendo peremptoriamente subversivo em relação às pretensões estatais, em certos aspectos chave-, permanecia, em geral compatível com a manutenção de estruturas geopolíticas de autoridade e riqueza mundiais existentes e, como tal, exercia apenas uma influência marginal. As práticas autoritárias, mesmo nos Estados de importáncia secundária, são normalmente, de modo eficaz, imunizadas por pressões externas ligadas aos direitos humanos, quer estas provenham de Estados, do sistema das Nações Unidas ou de forças sociais transnacionais [Falk, 2001: 174-175].

Porém a língua é por excelência «o dominio da democracia e a liberdade e, polo tanto, permitir como expectadores que alguén sexa incitado a cambiar de lingua é exercer unha violencia simbólica atroz, porque é colaborar para que ese individuo cambie a súa relación co mundo; o que é tanto como cambiar (a peor) o mundo mesmo». Aqui podemos trazer a colação as mudanças operadas no alemão durante o nazismo, ainda o periplo do moldavo e o romeno, as deportações de minorias após as duas Grandes Guerras do XX (e ainda hoje na Papua Ocidental por parte do exército indonésio), ou o discurso da "imposición" tão próximo de nós.

A escola é acusada por elementos da sociedade civil reaccionaria, criadores do "sentido comum" grato à sociedade política do Reino da Espanha, como fonte de adoutrinamento, ideoloxização e imposición do nacionalismo emancipador galego, da cultura galega e da língua galega. Mal que bem, não nos escapa que isto deve-se precisamente a uma tentativa de aprofundar na hegemonia e no pensamento único do totalitarismo ultraliberal, desvirtuando conceitos tradicionalmente positivos como democracia, liberdade, plurilingüismo, etc. Goretti Sanmartín Rei propõe como alternativa a isto, algo que entronca com o exposto pela autora do artigo recensionado, e afirma com rotundidade que «o texto das Bases para a elaboración do decreto de plurilingüismo no ensino non universitario de Galicia son unha boa mostra dos novos rostros do imperialismo (lingüístico)» ou que a concepção ultraliberal do sistema educativo como simples recolledor da variedade social sem possibilidade de intervir sobre a realidade «selecciónase, en termos de Bourdieu / Passeron como o lugar onde se reproduce mecanicamente a estrutura das relacións de forza entre as clases e os grupos» [Sanmartín Rei, 2010: 94, 81].

O racismo linguístico é também outro elemento que latexa no fundo destas ideologias negacionistas da normalização do galego e que falam de bilingüismo perpetuando a relação desigual entre castellano e galego, com a esperança de que o hibridismo consiga o que não deram feito cinco séculos de colonização cultural. Agora, a justificação da "brigada de demolição e limpeza étnica instalada em São Caetano" vem da mão do inglês e o plurilingüismo, mas como recorda Xosé Manuel Sánchez Rei [2009:100] «aprenderen na escola a variedade estándar do inglés poñamos por caso, non ten necesariamente de significar que as nenas e os nenos das Illas Británicas non poidan empregar o seu propio dialecto local do inglés ou de xermánico, nin moito menos, no caso das nacións consideradas celtas, que non poidan utilizar na vida diaria o seu idioma natural».

LINGUÍSTICA POLÍTICA

Anteriormente já advertimos com a cita de Weinrich que o rótulo língua e os seus envolvimentos jurídicos e sociais depende de considerações políticas e não da estrutura interna dessa linguagem. Assim, na China considera-se como uma única língua um feixe de línguas, desde a perspectiva ocidental, que só são intercomunicáveis através de uma escrita comum e não em registos orais. Ao invés, na Índia o Hindi e o Urdu, com pequenas diferenças no seu seio, foram divididas em duas línguas que se associam uma com a religião muçulmana - e a ortografía árabe- e a outra com a religião hindú. Contudo, Mahatma Gandhi, com uma concepção linguística avançadíssima para a sua época dito seja de passagem, considerava-as uma única língua com duas propostas ortográficas, tal e como acontece hoje na Noruega e ainda na Galiza, e desbotaba o inglês por ser a língua da colonização, se bem o Estado indiano manteve-a, embora distanciando-se dela por meio de uma norma própria. Vê-mos como em todos estes casos, uma língua é, antes demais, uma categoria da instância ideológica determinada por decisões políticas e sociais [Gandhi, 2010: 15, 16, 19, 64, 110-111, 119, 122].

Por sua vez, Moreno Cabrera [2008: 13-60] salienta com acerto que o conceito língua é tão arbitrário, acientífico e tem o mesmo carácter social do que o conceito de nação. Assim, Chomsky defende que as línguas comuns ou públicas não são objectos do mundo, apenas abstracções, construções sociais, como o são as comunidades imaginadas às que chamamos nações. Ainda que nom é objecto destas dicas afundar nisto, remetemos-nos a trabalhos como os de Henri Boyer, a ecolingüística vê-se pexada fora de áreas com conflitos linguísticos acesos pelo poder sem contestación que exerce o nacionalismo dos estados-nação:

Todos los grupos, tanto los mayoritarios como los minoritarios, incorporan una dimensión étnica y el no reconocimiento de esa dimensión por parte de los grupos mayoritarios o más poderesos tiene que ver con las diferentes relaciones de poder entre los grupos. La manipulación del grupo dominante consiste en presentar como no étnicos los intereses de este grupo y asignar el sambenito de étnico a los intereses de los grupos dominados o minoritarios. (...) Las actuaciones de los grupos no dominantes a favor de su lengua (...) se tildan de nacionalistas, mientras que las de los grupos dominantes se califican como no nacionalistas. Pero es que las actuaciones de los grupos no nacionalistas también se fundamenta en la defensa y promoción de una lengua, una cultura étnica y un poder político de una nación concreta y, por tanto, son igualmente nacionalistas [Moreno Cabrera, 2008: 193].

Este nacionalismo linguístico acocha uma e outra vez que «na maioría das rexións do mundo os individuos desenvolven as súas vidas mediante o uso de varias linguas». Por outras palavras, o monolingüismo não existe já em nenhum ponto da Europa, fora alguma área rural, por causa das migrações e, aliás, que é uma língua? Se seguimos o razoamento de que as koinés são abstracções e variantes criadas na superestrutura, não é por acaso uma língua de um jovem que vive num bairro marginal de Madrid ou Paris de costas à língua e cultura da RAE e dos campos de poder das elites ainda quando fala "castellano"? Eis a diferença entre língua e comunidade real face a língua e comunidade imaginada. Esta inventio do monolingüismo já vem do liberalismo do XIX que acreditava num modelo jacobino e uniforme de estado, para além de na língua universal, e acrecenta-se a cada hora com a "cocacolonización" do mundo, como diz num seu poema Celso Emilio Ferreiro, que opera na globalização descendente e que aplica o darwinismo social também às línguas.

David Crystal coincide com Moure em que a própria Linguística dispensa um trato bem pouco afortunado ao multilingüismo e que ainda é refractaria a assumir transversalmente os postulados do ecolingüismo. Em 'A morte das línguas', o autor galés assinala que é intolerável que se podan rematar os estudos filolóxicos sem noções de Linguística Política (sociolingüística) e sem estudar nenhuma língua minorizada ou minoritária. É por isso que «para a maioría das linguas do mundo a era lingüística aínda non deu comezado» [Moure, 2003: 20].

Assim, a linguística profissional gaba-se de ser «unha ocupación non comprometida, que contempla como cae a auga da billa sen poñer tapón no sumidoiro» e que remete para aquela outra metáfora que Carlos Taibo apresenta para advertir dos limites ecológicos do planeta: temos a torneira da banheira aberta e a casa de banho inundada, mas não a fechamos limitando-nos a estéreis protocolos que retrasan o desastre, tal como se tentáramos achicar a água tirando toallas no chão assolagado.

Para Calvet [1998: 7] a responsabilidade disto recae no estruturalismo, paradigma ainda hoje muito vivo nas universidades galegas. Saussure, Bloomfield, Hjeimslev e ainda Noam Chomsky «ao elaboraren teorías e sistemas de descricións variados, concordaban en delimitar o campo da súa ciencia de xeito restritivo, eliminando das súas preocupacións todo o que non fose a estrutura abstracta que definían como obxecto do seu estudio. (...) O estruturalismo construíuse en lingüística a partir da negativa a ter en conta o que hai de social na lingua». O autor galo retrotae este divórcio entre academia e sociedade, esta consideração do objecto de estudo da linguística como algo alheio à realidade social onde as línguas se empregam na sua função referencial e não só comunicativa, a Antoine Meillet. Meillet definia a língua como como um facto social, na linha do sociólogo Durkheim, mas isso ficou apagado quando Ferdinand de Saussure reduz no seu Cours de linguistique générale a língua a uma abstracção que é necessariamente inexplicábel. Este estado de coisas só irá mudando após a II Guerra Mundial, embora seja de um modo muito paulatino.

Como assinala Moure [2003: 25] «os lingüistas estaban actuando coma se só puidesen adquirir o estatus de científicos a condición de non interviren na realidade. Se cadra por iso, ata hai ben pouco, refugaron intervir en cuestións relativas ás dimensións do feito lingüístico». Esta divisão case neoplatónica é o que Domènech, falando da ciência em geral, tem apresentado como a "ideotização" (3) e "fragmentarização" das ciências, ou seja, a disociação do académico [mundo das ideias] do social [mundo real]. Este "neoplatonismo" ultraliberal, permita-se-me a licença, do "fim da história" e tantas outras asneiras bebe do irracionalismo que caracteriza a degeneração do modernismo e que alguns deram em denominar como pós-modernismo, sobretudo, a partir do pós-estruturalismo de Deleuze, Derridá ou Foucault. Lembre-se que estes autores, representantes do que Edward Said chama postestruturalimo "mundano" e que fã do textualismo um cárcere, reconhecem a sua filiación com Nietzsche, a tal ponto que Foucault chega a afirmar que “son simplemente nietzscheano” [Callinicos, 1995: 121-155].

Não faz nem falha lembrar que Nietzsche foi reconvertido como autoridade máxima para o irracionalismo fascista da década de trinta e que após o insucesso das revoltas de Maio do 68 se converteu em centro do pensamento pós-moderno. Neste sentido, «las doctrinas características de los modernos irracionalistas son ahora, como hemos visto: acento puesto sobre la voluntad, en oposición al pensamiento y al sentimiento; glorificación del poder; creencia en el intuitivo “postular” proposicionanes, en oposición a la prueba inductiva y a la observación» [Russel, 2010: 68].

Ainda hoje a sociolingüística fica em excesso reduzida a escassos âmbitos, quase todos académicos, se bem vai espalhando a sua receptibilidade social, felizmente, especialmente após o impulso que Aracil e Ninyoles lhe dão no Estado espanhol. Concordamos com Calvet em que «non hai razón para facer distincións entre unha lingüística xeral que estudiaría as linguas e unha sociolingüística que tería en conta o aspecto social destas linguas: noutras palabras, a sociolingüística é lingüística» [1998: 21]. É por isto que, em minha opinião, seria muito útil a adopção de uma outra etiqueta, a de Linguística Política, na linha da Economia Política, a Filosofia Política, etc. e que até impulsionaria necessariamente esta disciplina a novos campos do saber e a uma maior interdisciplinariedade. Mal que bem, é hora da superar a concepção pós-moderna e nada cándida de "apoliticismo" e advogar por uma (re)politización geral, já não só da sociedade, mas do mundo académico no seu conjunto; uma repolitização que não deve perceber-se como servilismo a uma estrutura partidista, mas como a volta ao antropocentrismo ou ao que Mike Davis chama antropoceno, sem esquecermos a relação simbiótica, o mutualismo, entre sociedades, culturas, línguas... e entre a humanidade e a natureza (4).

NOTAS

(1) Por uma questão de espaço e para não desviar-nos em excesso do foco do artigo não podemos deter-nos mais nas considerações de Falk e outros muitos autores que dariam para um extenso ensaio. Porém, não nos resistimos a deixar aqui o enlace de uma entrevista muito lúcida sobre a situação actual da esquerda política e da esquerda social (toda esquerda é política, mas para nos entender) concedida pelo vice-presidente de Bolívia García Linera:

http://revoltairmandinha.blogspot.com/2010/10/precisamos-de-uma-internacional-de.html

(2) Este ocultamento ou desprezo do que se ignora, tão caro ao Ocidente, reproduz-se também das discriminações que se operam no seio das sociedades ocidentais. Quando Teresa Moure [2003: 19] afirma que «cando non se mencionan nas aulas os nomes das linguas do mundo, constrúese un silencio semellante ao sixilo con que se pasa na clase de xeografía polos países de África coa disculpa fácil (“é que como sempre están cambiando de capital...”) para agochar a verdade (“¿a quen lle interesa África?”)» vêem-se-nos rapidamente um argumento parello empregado contra o galego: “es que el gallego está cambiando siempre de normativa” quando realmente o que querem dizer é que não têm o mais mínimo interesse pelo galego.

(3)No sentido etimológico (em um dos seus sentidos etimológicos em rigor): "sem ideias".

(4) Num artigo recente tenho debruzado algumas noções relacionadas a raiz do Decreto para o galego aprovado pelo PP: http://www.altermundo.org/content/view/3237/402/

BIBLIOGRAFIA

ALTHUSSER, Louis (1970), “Ideología y Aparatos Ideológicos de Estado. Notas para una investigación” em a revista La Pensée.

CALLINICOS, Alex (1995), Contra o Post-modernismo, Laiovento, Compostela.

CALVET, Louis-Jean (1998), A (Socio)lingüística, Laiovento, Compostela.

FALK, Richard (2001), Globalização Predatória. Uma crítica, Instituto Piaget, Lisboa.

FREITAS JUVINO, María Pilar (2008), A represión lingüística en Galiza no século XX. Aproximación cualitativa á situación sociolingüística de Galiza, Xerais, Vigo.

GHANDHI, Mahatma (2010), Política de la no violencia, Pensamiento Crítico-Público, Barcelona.

MEZONES, Carlos (2004), Educaçom e cultura em Gramsci, Pensamento Crítico, Vic.

MORENO CABRERA, Juan Carlos (2008), El nacionalismo lingüístico. Una ideología destructiva, Península, Barcelona.

MOURE, Teresa (2003), “A batalla das linguas no mundo actual. Multilingüismo e antiglobalización”, em Henrique Monteagudo (coord.) 'O desafío da diversidade lingüística', Grial, nº 160, pp. 19-29.

RUSSEL, Bertand (2010), “La ascendencia del fascismo” em Elogio a la ociosidad, Público-Banc Sabadell, Barcelona, pp. 57-73.

SÁNCHEZ REI, Xosé Manuel (2009), “As voltas co significado da estandarización” en Mª Pilar García Negro (ed.) Sobre o racismo lingüístico, Laiovento, Ames, pp. 95-121.

SANMARTÍN REI, Goretti (2010), Lingua e futuro, Laiovento, Ames.

O Foma Fomitch: O home temperão

2010-10-13T06:07:00.000-07:00

O Foma Fomitch: O home temperão: "Sem necessidade de esperança continúo pola rúa abaixo cargado dos pensamentos que quero me liberen de seguir sonhando com fumo. Sem umha esp..."

Hoje compartilho com vós um bom poema do companheiro Jorge Pérez Árias. A poesia ainda é umha arma carregada de futuro como dizia o Blas de Otero.

A greve dos desempregados

2010-09-22T14:39:00.000-07:00

O 29 de setembro será um bom dia para faltar ao trabalho e em pacífico desfile de duas horas rachar com os nossos farrapos e queixar-nos na má sorte de pertencer à classe trabalhadora nestes tempos de regressom. De greve geral indefinida ainda nom ouvimos nada, nem ouviremos.

O sindicalismo após ficar anos e anos na comodície de viver engarçado na superestrutura do Estado decata-se agora que ele mesmo pode ter praticado a sua própria eutanásia. A Eurolándia, com a esquerda de férias e no poço da melancolia vê como se esfarelam umha após outra as organizaçons operárias e ainda planeiam no ar as ameaças de pôr ponto e final ao direito à greve e ao sindicalismo, como nos EUA , espelho de parvos, se tem feito há assaz tempo. Nom interessa tomar nota da espartana e muito exemplar resistência das forças operárias gregas, com os anarquistas em cabeça. Nom se fixo nem se vai fazer pedagogia política e revolucionária, para que se agora somos consumidores por cima de trabalhadores e súbditos por cima de cidadaos?

Ainda mais engraçado é ver estes dias como os que clamam polo despedimento livre, os que sem empalago criárom 5 milhons de desesperados parados para serem força de trabalho na reserva e assim rebaixar as condiçons laborais dos empregados, os que te botam quando colhes a baixa laboral; botando as maos à cabeça porque nesta greve nom se respeita o direito ao trabalho. Está bem que a patronal defenda o direito constitucional ao trabalho ainda que seja por um dia e para logo seguir deixando sem fogar ou sem vida, através dumha hipoteca, aos trabalhadores de toda a parte durante 364 dias.

É dum patetismo da antiga tragédia grega ver a um governo muito preocupado por chamar-lhe "serviços mínimos" a máxima quantidade de serviços possível para rotular a greve geral do 29 como um fracaso, para, de mútuo acordo com a direita neofascista, converter-se nos social-liberais que podam dizer "en el día de hoy, cautiva y desarmada la clase trabajadora, ha alcanzado la bancocracia sus últimos objectivos lucrativos. Wall Street, 29 de setiembre de 2010". Os mercados ordenam, os cidadaos consomem umha ou outra cor política enquanto levam já perdido em poder aquisitivo o ordenado equivalente a mais dum mês de trabalho ao longo da primeira década do século XXI.

Na instáncia ideológica, ou cultural, o socialismo deve centrar os seus esforços na ancoragem real dos conceitos: como é que os homes desigualmente classificados pola sociedade aceitam a dominaçom política e a exploraçom económica à que estám submetidos? Como o aparecimento da propriedade privada aparece o estado e as classes sociais que, para Lenine, eram "grandes grupos de seres humanos que se diferenciam entre si polo lugar que ocupam num sistema de produçom social historicamente determinado". Aí é onde aparecem as relaçons antagónicas, quer dizer, os interesses incompatíveis que geram estas classes em toda a história das sociedades. Haverá que voltar ao básico...

O discurso social comum, onde a hegemonia é total e absoluta da oligarquia dominante - umha hegemonia inédita em décadas por nom dizer inédita apenas-, modula o horizonte de expectativas social, o de cada indivíduo-consumidor mesmo, e muitas vezes esta "consenso ultraliberal", este grandiloqüênte pensamento único neofascista tem estranhos companheiros de cama. Aparelhos ideológicos especializados que operam na sua instáncia, como partidos políticos e sindicatos, nom reagem contra essa prissom, mas a contrário elaboram e difundem práticas especializadas e representaçons que atentam contra as classes a quem supostamente representam.

Esta hegemonia alia-se à dominaçom exercida polo Estado, totalmente entregue aos "mercados", ao fascismo financeiro, na certeira definiçom de Boaventura de Sousa Santos. Neste par consentimento / obriga exprime-se um macabro equilíbrio que lisca totalmente da necessária regulaçom que nele deve operar a sociedade civil. A luita de classes é objectivamente mais crua do que em décadas, a consciencia mais fraca do que em séculos. O descrédito das pessoas políticas, o recuo da audiência sindicais, a versatibilidade das opinions públicas vam em aumento perante a falta de sindicatos e partidos combativos.

Assim em Eurolándia todo pode seguir "progressando". O liberalismo extremo da UE condenou-na e condenará a bater umha e outra vez o recorde mundial do desemprego do centro capitalista. A sua vulnerabilidade provoca umha anemia social profunda e as reacçons socias canalizam-se pola via do populismo xenófobo e fascizante, tal e como os ciganos, "os judeus de arestora" nos demonstram enquanto segue sem nascer - afora de Die Linke ou o Bloco de Esquerdas- umha esquerda social combativa, a IV esquerda, que desaferroa-lhe os operários e a sua mente, que conecte com a sociedade civil, com a esquerda social e que evite a recente advertência de Beiras de que nom estamos livres de sermos parte do denominado terceiro mundo. Por enquanto, em Melilha, em México, em Paris, em Malta ghettos e muros som erguidos polo novo fascismo social, o totalitarismo capitalista, a quem só estorvava o pérfido muro de Berlim... que lho perguntem aos camponeses russos ou aos trabalhadores letons e estónios se melhorárom ou piorárom com o sacrossanto "livre mercado".

Enquanto os sindicatos vigoram no Brasil, na Coreia do Sul, na China ou na Índia em Eurolándia esfarêlam-se porque nem Marx pudo sonhar para os operários umha vivenda, um automóvel e tantos outros bens duráveis... Mas após o espelhismo dos trinta dourados, semelha que todo volve ao seu rego e que a teoria dos ciclos longos de Kondradiev é mais acertada do que alguns economistas-opinólogos supunham com o seu olfato mustélido.

O sindicalismo actual e a esquerda vive num recuo defenssivo que nom vale, efectivamente, mais do que para recuar. É tempo de avançar, é necessária umha nova esquerda e um novo sindicalismo. A greve concebeu-se como o melhor modo de privar de mais valia, e portanto de lucro, à burguesia para rematar sendo umha marcha de duas horas com bonitas bandeiras e cánticos quase já religiosos. Longe ficam já greves como a dos trabalhadores da construçom da Crunha que espoliados pola CNT ressistírom durante seis meses demandando a jornada laboral de 6 horas e aumentos salariais. Longe a adaptaçom da esquerda a realidade social e histórica em que se insire porque leva as lentes emprestadas dos poderosos. Ninguém se decatou de que esta ou é a greve dos desempregados ou nom será. Num Estado espanhol com desemprego crónico é tam importante chegar à consciência dos trabalhadores como a dos desempregados.

O 29 de setembro nom deixarei de assistir a esta greve. Jogo-me muito aos meus 24 anos e jogam-se muitos as vindouras geraçons. Do velfarismo ao shanganismo nom há tanta distáncia real como a que os mapas nos querem fazer ver. Isso sim, fique às claras que o tempo da greve geral indefinida já há tempo que o marcara o relógio da razom e da história... aguardemos que as agulhas nom estejam já aferrolhoadas, porque nom há mal que cem anos dure... agás o capitalismo e a sua natureza depredadora.

Mar adentro... debulhando a palestra de Beiras em Sober

2010-09-16T05:58:00.000-07:00

Levo já um tempo querendo repasar os meus depoimentos sobre o que dixo, ou sobre o que eu malamente entendim mais bem, Beiras no nosso I Encontro de Verao. Foi nesse lugar onde as irmás e os irmaos do Encontro Irmandinho passamos umha magnífica jornada de convívio da que agora quero fazer um remake para treinar o caletre neste tempo em que a seitura está já rematada e se aproxima o vigoroso tempo outeiriám que ia entre a vendima e a castanheira.

Artigo completo aqui.

A República Centroafricana: estados falidos... estados esquecidos

2010-08-03T04:03:00.000-07:00

Nalgumha que outra cadeia aparecia estes dias que a ONU se ia retirar da República Centroafricana quando está se topa imersa numha longeva guerra civil, praticamente desde que atingiu a sua independência em 13 de agosto de 1960. As truculentas estórias que a populaçom civil conta sobre o seu sofrimento nom difere do narrado por vários autores que tenhem desenvolvido trabalho na África, sobretodo nestes estados falidos. Umha deles, Els De Temmerman, jornalista belga, narrou com amenidade, mas sem tapar a crueza extrema da realidade, a vida das crianças-soldado do Norte de Uganda, concretamente dos fugidos do Exército de Resistência do Senhor, no seu breve romance Las chicas de Aboke, da editora Mundo Negro (2002), editora dos missionários combonianos que conta com assaz material sobre a África.

Voltando à República Centroafricana trata-se dum estado muito pouco povoado cruzado por interesses estrangeiros já desde a sua independência, os quais se reflectírom na criaçom ou avivamento de conflitos tribais, já que, como estado falido clássico, nom atingiu o alvo de espalhar um sentimento “nacional”, apenas a identidade de “raça”. O estado conta com algo mais de quatro milhons de habitantes que se repartem entre umhas 80 etnias, cada umha com a sua própria língua, cuja esperança de vida nom chega a 44 anos e com metade da populaçom que nom tem noçons básicas de lecto-escritura.

Após o 13 de agosto da independência começou umha pugna entre Abel Goumba e David Dacko, sendo este último o ganhador ao contar com o apoio da França, a antiga metrópole. Só dous anos depois Dacko impunha a ditadura com um único partido até que em 1965 cai derrocado pola acçom do seu coirmao Jean Bedel Bokassa, quem suspendeu a Constituiçom e o parlamento e se auto-nomeou imperador ao estilo de Napoleom, com nome Bokassa I, imperador do Império Centroafricano. No entanto, Bokassa foi relevado do poder novamente por Dacko, com o apoio galo, até que mais um golpe de estado ergueu até o poder ao general André Kolingba em 1 de Setembro de 1981.

Até 1985 Kolingba dirigiu umha ditadura. Aprovou umha Constituiçom em 1986 e convocou eleiçons para o seu partido único RDC ao ano seguinte, excluindo-se a oposiçom, polo que as eleiçons livres nom chegariam até 1992, porém Kolingba denunciando irregularidades suspendeu-nas para perpetuar-se no poder. Em 1993 Ange-Felix Patasse ganha as eleiçons – encabeçando o MLPC, seguido de Abel Goumba. Em terceiro lugar ficou o incombustível David Dacko e em quarto lugar Kolingba. Os dous primeiros volvêrom bater-se numha segunda volta em que saiu vencedor o primeiro, mas com o voto muito polarizado por regions (noroeste vs sudeste).

O 14 de Janeiro de 1994 promulga-se umha nova Constituiçom, mas em 1996 e 1997 a tensom étnica e os conflitos sociais recrudescêrom intervindo forças de pacificaçom externas. Patasse revalidou em 1999 o seu governo, mas num estado politicamente descomposto e com múltiplos grupos guerrilheiros activos que planejam a incerteza sofre o futuro do país agora que a ONU quer retirar-se desse estado. Após umha violência ininterrupta em 2002 um novo golpe de estado leva a François Bozizé ao poder, suspendendo a Constituiçom e incorporando elementos da oposiçom como Abel Goumba de vice-presidente. Em 2003 aprova-se mais umha Constituiçom e convocárom-se eleiçons, às que Patasse nom pudo apresentar-se. Na actualidade a tensom tem volto subir porque o governo nega a opçom de novos comícios amparando-se em várias excusas.

Este historial político dá boa conta de por quê é um estado sem apenas sistema educativo, comunicaçons deficiente, sanidade só para umha elite e umha Renda per capita de apenas 350 dólares por ano. A sua estrutura económica é a típica dum território colonizado: umha agricultura de subsistência rodeada de indústrias de enclave, ora de extracçom – diamantes, ouro e uránio- ora de cultivo e exportaçom de produtos agrícolas, para além da madeira que gera transtornos profundos na flora e a fauna do estado. Por todo isto, reitera-se mais umha vez que as missons da ONU só servem aos interesses neocoloniais por mais das vezes, e que se retiram agora quando se segue exercendo umha forte violência sofre a populaçom civil: com violaçons, seqüestros, queima de aldeias...

Na República Centroafricana estes jogos de interesse espúreos tenhem o seu reflexo até na religiom: 20% católicos (com seis bispos nativos e dous estrangeiros), 20% de protestantes, 15% de muçulmanos, 35% de animistas e por volta de 10% pertencem a diferentes seitas, hoje quiçais mais já que os dados manejados som de 2003. As seitas e o islamismo crescem a grande ritmo, talvez como reacçom de defesa perante as agressons “globalizadoras”, a uniformizaçom e a subalternidade forçosa da África no tabuleiro mundial. Se um homem nom tiver filhos da sua mulher pode repudiá-la, seja qual for a sua religiom.

As seitas ligam-se com a bruxaria ou a magia preta. Por exemplo, se alguém é mordido por umha serpe é porque alguém lha enviou e recorre-se entom a um bruxo, algo semelhante ao que acontecia na Galiza pré-capitalista com os bruxos, meigas, arresponsadores e peregrinaçons a capelas de santos dependendo da doença. Com 45 anos um já é bruxo e desde os catorze anos as rapazas já começam a ter filhos.

O deficiente, por nom dizer inexistente, sistema sanitário, tanto na sua dimensom preventiva, como na paliativa; fai que doenças como o SIDA e a malária sejam letais, como letais som os confrontos intestinos que só figérom recrudescer desde o golpe de estado de 2002. Sem um claro ganhador as contínuas guerras civis dividem o país entre etnias e senhores da guerra, ainda bom que nom se chegou aos 2.000.000 de falecidos como em Burundi.

O neocolonialismo, ou talvez deveriamos chamar-lhe ultracolonialismo?, do FMI e as forças de governança global tornárom já fai tempo, como no vizinho Congo, a dívida externa em dívida eterna, a força de empréstimos a governos corruptos, apoiados polos EUA e a UE, que desbaratam os recursos do estado, impedindo qualquer activaçom económica e menos ainda algumha amálgama nacionalitária. Entre tanto, a missom da ONU, que se concetra só no Norte e no Leste do país servindo os interesses estrangeiros. Fica à margem do confronto entre o governo e os grupos rebeldes ainda activos, e dispom-se a retirar-se deixando a populaçom numha prostraçom humanitária total... Mais umha vez o Ocidente é um acidente.

O abábano

2010-06-28T09:25:00.000-07:00

Na image, o que na Galiza se conhece como abelhom, abeouro e besouro. O abábano tem umha figura mais estilizada e é de maior tamanho. Enquanto o besouro semelha-se a umha abelha, o abábano é umha avéspora ou vespa gigante. Noutros lugares da lusofonia, no entanto, o termo besouro fai referência a variados escavaravelhos, desde o besouro brasileiro até cascudas, o escaravelho peloteiro ou, inclusive o que na Galiza denominamos como vaca-loura e que em espanhol se denomina ciervo volante.

*****

Já ficam poucas folhas para que esmoreça este caderno e topo-me aqui na aldeia sem saber muito que escrever nesta noite de domingo com um abábano zumbando na janela, atraído pola mesma luz que me permite a mim escrever. Abábanos. Tamém lhes chamam e nom devem confundir-se com os abesouros (besouro mais ao sul), mas pequenos e grossos, nem muito menos com a abelha macha, o zángao. Um insecto coleóptero, por vezes quase tam grande como o dedo maininho, que se deixa ver, principalmente, nos ácios de uvas maduras alá polo mês da vindima e nom nos chucha-meles como os seus coirmaos, os besouros.

Se o abábano chegara a esta luz decataria-se que nom é para tanto, mas como provavelmente nunca o faga a luz da lámpada será para o abábano fé, será esperança, será utopia. “A media luz” como aquel tango do Carlos Gardel. A luz da lámpada que empurra a milheiros de subsaarianos a vendê-lo todo, que bem pouco é infelizmente, e dixar a família para entregar-se à máfia, para afogar no mar ou para ficar sem nada perante umha vala em Ceutal ou Melilha, nesse muro da vergonha, coma todos os muros, até os valados das nossas fincas, que coidamos que sempre estivérom aí, mas que nos lembram o refinamento progressivo da propriedade privada a partir do antigo direito gentil e tribal de possessom. Oh a propriedade, essa génese de estórias de injustiça e barbárie na história!

O Ser Humano e a Terra. E talvez mesmo cómico que ande agora matinando nestas cosas quando onte destas horas andava choutando enchoupado em suor na apresentaçom do Castanhaço-rock, umha explosom cósmica do eco dumha palavra quiçais já morta: bravú no ocidente da Galiza, no nosso magulhado interior simplesmente bravio: o cheiro da carne sem castrar. Somos capazes sempre como espécie e como indivíduos do melhor e do pior, de criar monumentos mais perenes ca o bronze e até de autodestruir-nos em estériles confrontos entre estados... Oh o Estado essa caixa de ressonáncia da aristocracia romana e da bancocracia globalizada actual! E por isso mesmo, todavia, as mulheres e os homes somos maravilhosos, já que somos seres elegantemente imperfeitos. Perdoe senhora que nom me levante; cesse tudo o que a antiga musa canta que outro poder mais grande se alevanta!

Manhá colherei as malas e voltarei a minha pétrea capital a iniciar o último curso da licenciatura. Nota-se que me gorenta aquilo. Vive-se bem para que enganar-se. Se podemos somos nugalhaos, até Heracles de quem se contam os doze trabalhos, mas nom os anos que logo descansaria entre ninfas e odres de vinho. Oh os guerreiros! Nom som esses homes que vam armados com uniformes e que venhem em grilheiras levando por diante a velhos, mulheres e crianças. Esses som os inconscientes, os mercenários, os que caminham com as grelhas da escravatura e a servidume sem saberem que as levam postas.. Os guerreiros som as pessoas que se organizam, que agem no médio social em que vivem e que tratam de melhorá-lo, porque tenhem fé e acreditam no Ser Humano como algo maravilhoso. Os que o fam toda umha vida, esses som os revolucionários, que luitam contra as ratas pola utopia dia-a-dia, com a inocência da vontade imprópria dos idosos e dos safados. Os guerreiros som os bons e generosos que ainda sabem o significado de palavras tam viciadas como democracia ou liberdade. Os guerreiros som filhos do povo trabalhador e vam aonde o povo trabalhador os leve, sem soldada, sem que ninguém os compreenda, porque nom é pobre o que decide mesmo ser pobre. A fé no home, a esperança na humanidade e no futuro, a utopia da igualdade e a liberade... a luz da lámpada.

Os outros

2010-06-26T06:07:00.000-07:00

Os homes vivem eternamente constringidos polo medo, de tal jeito que um nom sabe se vivem realmente ou se aguardam ocupadíssimos a morte sem nem sequer reparar nela. Dizia o poeta que “vivir es ir muriendo”. O medo é a alma mesma. Temos medo a deixar de ser crianças e enterramos na crisálida da adolescência o conceito – ideia disso que nunca fomos. Temos medo a olhar para a realidade e enxergamo-la apenas literaturizando-a nos nossos cérebros de empréstimo.

O medo é a alma mesma. Medo a hoje, medo a manhá, medo a sermos nós próprios, medo a nom sermos na morte. As religions som a morfina do cancro de pavor. Levo já quase toda umha vida escapando do sona da razom, entre monstros e sombras pretas e magnánimas. Como Goya, como Poe, na impertérrita espiral de gigantes nemovermes atabacados.

Do teito pendura umha luz e vê-se um quadro velho na parede dum branco apagado pola película das humidades invernais. Um moço e seu pai sorrim com umha maçaroca na mao e por trás o verde das altas canas de milho ainda sem escimar dam ao conjunto um toque de exuberáncia frondosa e mística. Mas o quadro que contem essa fotografia nom di nada. As fotografias som a arte do pobre e encarregam-se de fazer perenes images do mais fútil nas nossas vidas. Nada nos dim da relaçom entre esse moço e seu pai, dos seus medos inconfessados nem das suas fobias. Deveriam existir fotógrafos da palavra, mas já é grande o medo dos homes à fotografia como para atrever-nos a tanto. Quando as fotografias dumha comunidade numha época concreta se juntam até semelha que as palavras saem desses marcos acereijados e que as roupas, os gestos e as miradas falam o que nengum livro de história pode contar-nos. Deve ser cousa do demo ou matéria de poetas que captam a essência do mundo lá onde o filósofo e o físico viram as costas.

O home nasceu para a grei, para suspirar polo onte enquanto imagina passivo o manhá. Do hoje nom se decata porque lhe foge como areia entre os dedos. Só alguns, os mais desgraçados e infelizes, vem o manhá nos sonhos. É terrível lembrar-se dos sonhos em cinemática eterna e inquisitorial que nom para de interrogar-nos. É ainda pior interpretá-los como José com o faraom. As fotografias chegam a ser falsas porque o que as contempla penduradas dum naco de parede só pode olhar nelas, as mais das vezes, frivolidade e hipocrisia de famílias imaginadas que nunca existírom... Os sonhos, em troca, som retratos íntimos do que somos e a diferença dos nossos outros excrementos nom podemos tirar da cadeia para atirá-los ao fundo dum sumidoiro qualquer, porque som espectros dessa personalíssima cloaca em que assenta um artificioso e falso ego criado por requintadíssimas convençons sociais.

Só os mortos deixam de sonhar se é que realmente descansam em paz. Eu já nem diferencio o sonho da alucinaçom neste meu mundo de realidade virtual. Esperto no meio da noite, tento berrar sem que saia a voz dumhas paralisadas cordas vocais. O home tem mais medo a que ninguém o ouça do que aos próprios medos, por isso o bom salvage nom é mais do que isso: um formoso mito burguês para crianças – velhas. A vigília e o sono entrelaçam-se. As figuras dos sonhos passeiam polo quarto entre as tebras. O coraçom encolhe-se. O corpo em posiçom fetal, aguarda a que alguém o toque para que revente esse comboio de corda... Os olhos fam força para nom abrir-se e enfrentar-se ao real.

A razom refuga analisar que é no fundo esse grande medo que me espanta. Nom é nada. Quê que é essa figura gigante que chama por mim com a sua atroadora voz que impede poder laiar-me com a minha própria voz? Como criança temerosa acendo a luz para escorrentar as sombras enquanto arde a lámpada de 60w do meu quarto. Nom olhes debaixo da cama. O milho segue verde e o meu riso congelado é parte dum gesto esquecido na crisálida de criança. Esse nom és ti.

Meu deus! Ou enfrento isto ou é a fim! Ou venço estas sombras, esta sombra criminosa, ou eu próprio me esvaeço succionado a um incerto e desconcertante poço- negro. Somos escravos dos nossos medos e por isso nos encadeamos aos demais. A valentia é a mais fingida das expressons humanas. Jogamos a deuses sem passarmos de bezerros de latom. Nom abras o armário.

Um dia, outro dia. Hoje nom se prenderá a luz. Amarás ao teu pai e a tua mai. Estou sentado numha cadeira qualquer. No protótipo mental de cadeira. Na cadeira abstraída de entre todas as cadeiras do mundo, na cadeira irreal com a que toda via olho e identifico toda as cadeiras rurais. Pensa em cadeira. Quatro patas. L. Madeira. 0 e 1. De frente um home negro dá-me a escolher entre umha pílula azul e outra vermelha. Entre a morfina e o Morfeu, entre sonhar esperto ou espertar sonhando. Hesito e suo, com a condensaçom pola janela entra apenas umha mancha de luz da rua. Vejo novamente o grande monstruo e começo a fotografar a sua contorna e compondo o creba – cabeças reconheço a sua voz. Olha ti que era. Tenho medo.

A azul ensina-me um grande carro desportivo dalgum anúncio. Quiçais o carro oficial do Mundial de futebol da África do Sul 2010. 0 e 1. Sai umha VISA que converte um home magro e grosso num ídolo polo que todos torcem, tal o deus Cristiano, tal o deu Marx. O Groucho Ronaldo, claro. A mulher – conceito de que todos os homes se namoram sem nengum casar-se nunca com ela – porque é a cadeira protótipo que só existe na abstracçom – senta ao meu carom no carro. Eu chamo o carro por ruas nunca navegadas em que campam os novos e grandes prédios, onde todos olham a garota e o carro com a inveja de ver um triunfador. Era um escravo a um carro colado. Eram caixas russas superlativas. Com certeza o azul é a pílula da razom, da vigília, do sucesso... a que me sandará de premoniçons, alucinaçons e sofrimentos. A que substituirá o medo e a noite pola luz, o balbordo, o colesterol e o frenético decorrer dumha vida vivida numha TV.

A grande massa emerge agora nítida e puxa ao home negro. A azul cai. 0 e 1. Volvem as sombras, xoto com suores a terrível dor de comprovar quem é o monstro: som eu, eu mesmo, só eu; em sonhos som o meu próprio pesadelo, o meu mais terrível medo... como é possível? Quê é que me causa perder a consciência e a razom? Por quê é que eu mesmo chamo por mim próprio? Talvez haja umha parte de mim por acaso que ainda nom nasceu porque o ditamem dos outros lhe impede florescer?

O pano cai. Acordo cedo com a primeira raiola de sol. É véspera do solstício de verao. As nuvens fôrom-se do céu e a chuva remeteu. Retomo compulsivamente as folhas deste diário no limbo e a confusom do real e o imaginado. Cheira a sol em todas as janelas do mundo. Desconheço-me. Procuro nos meus escassos livros algum de psicologia freudiana. Rem se achega as minhas misérias nem remotamente. Nom me lembrava de dormir tam bem em anos.

Todo está em orde, na mesa-de-noite um pacote de lenços, o caderno e umha caneta. Por trás umha foto dum dia importante para mim. Na parede um quadro da Liberade de Delacroix, a única possessom que me fica após arder os livros, sorri com concupiscência. Sinto-cho bem amiga, daquela nom havia carros último modelo nem príncipes azuis coma mim. Ceivo umha gargalhada escandalosa, compulsiva e nerviosa. Sayonara baby. Mamá bate na porta e chama por mim forçando a voz para passar por cima da do televisor. Ergue. Vamos. Hoje é o primeiro dia de escola. Já, nom quere que eu, digo os outros, cheguemos tarde. O rapaz abandona o quarto, no chao umha maçaroca ainda verde e fresca fica esquecida.

A nova atracçom de Eurolándia: a Hungria

2010-06-08T11:19:00.000-07:00

O fascismo financeiro nom colhe em si de contente. Os responsáveis da nova atracçom de Eurolándia anunciavam a abertura iminente dum novo cenário para continuar com o saqueio da classe trabalhadora que permita ao fascismo financeiro continuar a acumulaçom por privatizaçom. Nom se esperam no horizonte, afora a Grécia, que a luita de classes arda Eurolándia. Mas a pantasma é evidente que volta com a estadeia da ilustraçom do socialismo científico.

O representante do governo ultranacionalista e conservador, eleito em Abril, advertia que a gestom anterior do socialdemocrata Gordon Bajnai deixara o Estado ao borde do abismo e dumha suspensom de pagos. Mais lenha para umha banca europeia que volve estar como quando começárom os resgates e as “socializaçons das perdas”. As entidades nom se fiam entre elas porque se sabem todas igualmente podres. Aliás, o facto de que a “economia real” está em crise aguda e os deficit públicos polas nuvens nom permitiriam aos olhos dos “mercados” voltar mais umha vez resgatar a banca e recomeçar com um novo ciclo de encloussers, privatizaçons, e “ajustes” do FMI e as suas receitas de pokereconomia.

A cadeia retroalimenta-se. O BCE tem recorde de depósitos, o crédito ao capital-industrial e as economias domésticas nom chega e a recuperaçom ecómica que se anunciava iminente pospom-se cada vez mais. A UE tem, polo menos, para umha década e os focos dos ataques dos “mercados” preparam-se para umha redistribuiçom cara as classes altas com os programas de “austeridade”. O Reino da Espanha está numha situaçom mais do que delicada. As instituiçons de governança global solicitam mais e mais recortes que só inçam o endividamento privado e pejam a recuperaçom. Nom é por acaso que o anúncio de Viktor Orbán, primeiro ministro da Hungria, de que o deficit chegaria a 7'5% (face ao 3'8% previsto polo FMI) disparou os seguros que cobrem a dívida húngara até 23'7%, até os 392'3 pontos. O mesminho do que no Estado espanhol. Dá igualmente que pensar que o Ibex caíra após o anúncio 3'80% e que sustente esta semana essa caída, ou seja, o Ibex caiu por cima ainda do país que anunciava a sua falência: terá algo a ver que a Hungria tem moeda própria e o Reino da Espanha nom?

Trichet e o BCE seguem, contodo, na montanha russa de Eurolándia sem decatar-se de que todo arde arredor. No seu último informe afirma que o deficit é o problema na linha da austeridade. Nom se decatam, ou se se dam de conta desonestamente negam-no, que cada vez que os “mercados” sacodem as bolsas o capital da banca europeia reduze-se e os títulos emitidos por falha de “confiança” nom os merca nem deus. Novamente o ultraliberalismo teme morrer com o euro, o melhor que nos pode passar por certo, já que é evidente que a banca procura umha nova “socializaçom das perdas” perante a falha de solvência. Aqui está o doestado capital público, aqui as naçons de súbditos esperando para tapar os buracos do fascismo financeiro. Vam ganhando a partida: nem taxa Tobin, nem taxa Robin Hood, nem farrapos de gaitas. Aqui o Bilderberg e a oligarquia mundial correm para nengures com a segurança de que a acumulaçom por desposessom dos europeus é a única saída. Um capital já excessivamente concentrado que necessita de fusons e de solvência para quando entre em falência a indústria, a pequena indústria e as empresas públicas fazer-se a preço de ganga com todos despojos. As elites EUA olham refregando as maos para a Europa, aqui implementam-se medidas que lá evitárom e nom por acaso.

A irracionalidade é umha componhente essencial de todo fascismo, nom o ia ser menos no fascismo financeiro. A crise estrutural está relevando como hai umha carreira frenética paralela a que se estabeleceu em 1929. Um salve-se quem poda no capital-financeiro que vai ampliando as turbulências numha espiral que ameaça com abrir a pior depressom económica na Europa dos últimos setenta anos.

Longe ficam as vodas de ouro e mel entre o FMI e Gordon Bajnai quando escrevia esta carta:

Budapeste, 4 de Março de 2010. Caro senhor Strauss-Kahn: O significativo fortalecimento das políticas durante o último ano e meio situárom com firmeza a Hungria no vieiro para a estabilidade e o crescimento. As vulnerabilidades macroeconómicas reduzírom-se por médio dumha melhora da estrutura fiscal, um aumento da supervisom bancária e oportunas injeçons de capital para apoiar o sistema financeiro. Como resultado a confiança empeçou a regressar e a economia está rumo à recuperaçom.

A queda da Lehman Brothers sumira num terramoto a Hungria e o FMI injectou entom 12.300 milhons de euros a prazos, dos quais os dous últimos nom se empregárom polo que o montante desceu até 8700 milhons. Mas, por quê isto afectou tanto ao Reino da Espanha? O Ibex segue o ronsel dos movimentos da Telefónica, o Santander e o BBVA. A imobiliária Sacyr Vallermoso caiu o dia do anúncio 7'73% devido a que mercou solares no centro de Budapeste na sua aposta por diversificar mercados perante a sobreproduçom do mercado interno espanhol. Por certo, Fadesa, já atafegada de dívidas e problemas, tamém apostara por esse mercado. O BBVA e o Santander nom tinham apenas dívida húngara, mas si espanhola na solvência da qual confiam cada vez menos os inversores do fascismo financeiro.

Por enquanto, o Banco de Espanha segue avante com a bancarizaçom das caixas através do FROB para que passem a maos privadas em quanto for possível e deixando em evidência a esquerda galega, enquadrada ainda despois de todo dentro do consenso ultraliberal que a esquerda nom é quem de rachar. Um pergunta-se se as entidades que som saneadas com recursos do Estado nom deveriam pertencer ao conjunto da cidadania conformando umha grande banca pública que resgate a quem realmente o necessite: a classe trabalhadora e as pequenas e medianas empresas do Reino da Espanha.

Pois, nom. Em Eurolándia a “austeridade” conduze para umha refeudalizaçom onde a cada vez mais grande reserva de mao-de-obra permitirá aos senhores que os seus servos trabalhemos mais horas, por menos quartos e com as mínimas medidas de cobertura social. Nom tem a esquerda a obriga de exigir umha renda básica universal para a cidadania que evite esta espiral do fascismo financeiro agora que o Estado espanhol já conta com 10 milhons de pessoas vivendo por baixo do umbral da pobreza e o mercado do emprego negro polas nuvens? Esperamos, contodo, contra toda esperança, aguardando que esta contraofensiva do capitalismo na sua vertente ultraliberal esta descarnada luita de classe permita umha conscienciaçom social que lhe faga frente ao fascismo financeiro. Como rezava um almanaque laboral que caiu estes dias nas minhas maos: Non hai mal que cen anos dure... menos a CNT.

Pós-política e pokereconomia

2010-05-28T11:21:00.001-07:00

1.1.- Pós-política pós-industrial e pós-modernista ou a negaçom da acumulaçom por desposesom realmente existente

O Prémio Príncipe de Asturies de Comunicaçom e Humanidades acaba de falhar-se em favor de Alain Touraine e de Zygmunt Bauman, exponentes dumha sociologia crítica que resiste a intrumentalizaçom da universidade e do conhecimento por parte do ultraliberalismo.

Segundo Bauman «a única resposta possível é o surgimento dum espaço político igualmente global» que entendemos que deveria surgir desde as posturas altermundialistas. Bauman, como Tourine, criticam com força a forte crise do sistema ultraliberal. Bauman é o autor do sucedido conceito de «modernidade líquida» que vem a dizer que a nossa época é a instabilidade, a da precaridade e a do destruiçom dos laços sociais como expom nas suas obras, por exemplo Vida de consumo (Paidós, 2007) ou Mundo consumo (Paidós, 2010)[1].

Esta destruiçom dos laços sociais permitem a nova vaga de enclousers sobre o público e a hegemonia da contrarreforma ultraliberal, de noraboa trás atingir todos os seus alvos ainda despois de ter-se encetado umha crise sistémica. Precisamente já Naomi Klein em The shock doutrine alertava para este modo operar e como as crises som o motor de novas privatizaçons e ataques contra os direitos da cidadania.

Alain Tourine pola sua banda incidia na necessidade de «impulsar um novo movimento social cidadao» face a globalizaçom económica e a fragmentaçom / hipnotizaçom da sociedade através dum narcisismo compulsivo que desarma a sociedade civil perante as forças de governança global. Tourine tem chamado a atençom para a sociedade pós-industrial e em L'après socialisme chegava a afirmar no seu começo «o socialismo finou». Quanto à era pós-industrial ou ao pós-fordismo devemos inseri-lo nessa mareia de pós-Polt enfermiços, cujo máximo exponente na superestrutura é o pós-modernismo e que tem o máximo eco na pós-história de Fukuyama e na pós-política, ou a «parapolítica» de que Žižej fala, que tanto sucesso tivo nas mentes dos cidadaos do centro.

De facto, as etiquetas centro e periferia, o materialismo histórico – geográfico de que David Harvey torna-se fulcral para refutar este pós-fordismo, sem esquecer a perspectiva da longue durée da escola do sistema – mundo iniciada por Immanuel Wallerstein (nom é por acaso a crise da UE umha manifestaçom nom apenas da financiarizaçom da economia mas tamém umha amostra das rivalidades no centro capitalista?). A etapa atual, portanto, nom é a das sociedades pós-industrias, mas devemos por contra notar umha deslocaçom dos centros industriais desde o centro para o Leste asiático, ou seja, que na etapa atual o capitalismo mostra a mesma flexibilidade do que noutras etapas já que é umha característica intrínseca do sistema capitalista. Por seu lado, Alex Callinicos, para além da sua crítica demolidora do pós-modernismo em Contra o pós-modernismo (traduçom para o galego em Laiovento), tem igualmente assinalado como nas continuidades estruturais entre a fase fordista e a pós-fordista.

Precisamente para entender que é o que se passa atualmente, no tocante a hegemonia do capital-financeiro através das instituiçons de governança global (FMI, BM, BCE, etc.) hai que ter muito em conta dous elementos cruciais. O primeiro o regime dólar-Wall Street (RDWS) que salientava Peter Gowan, e que com tanta fortuna explicou Beiras em mais dum artigo por certo, que permite a hegemonia do dólar e dos agentes financeiros ianques e ingleses. O segundo o indicado por Giovanni Arrighi, tamém da escola o sistema – mundo, a financiarizaçom é recorrente na economia capitalista e acontece precisamente quando os processos de acumulaçom do capital produtivo se enfrontam a umha situaçom de rendimentos decrescentes já que nessa tesitura o capital nom topa saída no ámbito produtivo.

Tocante a isto último, Marx falava do estádio superior do fetichismo, onde «umha parte do benefício (...) despega-se completamente da relaçom capitalista em tanto que tal, e parece derivar-se nom da exploraçom do trabalho assalariado, mas do trabalho do próprio capitalista. (...) Se, primitivamente, o capital desenvolvia, na superfície da circulaçom, o papel fetiche capitalista, de valor criador de valor [D-P-M-D], reaparece aqui, sob a forma de capital portador de interesse, a sua forma mais alienada e mais característica». Isto conduze, portanto, a um desequilíbrio lógico, tal e como assinala Marx no livro III de Das Kapital. Quanto a teoria dos rendimentos decrescentes está igualmente em Marx que no livro IIII enuncia a «lei da baixa tendencial da taxa de ganho». Na alínea treze sobre a «natureza da lei» sintetiza que os três feitos principais da produçom capitalista som a concentraçom de capitais em poucas maos, a organizaçom do trabalho social e a sua divisom como trabalho cooperativo, e a constituiçom conseqüente do mercado mundial.

A taxa de ganho é a relaçom da mais-valia divida pola suma do capital constante e do capital constante e do capital variável. Quanto mais se acumula o trabalho morto [c] mais afectado se vê o trabalho vivo [v], quer dizer, mais inça a «composiçom orgánica» o capital [c/v], e mais tende a descer a taxa de ganho [pl/(c+v)] com o que obtemos umha equaçom da baixa tendencial da taxa de ganho: [pl/cv = pl/v / c/v+1].

As análises do socialismo científico mostram-se mais umha vez obstinadamente acertadas, máxime quando a Terceira via vem de sofrer um fracasso sem paliativos, que lho perguntem a Zapatero ou Gordon Brown e aos demais apologistas do «centro radical». A pós-política e as suas violências som cada vez mais evidentes a tal ponto que Noam Chomsky nom duvida em comparar a situaçom dos EUA actuais com os últimos anos da República de Weimar. A continuaçom veremos para o Estado espanhol algumhas chaves que reafirmam a (re)emergência dumha ultradireitizaçom global, com o agravante engadido de que a correlaçom de forças é hoje muito mais fraca no que atinge à parte das forças da esquerda, com umha esquerda social-democrata ou pós-estalinista maioritária perante o altermundismo e a esquerda libertária.

Onde é, portanto, que morreu o socialismo? Será no cada menos Brave New World ocidental de 1984.

1.2.- Pokereconomia em Eurolandia

O Carlos Taibo e muitos outros autores de esquerda tenhem reparado em que é difícil ser de esquerdas e espanhol. E tanto diria eu, aí está José Blanco, representante dessa “social-democracia” da Terceira Via já sem carauta, afirmando sem rubor que «la derecha española ha vuelto a dar una lección de antipatriotismo muy semejante a la que dio en su momento cuando no respaldó el ingreso en la OTAN». Nom viria mal voltar a ler aquel livro do Joan Garcés Soberanos y intervenidos.

Um PSOE em carreira frenética por envolver-se na bandeira do espanholismo e a recentralizaçom do estado. Agora é boa época para subalternar a luita de classes ao nacionalismo como no primeiro terço do XX, como acontece por toda a parte nesta Europa em descomposiçom cujo fedor é a cada hora mais insuportável. Aliás, é um momento imensurável no pátrio Reino da Espanha já em 28 de Maio de 1785 Carlos III adotou a «rojigualda» por Real Decreto. Tamém agora por decreto Zapatero garante os lucros do capital – financeiro passando por cima dos direitos daqueles cidadaos que o elegêrom “democraticamente” para governar. A democracia de votar e calar desta II Restauraçom bourbónica em crise institucional, jurídica, ética e económica.

A substituiçom do maurismo e do governo de concentraçom “nacional” torna-se agora no artelhamento dum partido-visagra que lave a faciana do regime UPyD, grande impulsor da direitizaçom do pessoal com a conivência do binómio político – mediático. Eis as palavras de Rosa Díez de Vivar demandando do Zapatero, após a aprovaçom do “tessouraço”, que devolva «a los españoles la autonomia de decidir quién queremos que gobierne y, sobre todo, cómo queremos que nos gobiernen (...). Por patriotismo y por autonomía política, convoque elecciones».

No entanto, o campiom das essências pátrias é o incorruptível Paquinho Camps que fai com a senyera um traje: «Usted se ha acogido as Código Penal. Yo me cojo a la Senyera y a mis conciudadanos para seguir trabajando por el futuro de esta tierra». Quê é que diria o Fuster deste “animal político” – no sentido aristotélico of course? A bandeira por direito que regula as relaçons dos cidadaos, o nacionalismo como dogma e ópio das luita de classes.

Todos somos espanhóis dim-nos, mas cada vez é mais claro que uns mais do que outros. A caverna celtibérica ruge com apestosa força. Em La Razón falavam de “La esperanza de España”.Em ABC o editorial contava-nos que as eleiçons antecipadas som «una necesidad nacional (...) Pedir ahora elecciones generales anticipadas no es antipatriota ni oportunista». Quanto aos “todólogos” do espanholismo consenso ultraliberal e fascistoide total. Isabel San Sebastián em El Mundo punha-se em disjuntivas anti-luxebunguescas: «o refundamos la Nación o nos hundimos con ella». Paso a España!!!

Pola sua parte, o ministro de Economia do IV Reich – euro declarava que «é de celebrar que o Estado espanhol se decidira por medidas duras de aforro» e Ángel Gurría, secretário geral da OCDE, engadia que «lo que ha hecho España en las últimas semanas prueba que hay voluntad política».

Em Itália, Sílvio Berlusconi aprovou um outro “tessouraço” de 24.000 milhons de euros em dous anos que inclui, como nom, a congelaçom de ordenados dos funcionários, restriçons nas jubilaçons e um recorte duro para os governos regionais. No Reino Unido o governo de David Cameron já começou bem, gerando a «confiança dos mercados» a pesar de que isso destruirá o tímido crescimento de três décimas do PIB británico. O executivo aprovou um recorte de 6.700 milhons euros no gasto, que se cargam na conta dos funcionários e das administraçons locais e governos regionais. A originalidade dos economistas e “todólogos” da UE nunca deixará de surpreender-nos. Na França, Sarkozy, entre revista e revista do coraçom, recortará 100.000 milhons de euros. François Fillon reduzirá entre 2011 e 2013 (dous anos!!!) 10% do gasto social útil e da financiaçom local e congelará os gastos de funcionamento do Estado. As moscas mudam, só a merda é que nom varia.

Esta emergência global da xenofobia e o fascismo tem em Hungria um capítulo de seu. O governo da direita liberal de Viktor Orban vem de aprovar no parlamento umha lei que concede a cidadania a 3'5 milhons de húngaros que vivem em Austria, Croácia, Eslováquia, Eslovénia, Romania e Ucraína. A medida nom ajuda demasiado para a sua política exterior mais serve para tirar eleitoralmente partido dum nacionalismo cada vez mais fascistoide. Na Hungria o Jobbik conta com 17% dos votos e esta medida tenta captar votos desse caladoiro da ultradireita. A medida ajudará ao HZDS e ao SNS, a direita fascista de Eslováquia, que explora a xenofobia contra os húngaros (que som 10% da populaçom) com umha campanha que reza assi: «Para que nom tenhamos que alimentar os que nom querem trabalhar». Umha pantasma, a de Goebbels, percorre Europa.

Os bancos e os especuladores podem respirar tranqüilos. A Führer Merkel garantirá o cobro da dívida grega a custa da sua economia e a sua populaçom. Já no-lo advertiram: “Grécia está por toda a parte”. O papel dos estados analisava-o bastante claramente José González Casanova num artigo “Policias y ladrones” que aparecia no jornal do Reino da Espanha Público (28-5-2010):

«El gobernante que ose mover las columnas del templo mercantil hará caer sobre él su derrumbe y se suicidará. Lo menos que debe hacer ese gobernante es reconocer su impotencia frente a las mafias porque ha dejado de ser policia. (...)

La crisis ha sido promovida por los que aspiran a esas reformas (“impopulares” es un eufemismo de “antipopulares” que han de permitir un robo global aún más cuantioso. En su cinismo fingen que les duele una situación provocada por ellos (Aznar, su Ley del Suelo, la burbuja inmobiliaria y la corrupción consiguiente.

(...) La izquierda crítica sugiere que “pague quien contamina”, que se reforme de raíz el sistema fiscal, que se suprima la banca privada y las bolsas, que se obligue a los empresarios a reinvertir en sus empresas, que se rebajen por ley los sueldos de los ejutivos privados, etc. ¡Pero eso sería el socialismo! En realidade, no tanto: sólo una pequeña aproximación, basada en un mínimo de justicia que permita dejar claro quién have de policia y quién de ladrón»[2].

Garantir apenas o básico: que o estado exerça o seu imperium perante as relaçons assimétricas de dominium que operam entre os axantes que opeam no marco das suas fronteiras. As cousas de mais sentido comum postas como diria o Galeano patas arriba. Com razom Domènech, Nadal, Búster e Raventós indicavam com precisom de cirurgiao que o recorte de “Zapatero maos tesouras” consistia numha «hierarquizaçom as conseqüências da crise “para abaixo”, tanto em termos sociais como de centro – periferia geopólitica»[3]. Precisamente este artigo intitulado “La UE y Zapatero se superan, o cuando los locos son los lazarillos de los ciegos” é fundamental para entermos onde é que está o farol dos pokereconomistas de Eurolándia.

Nom fai muito tempo aparecêrom dous artigos de Michael R. Krätke intitulados “Eurolandia converte-se em coto de caça”[4] e “Arde Eurolándia”[5]. É esta Eurolandia onde «os culpáveis nom som os bancos freneticamente entregados à especulaçom: som os gastadores Estados sociais de corte europeu! A image ultraliberal do mundo volve quadrar». Talvez como o fidalgo aquel do conto de Outeiro Pedraio que abria as vilhas dos pipos para que o seu filho risse? A dilapidaçom da casa comum sem benefício, ainda com agrávios, para as maiorias sociais. Os estados como garantes da liquidez dos bancos, os novos conversores de dívida externa em dívida eterna, os políticos como reféns das forças de governança global que nom passam polas urnas da espantosa democracia formal burguesa.

As forças de governança global como o FMI pedem a bancarizaçom das caixas e o despedimento livre na lógica ilógica dumha suposta reativaçom económica. Os partidos dinásticos da II Restauraçom bourbónica em crise respondem apelando ao “patriotismo español” para acochar detrás dum trapo a depauperaçom dos seus súbditos – consumidores. O de sempre. O capital – financeiro joga à pokereconomia sempre com o mesmo farol que o binómio político – mediático se encarrega de fazer digerível para a sociedade. E lembro-me daquel velho cartaz em que Lenine varria desde a URSS o mundo... contra a pokereconomia a sociedade civil galega tem que volver ao seu jogo tradicional: a escova.

[1] Para umha análise mais demorada do conceito de modernidade líquida veja-se http://letras-uruguay.espaciolatino.com/aaa/herrera_jeanie/modernidad_liquida.htm

[2] http://www.blogs.público.es/dominiopublico

[3] “La UE y Zapatero se superan, o cuando los locos son los lazarillos de los ciegos”, disponível em http://www.sinpermiso.info

[4] Disponível em Sin Permiso: http://www.sinpermiso.info/textos/index.php?id=3260

[5] http://www.sinpermiso.info/textos/index/.php?id=3292

Língua, economia e paradigma

2010-05-16T08:50:00.000-07:00

Na dialéctica entre a res pública e o privi legium, onde o segundo é hegemónico hogano, insire-se o novo decreto do galego e a nova estrategia da glotofaxia da caverna celtibérica. Os mesmos que clamam contra a politizaçom da língua subvertem e denunciam umha "ditadura lingüística" subvertem o carácter social univóco da linguage argüindo que nom existem direitos colectivos, mas apenas o privi legium. Politizam a língua e ainda se atrevem a dilucidar que devem decidir os pais individualmente a educaçom colectiva e pública dos seus filhos.

Que decidam os pais e que decidam bem. O carácter público da educaçom deve ficar supeditado à vontade privada dos pais ou, melhor dito, de grupos de poder glotofáxicos como o Clube financeiro de Vigo ou Galicia bilingüe. Na retórica ultraliberal parte-se dumha interesada confusom: os ataques contra a liberdade só venhem por parte do Estado - do imperium - e nunca no seio da vida social, quer dizer, das relaçons de poder que se dam na sociedade - o dominium. Porém, a pouco que a realidade seja analisada esta afirmaçom olhamos de contado que é falsa. O ultraliberalismo procura adelgaçar o estado - o imperium - precisamente para permitir que as relaçons de poder que se estabelecem entre particulares beneficiem particularmente sempre aos mesmos: os patronos, os banqueiros, os espanholistas da caverna celtibérica e o seu direito sagrado à ignoráncia.

A vida social inclui no seu interior assimetrias de poder que nutrem relaçons de dependência que estám na base do domínio dos uns sobre os outros. Estas existem em qualquer espaço geográfico e em qualquer tempo histórico (materialismo histórico-geográfico), por muito que a ontologia social que emprega o liberalismo negue que no mundo exista dominium, estabelecendo um dogma insustentável do ponto de vista científico, mas que se acha instalado no horizonte de expectativas de grande parte da sociedade galega, porque a hegemonia, em termos gramscianos, é deles e nom dos que procuramos um outro mundo possível. Como é possível sem o dominium explicar que enquanto um banqueiro bebe champanha de 3000€, centos de pessoas durmam sem teito? E como é possível com um imperium supeditado ao, teoricamente, dominium inexistente garantir o direito consitucional a um teito?

A ditadura do dominium dumha minoria impom-se a todo o corpo social, toda vez que o imperium se reduze simplesmente a favorecer as comenências das forças globais de mercado e a uniformizaçom e autocolonizaçom global. Precisamente esta primacia do dominium, do privado e privativo, nom tem conduzido à obtençom de mais liberdade, mas, a contrário, por toda a parte conduziu para estabelecer mais pobreza material, cultural, etc.

A negativa a reconhecer direitos colectivos e simplesmente fazer fincapé nos direitos individuais -algo claríssimo nas línguas- vai na única direcçom de favorecer as línguas fortes, as multinacionais, e esfarelar por canibalismo lingüístico a 90% das línguas que hoje existem no planeta. Neste sentido, a esquerda mundial e o altermundismo deveriam para já pôr acarom do ecologismo o ecolingüismo que autores como David Crystal levam tempo e tempo defendendo. Claro que isto é para o pensamento global. No local, os actores mais conscientes devemos ir ao que Henri Boyer denominava o nacionalismo lingüístico, mas nom deve confundir-se isto com retóricas maximalistas que trunquem o desenvolvimento de estratégias comunicativas que permitam reverter a situaçom actual da língua, pois, mal que bem, seguirá pertencendo ao sistema Occidental só se incorpora a um bom número de neofalantes e mantém os falantes que hoje tem.

O galego tem que ser desde já um direito é um dever pois todo cidadao da Galiza deve poder desfrutar dum produto social histórico gerado colectivamente como povo e, portanto, inalienável desde supostas "libertades individuales" que som associais. Porém é preciso fazê-lo com inteligência para poder incorporar ao máximo número de sujeitos, desde abaixo operando em redes abertas (nom fechadas) e densas (nom disperas e anónimas) em que a língua se associe com outros valores positivos desenvolvidos por esses colectivos que actuam a prol da língua.

A prédica canibal do bilingüismo equilibrado nasce da lógica do livre mercado ultraliberal aplicado às línguas: umha língua A e outra língua B competem em desigualdade de condiçons num mercado sem aranceis nem proteccionismos e os oprimidos devemos aguardar a que a mao invisível do mercado o regule todo. Claro que esta ideologia perversa do nacionalismo lingüístico espanhol, que tam luzidamente denunciou Moreno Cabrera por certo, comporta-se bem diferente quando é o inglês o que ataca os territórios do império em muletas em Porto Rico. O o chauvinismo espanholista mais ranço e retrógrado disfarçado de constitucionalismo está em voga.

Desta volta o verniz para que traguemos o anzol de algo infumável é o inglês, a "liberdade", o "consenso" e sabe deus que mais. Em aras dum cosmopaifoquismo requintado e exangue. propom-se o etnocídio planificado sobre umha cultura. Nom devêrom ler aquilo de Joám Vicente Biqueira: “A pessoa cosmopolita é aquela que nada humano lhe é alheio, nom aquel que até a sua terra lhe é estranha”.

A economia e a mudança de paradigma da Lingüística Política galega

No entanto, na Galiza podemos optar por explorar umha vantage comparativa com respeito ao català, o astur-llionês, o aragonês ou o basco. Nós nom estamos sós como já advertira Murguia, Castelao, Biqueira, Vilar Ponte ou Ricardo Carvalho Calero - ao que este dia o estudantado organizado na Assembleia de filologia lhe dedica a homenage no centenário do seu natalício que a RAG lhe negou por certo- e contamos com materiais de todo tipo na segunda língua romance com mais falantes: o galego-português.

A estrategia do isolacionismo operou desde os oitenta com um resultado claro e palpável: a desgaleguizaçom contínua e constante da sociedade. É claro que o modelo de normalizaçom lingüística, dominado pola desorientaçom e a impostura em grande parte, nom funcionou e na ciência quando a experiência nega com feitos o método empregado abre-se um período em se lançam e adoptam novas hipóteses e estratégias. Na ciência religiosa de academias e demais templos da língua dependentes do Estado espanhol directa ou indirectamente nom se muda nada, só se perfuma bem a morte do idioma para que a mómia nom apodreça. Por nom falar da galopante dialectalizaçom da língua.

O argumento numérico para as línguas é umha vertente mais da "utilidade", do argumento económico tam do agrado do imperialismo. Nom gosto del e ataco-o, ainda sendo comum dentro do regeneracionismo. Ora bem, dentro das cidades e entre os segmentos mais desgaleguizados a interesse polos galego pode vir desde os mesmos argumentos que nom o fam hoje atractivo: milhons de falantes, possibilidades laborais... Os mesmo que hoje ponhem no curriculum nível de português alto por saberem português som os que se resistem a reconhecer o evidente: que , como dizia o Carvalho, "o galego ou é galego-português ou é galego-castelhano nom há outra opçom. Ou somos umha variante do sistema central ou somos umha variante do sistema ocidental".

Dizia-o o brasileiro Júlio César Barreto Rocha com claridade mais recentemente: "O Brasil fala a língua galega", e o Brasil é umha potência emergente e um mundo de possibilidades económicas e lingüísticas para a Galiza. Enquanto a Junta lhe paga a Microsoft por traduzir para o galego o Windows já que nom hai mercado, num inútil dispéndio, o Brasil pola sua imensidade conta com todo o software em galego. Que é que compensa mais? Nom é melhor centrar a normalizaçom e os seus investimentos em garantir umha educaçom para os galego - falantes que lhes permita sair da escola com segurança lingüística em galego-português e vivendo numha esfera cultural própria e nom alheia? É melhor o modelo dos 50, 70, 25 para todos que nem garante que os que falam galego o falem bem, nem consegue que os que falem castelhano dominem tam sequer minimamente o galego oral? É tempo de mudar o paradigma, é tempo de reflexom.

A Estremadura espanhola implementou em todos os liceus o português e Andaluzia acaba de dar esse mesmo passo. Na Galiza por questons evidentemente políticas tanto estranhos como acomodados negam-se a optar pola que seja quiçais a única via de futuro. Comecemos implantando o português em todos os liceus da Galiza e as televisons portuguesas e ainda brasileiras por todo o território. Recebamos imprensa, livros e filmes na variante extensa da nossa língua. Sejamos galegos, nom parvos.

Muitos empresários galegos começam a ver o galego como ferramenta útil nom tanto com Portugal, mas sobretodo com o Brasil. Empresários castelhano falantes, mas nom som poucas as empresas que estám escolhendo a galegos para operar nestes territórios... cada vez a via a seguir é mais clara. Manoel Santos indicava-o com claridade e dureza:

"Na miña opinión non temos reflexionado dabondo sobre este papel central da economía no galego. Falo, claro, do modelo capitalista, e especialmente o neoliberal, por canto a exterminada economía tradicional familiar e autónoma -disque a dos pailáns- si tiña o galego como idioma vehicular.

E moito menos temos desenvolvido unha estratexia seria e acaída para inserir, ou forzar a inserción, da lingua na economía do país, nas súas empresas, nos seus comercios, nos seus números.

E lastimosamente somos unha sociedade máis de números que de persoas que falan linguas. Ou cambiamos a economía, o modelo, ou mudamos, como tristemente xa estamos a facer, de lingua. Mais as dúas cousas non parecen compatíbeis".

A economia e o modelo, o decrescimento, nom é ainda para manhá, mas a assunçom do galego como sistema ou variante do diassistema luso-brasileiro-africano-timorense pode ser para hoje mesmo.

A ortografia poderia manter-se durante um período mais ou menos dilatado e que a sociedade informada e formada decidira e nom os filólogos que tanto mal lhe temos feito ao idioma. Se as normas nom conseguirem ser aceitadas unanimemente, pode até se dar o caso de que podam emergir várias tentativas de codificaçom, como é o caso da Noruega, estado lingüisticamente coabitado polas variedades estándares nynorsk e bokmal após idependizar-se de Dinamarca e as duas som de obrigada aprendizage nas escolas (se bem é a segunda a que mais se emprega em registos cultos). Ora bem, os inimigos da língua e os que se negam a conhecê-la e empregá-la seriam na Galiza os primeiros em atacar esta duplicidade de normativas. Como indicava Goretti Sanmartín Rei a propósito da última modificaçom normativa :

"En que medida a posibilidade de recuperarmos certos trazos xenuínos e de estabelecermos con clareza como principios básicos o achegamento ao portugués influíu no cambio de rumbo a respecto da lingua da posición dunha parte relevante da dereita galega, e non só? (...) Como se están a utilizar preconceptos intrínsicos sobre as linguas para elaborar argumentos contrarios ao emprego do galego?

(...)o galego, e só o galego, é cualificado de artificial e antinatural e en que a defensa da dialectalización da lingua dominada se dá por feita ao se situar sempre no ámbito privado e ao reducir os seus usos permitidos ao rexistro da coloquialidade" (1).

Semelha que os de fora tenhem-no mais claro do que os de dentro. Sem umha burguesia nem umhas instituiçons que prestigiem o idioma só pode caminhar-se para o etnocídio desde um isolamento contra natura. É mais, que tenhem em comum as falas de Estremadura, o galego da Galiza e as zonas espanholas fronteiriças onde os velhos ainda falam português? O documentário Entre Línguas é bastante revelador ao respeito. O comum no sotaque, nos castelansmos, a gheada, etc. indica-nos que o que separa o galego e o português nom é lingüístico - nunca o foi - é político e, em definitiva, tem nomes e apelidos: o Reino da Espanha.

Coda

Toda lingüística é sóciolingüística, em tanto em quanto, a língua é um produto natural das sociedades e até se identificárom recentemente os genes da fala entre os Neendertais no que parece reforçar o argumento chomskiano. No entanto, desde o estruturalismo a (sócio)lingüística xebrou a língua da sociedade produzindo-se um curioso efeito: um artefacto abstracto e analisável de costas a sua existência, como quando os Chicago boys faziam dogma económica adaptando a realidade económica as suas teorizaçons. O social da língua nom pode xebrar-se nunca do estudo da gramática. A fonética do bairros periféricos das cidades nom é a mesma do que dos seus núcelos e assi seguido.

Aguardemos que este seja o século que lhe dê umha labaçada a um século de idiotizaçom e fragmentaçom artificial das ciências sociais no seu conjunto e tamém da lingüística e a filologia. Ainda mais, para diferenciar a lingüística propriamente dita, a (sócio)lingüística, da rama que se centra nas políticas lingüísticas, análises sociais, etc. (o que hoje se entende por sócio-lingüística) deveriamos empregar o termo Lingüística Política, assi como existe umha economia política, umha história política, ou umha filosofia política (hoje negadas com invençons como as Ciências Políticas xebradas delas).

Os que procuram a morte dos direitos colectivos e dos povos, som os mesmos profetas estafadores da fim da história e da fim da política. A (re)politizaçom da sociedade, o confronto público - privado e o controlo do dominium recuperando o estado para a cidadania som os alvos da esquerda republicana, altermundista e libertária do século XXI, como o fôrom no XIX. Vale.

(1) Goretti Sanmartín Rei (2009) "(Re)Lexitimando a seguranza lingüística. Sobre a necesidade de afianzarmos un modelo culto para o galego" em Sobre o racismo lingüístico, Laiovento: Compostela p. 130

Os trabalhadores nom votam a traidores

2010-05-13T10:28:00.000-07:00

Onte fum ao teatro, com a que está caindo o corpo social pede teatro, teatro calderoniano. O grande teatro do mundo, com as suas tragédias, comédias, autos de fé e farsas para títeres. Primeiro fum ver umha tragédia Zapatero-rei logo umha comédia Feijoo nas nuvens e tivem que chorar nas duas, nem pola gravidade do assunto, nem polo bufonesco do actuar do reparto. Chorei pola catarse e pugem-me a escrever a minha própria obra com o pouco tino, sisso e saber que eu tenho. 'I have a dream', avonda-me com isso para fazer este Requiem por um povo.

A doutrina do shock caiu nas maos zetapepistas, ou aplicamos este pacote de medidas ou alia iacta est e Grécia estará por toda a parte. O estado social, como muitos apestados levamos advertindo tempo e tempo por certo, entrou na UVI. Eu já merquei a coroa para o passamento para este “Maio” velho do irmao Curros. O velho preto monstro de lama e bosta já meteu a sulfurosa patinha por debaixo da porta. Eis a Rosa de Espanha, Díez de Vivar, a dizer-lhe ao Zpeta que dimita e que decidam “los españoles el futuro de la nación española”. Espanha espanholea com a luita de classes espanholadamente, a tal ponto que ergue espanholofóbia, como os iletrados comentaristas desportivos da Cuatro. Madre fui eu em romaria a ver o fascismo que aí vem!

Na Galiza as festas da Ascensom trouxérom-nos um inesperado agasalho. Nom foi a virge de Fátima nem a revelaçom do terceiro segredo, nem os Reis Magos, nem tam sequer o Apalpador. Cuido que mesmo deveu ser o espírito do Barrigaverde do castro de Santa Susana. “Ahí los tienes rodeados de oropeles!” Fusom por fusom má fusom será. Eu som-che mais da fussom dos trabalhadores, do proletários de toda a parte unide-vos! Gayoso mestre de cerimónias da massonaria financeira em régio e barudo castelhano. Feijoo anotando-se os trunfos da baralha tanto na Galiza como em Madrid. Na Galiza porque o BNG lhe ajudou a apresentar-se com um novo defensor da galeguidade – pois, pois-, no Estado porque se fixo a fusom que demandava o Banco de Espanha e o próprio capital financeiro. Nom hai mais cera da que arde.

Nom importa a pátria do capital, ainda que a esquerda (sic transit gloria mundi) nom pareça entendê-lo. A nova entidade é umha caixa bancarizada, um banco mesmo. É curioso olhar para a Caixa Rural Galega que nom se meteu em leias especuladoras nem em manganchas de feira. Nom precisa FROB nem resgate, nem que os putridirigentes lhe riam as graças ao seu presidente, como figérom com Gayoso.

Gayoso, o José Ramón nom, o outro. O especulador, o facinoroso, aí o tés, um filisteu da cabeça aos pés: ascendeu de porco a marrao e Feijoo inchou o fole. Umha fusom para fazer a Goldman Sachs fisterrá, um bangster com licença para matar. Mais capital, mais lucro, mas especulaçom... até a vindoura fusom sempre!

Algum dos traidores vendeu-lhe ao povo que isto era a galeguidade das caixas, que criava consciência nacional... Que lho perguntem aos milheiros de desempregados, aos bancários que despedirám agora, as sés que ocuparám entidades financeiras nom galegas – porque em galego nunca se escrevêrom os recibos das contribuiçons, aos funcionários -5%, aos jubilados destonados (0% matéria graxa), aos dependentes relativos, und so weiter. Que lho pergunte a esquerda superlativa.

Era umha esquerda a um Estado espanhol colada,

era umha esquerda superlativa

era a esquerda fetichizada.

Era a homenage ao bom Moncho em .es,

eram os sociolistos zetapeperos,

as quarenta masseiras sindicais eram.

Era umha burocracia ideologizada.

O Capital. Livro 1 do Antigo Testamento. Que di o velho Marx? O capital é trabalho morto congelado em propriedade. Cismar em cavilar em termos de propriedade é como pensar a propriedade como umha cousa per se, nos termos mesmos do fetichismo. Aceitar de facto os termos da dominaçom. A propriedade privada dos meios de produçom (e de troca olho) é essencial para os que desde o escano vem ao trabalhador como formigas desde o cristal abafado desde o que o Ferro nos relata aquel genial limiar. Aguardo que a sociedade civil mais consciente se ponha a escrever já O Crepúsculo dos parasitas.

A luita dos “pollitos bien” nom tem mais objecto que fazer “galega” e “nossa” os meios de produçom (nem isso, pois, pois). Nom tem como objecto dissolver tanto a propriedade como os meios de produçom como criar a umha socialidade consciente, umha sociedade civil que contrua desde abaixo o fujo social da transformaçom altermundista e revolucionária.

Autoenagenaçom. A política como religiom com dogmas de Terceira Via imutáveis. Marx concentra a crítica da sociedade burguesa na noçom – conceito de fetichismo e desbarata mesmo a teoria burguesa ( a economia política). Construe socialismo CIENTÍFICO, nom religioso, antecipa essa teia de aranha com os fios dos Soviets, do Comité Centras de Milícias de Catalunya, dos zapatistas, os movimentos sociais... ou já antes a Comuna de Paris. As luitas sociais em definitiva. Umha rede com espaços baleiros por onde se estabelece no tempo e no espaço a dialéctica, a construçom da revoluçom, o materialismo histórico – geográfico como ferramenta de elaboraçom das diagnoses e respostas para transformar e nom limitar-se a observar o obsceno tempo de silêncio em que nos tocou viver.

Porém o fetichismo como a superstrutura jurídico – política do estado é estável, umha nasa onde a Terceira Via, os aparatos sindicais e políticos acabam berrando contra o home e a natureza ao grito de guerra The economy stupid! O fetichismo é estável porque os objectos (dinheiro, máquinas, mercadorias – onde se insirem, por certo, escanos e poderes nos aparatos recluídos nas prisons da miséria estatais) se convertem em sujeitos, enquanto os sujeitos, o proletariado, se converte num objecto. A tragédia de Zapatero-rei, o complexo de Edipo da esquerda, é inevitável: quanto mais urgente e necessário (social, ambiental e economicamente) é desenvolver mudanças revolucionárias mais afastam os traidores autocolonizados pola fetichizaçom essa inflexom do horizonte de expectativas social.

As vanguardas convertem-se em retaguardas, vanguarda – fetiche com carta outorgada (nom se sabe por quem) de consciência de classe, messias de futuros excélsimos desde presentes assegurados polo Estado que se di combater. A nosa nobre e harmoniosa working class hero, o nacional – populismo que vê aos trabalhadores e ao povo como massa à que redimir e nom como cidadaos um por um aos que conscienciar para que actuem como tais com discursos afastados do marco constringido polo binómio político – mediático da II Restauraçom bourbónica.

A teia de aranha horizontal, que avança perguntando e a partir da coesom das revoltas locais, é a única tecedeira para superar a fetichizaçom do fetichismo. A contrário nom é “dous passos adiante e um outro atrás”, mas “um passo adiante e outro atrás Galiza”. E a teia dos sonhos da classe trabalhadora já lha marca a direita, com a hegemonia em termos gramscianos absoluta, com o seu horizonte de expectativas ultraliberal por baixo do casco em cada um dos moradores da incubadora associal – cibernética do pós-modernismo.

Os que antes de Suresnes, do eurocomunismo e de nom se sabe quando (ou si mas nom convém dizê-lo) se contentavam com ignorar o fetichismo – coma o marxismo da “ortodoxia” estalinista sempre fixo – e pretendiam unicamente resolver a relaçom antagónica entre capital e trabalho trocando o proprietário do Estado, mediante a proletarizaçom inconclusa do estado burguês; rematárom por ser parte subvencionada desse mesmo Estado, o qual, no caso das forças soberanistas da periferia, é duplamente deprimente quando é esse mesmo instrumento de dominaçom burguesa o que safa as mais terríveis implementaçons da glotofaxia e o etnocídio dos símbolos de identidade em que se reconhecem essas periferias rebeldes e, o que é quiçais mais importante para os “assegurados”, o que possibilita a existência dessa vanguarda fetichizada-subvencionada.

O idioma é um exemplo mais. Nom se tem umha ideia normalizadora clara desde nengum partido galego para reverter décadas de caída livre. Nom se atacam as causas apenas se reage contra as conseqüências. O castelhano e Espanha – que é um estado e os seus centros de dominaçom e poder- seguem levando a iniacitiva.

Na Galiza, o socialismo leva caminho de morrer de anorexia e o capital financeiro de morrer bulímico. A classe dirigente fará-o por obesidade. No entanto, Die Linke na Alemanha, o Bloco de Esquerdas em Portugal, os anarquistas gregos, a Esquerda Anticapitalista na França dam motivos para a esperança. Republicanos e libertários de toda a Galiza, unide-vos!

The show must go on

2010-05-04T09:09:00.000-07:00

Onte cavilava aqui sobre o nível de desempredos ligando-o com o nível da dívida familiar e advertindo da necessidade de rachar desde a esquerda altermundista com o "consenso ultraliberal" do binómio político-mediático da II Restauraçom bourbónica. Nom me resistia a fazer um levantamento do que é que di essa esquerda altermundista quando fai o diagnóstico da crise actual, ainda que seja suscintamente.

Como indica Robert Brenner (1) em torno a 2000 produze-se umha explosom no mercado de valores pola borbolha tecnológica onde uns empréstimos desorbitados batiam com umha economia real dessas empresas de mui baixa rendabilidade, mas as injecçons eram possíveis em privisom da subida da suas acçons. Esta dinámica produze investimentos massivos que agudizam a sobrecapaciade do mercado, baixando custos, aumentando a competência e, em última instáncia, reduzindo os benefícios. A borbolha estoupou e a única razom de que o período nom rematara num colapso foi o crescimento da dívida das economias domésticas, permitindo um boom do consumo e do mercado imobiliário que hoje foi ultrapassado num cenário onde cresce o desemprego e a dívida das economias em proporçom ao PIB alcançou cifras insostíveis anunciando umha recensom muito mais profunda, umha auténtica crise do sistema-mundo, na visom de Guovanni Arrighi, umha nova correlaçom na hegemonia mundial e, daquela, nom hai saída ao meu ver, polo de pronto, à crise como se pronostica no artigo de Óscar Ugarteche (2).

A crise das economias domésticas actual é comparável a conversom da dívida externa em dívida eterna na década de oitenta, quando se abandonou o keynessianismo e se advogou por um dólar alto e taxas de juros igualmente elevadas, o que favoreceu inebitavelmente a financiarizaçom da economia, a primacia unívoca do capital-financeiro sobre o capital-mercadoria e o capital-industrial, que passou do centro para a periferia (3). Esta primacia do capital-financeiro abriu-lhe novos mercados, por exemplo o sector imobiliário, mas constrigiu a manufactura. A subida do paro e o endividamento familiar nom produzirám mais excedentes de capital-trabalho até um ponto de deflagraçom social inevitável.

Está já em Marx (4), quando afirma que "o roubo do tempo de trabalho alheio sobre o que funda a riqueça" aparece como umha esterqueira toda vez que "o trabalho deixa de ser, necessariamente, a sua medida, e, por ende, o valor de troca deixa de ser a medida do valor de uso". A propriedade privada solidária com a lógica mercantil do capital-mercadoria e com a acumulaçom do capital do leviatám do capital-financeiro ispe pouco a pouco o nível de vida das maiorias sociais. O eixe Norte - Sul desdebuja-se na base da pirámide social, as relaçons centro - periferia tambaleam-se. Os meios de produçom substraim-se aos trabalhadores, o privado inça o fetichismo da mercadoria e a reificaçom das relaçons sociais. Estamos aviados, como no XIX, quando na Inglaterra privatizárom a propriedade comunal camponesa, prometem-nos que a privatizaçom e a mercantilizaçom das sementes, a auga, a sanidade, o ar, a educaçom e a supresom de todo o público arranjará todos os nossos males: a fame no mundo, a falta de trabalho... Os indicadores vam no outro sentido: 1.000 milhons de pessoas morrem de fame no mundo, milhons e milhons morrem porque nom podem pagar a vacina contra o SIDA, os labregos perdem os meios de produçom a prol da empresa privada (até no Norte), o desemprego alcança cifras de infarto... Como dizia o Cícero:

"Quousque tandem, Catilina, abutere patientia nostra? Quam diu etiam furor iste nos eludet, quem ad finem sese effrenata iactabit audacia?" (5).

Mudando apenas umha palavra, até quando, Capitalismo, vas a abusar da nossa paciência? Por quanto tempo é que se burlará de nós este teu furor? Onde é que estará o final aonde se lançará a tua audácia desenfrenada?.

Em conseqüência, podemos afirmar que os desenvolvemntos financeiros som mui irracionais e sempre precedem as grandes depresons, porque o capital-financeiro nom produze nada e o único que lhe interessa é especular com os lugares de onde poda tirar o máximo lucro possível. Daquela, a acumulaçom por expropriaçom deu-se com os empréstimos ao Terceiro Mundo, onde o holding da banca do Norte através do FMI e o BM permitiu a ausência de competência e a incapacidade de negociaçom da dívida, que passou de externa a eterna.

No entanto, a banca permite-se seguir avante com este processo de destruçom criativa porque sabe que os estados sempre estarám aí para socializar as perdas que provocam os seus desmans. Dumha banda os estados salvam a muitas companhias e bancos da queda, e por outra banda o seu processo de acumulaçom dispara-se fazendo-lhe empréstimos a esses mesmos estados que os resgatárom, inçando a dívida pública e convertendo o estado num espaço privado do capital-financeiro e nom do trabalhador-consumidor que perde a sua condiçom de cidadao.

Com Clinton a finança viveu o seu apogeu, período imediatamente precedente a entrada em recesom. Quando a borbolha dos noventa, que em nada beneficiou a classe operária, caiu, os avoitres da antropologia da corrupçom perguntavam-se de onde iam sacar os quartos agora que Brasil, Argentina e o mercado de valores ianqui estavam praticamente exangües. A quem podiam expoliar num momento em que nom existem ganhos na economia real? E de repente surgírom das cinsas os estados sociais: Grécia, Eurolandia e o iem. The show must go on até um novo 29.

****************************

(1) Mariño Beiras, Martiño e Araceli Varela Sánchez (2004): Á man esquerda, Laiovento: Compostela, pp. 69-87.

(2) Óscar Ugarteche (2010): "Grecia e a cuarta etapa da crise" em http:revoltairmandinha.blogspot.com/2010/05/grecia-e-a-cuarta-etapa-da-crise.html

(3) Por exemplo a transferência do naval galego quando a sobrecapacidade o fai perder competitividade com um país da periferia como a Coreia do Sul.

(4) Marx, Karl (1989), Manuscritos de 1857-1858, Siglo XXI, tomo II, p. 228.

(5) Catilinam, I, I, 1.

Mucha policia, poca diversión.

2010-05-03T14:59:00.001-07:00

"A crise actual nom é só umha crise económica, é umha crise 'política e moral', um crise de civilizaçom inerente, às contradiçons próprias da lei do valor. Como já o preveu Marx, a reduçom de todo, incluso das relaçons sociais, a tempo de trabalho abstracto, a medida que inça a socializaçom do trabalho e medra a incorporaçom do trabalho intelectual ao processo de trabalho, devem cada vez mais miserável e irracional. Esta crise social e ecológica traduze-se em fenómenos de exclusom e desemprego massivo devido à incapacidade do mercado para ordear a longo prazo as relaçons da especie humana e as suas condiçons de reproduçom naturais", Daniel Bensaïd: Cambiar o mundo (2004).

Já é oficial. A taxa de desemprego no Reino da Espanha da II Restauraçom bourbónica atingiu a cifra de 20'5%, percentage inédita desde o quarto trimestre de 1997 e isso tendo em conta que os diversos governos levam anos inventando requisitos para adelgaçar as cifras de parados em centenas de milheiros. De por parte cada vez a "espantada" grega galopa mais perto do Estado espanhol: Grécia aguarda chegar aginha a 20% de desempregados que aqui já existem, temos um nível de dívida catalogado pola agência Standard & Poor's mais negativamente do que em anteriories ocasions e recomendando o de sempre "flexibilizar o mercado de trabalho". Mais indicadores poderiam adjuntar-se como que a dívida familiar do Estado espanhol já supera a grega e representa 87% do total do PIB, umha bagatela vamos.

No último ano o número de desempregados aumentou em 602.000 pessoas e chega a 4'6 milhons de pessoas, contando já com um 1'3 milhons de lares onde todos os seus integrantes estám desempregados, 230.000 mais do que fai um ano e 78.500 mais do que no trimestre anterior. Até quando? Os parados de longa duraçom, mais dum ano desempregados, incrementárom-se em 72% e atingem já a cifra de 1'7 milhons de pessoas. As taxas de desemprego juvenil (20-24 anos) roçam 40% e poderiam até superar essa cifra, 604.200 desempregados a dia de hoje. Já hai mais um milhom de desempregados crónicos, esses que por idade toda vez que perdem o seu trabalho é-lhes impossível conseguir outro. O nível dos autónomos sem assalariados desceu brutalmente (109.700 no último ano).

Os partidos políticos, esquerda ou que criamos que era esquerda, seguem jogando ao "consenso ultraliberal", uns cargam mais o bombo, outros adereçam-no melhor. "La culpa es de los inmigrantes". No mundo pós-Berlim onde existem mais muros do que nunca o racismo e o ultranacionalismo som a melhor pílula para agochar umha recrudescida luita de classes, onde por certo a classe trabalhadora se topa mais desorientada e débil do que nunca antes em todo o século XX. As cifras desmentem isto, o desemprego nos estrangeiros aumentou em 55.200 pessoas no trimestre anterior, com umha taxa de 30'9%. Enquanto para os moradores do Reino a taxa de actividade desce sete décimas para os estrangeiros sube 1'16% até 77'28%.

Nom é por acaso que a destruiçom de emprego seja mais acusado entre os varons e os estrangeiros. A queda do boom imobiliário, que junto à indústria concentram a destruiçom de emprego maioritariamente, explica à perfeiçom isto. O sector serviços pola demanda de bens de consumo resiste... por agora. O carácter de acumulaçom por desposesom da primacia do capital financeiro está por trás do aumento dramático da dívida familiar e com a nova reforma laboral a estagnaçom e queda no consumo podem afundir-nos numha grande depresom de gravíssimas conseqüências. Com umha esquerda de férias nom é defícil adivinha que é o que vai impor-se no Reino da Espanha.

A recentralizaçom galopante tolerada pola esquerda e encabeçada pola direita nom fará mais do que agravar o eixe Norte-Sul do Estado - cada vez mais nítido até nas taxas de desemprego (Estremadura 23'4%, A Mancha 21'6%, Andaluzia 27'2% e Canárias 27'7%). O modelo de tixolo e sol quedou e finiquitou o dinamismo económico no Sul ainda mais do que no Norte, por nom falar dum reparto da terra muito diferente ao do Norte (os camponeses em crise permanete na Galiza durante décadas perdem quartos e mais quartos e muitos som realmente desempregados já que trabalham para o francês).

Pola contra, onde a desentralizaçom foi nom só no gasto mas tamém nos ingressos a cousa muda. Em Euskal Herria, ainda que com um governo nefasto, vê-se que o dinamismo económico da comunidade e a pluralidade do seu sector industrial dam liçons ao resto do Estado. E o mesmo em Nafarroa. Euskal Herria reduziu o número de desempregados em 9.400 com respeito ao trimestre anterior e conta com um "tolerável" 10'9% face o 12'3% de Nafarroa. Galiza, lembremos os empregos no campo e no mar, o nível chega a 15'5%, inferior a Madrid e Catalunya, mas com umha populaçom activa infinitamente menor. O agente Feijoo que ia pôr fim ao paro num mês olha impotente a como se dispara o desemprego.

Elena Salgado anunciu o enésimo plano de estímulo económico, a partir de 26 medidas com as que conta criar 350.000 empregos, que ainda que fora certo supom unicamente atender 8% do paro actual. Surrealista para um modelo da Terceira Via cada vez mais desdibujado e chavacano. Dixérom-lho os que nunca se repregárom as distorsionadas images dumha socialdemocracia cada vez mais ultraliberal e desnortada. A linguage, análises e conceptos da esquerda clássica fôrom apagadas por umha linguage próxima ao cidadao, umha linguage ideotizadora que bota nas maos do ultranacionalismo espanholista ao proletariado. De por parte, a vicepresidenta económica do (des)governo dinástico anunciou que perante estes dados económicos os orçamentos de 2011 terám de ser mais retroactivos. Se nom tocam a sanidade, a educaçom e os serviços públicos onde é que vam reduzir? A suba do IVA, em Grande Bretanha hai quem suspeita que atingirá 20%, nom é mais do que um imposto directo que beneficia aos que mais tenhem e reduzer o poder aquisitivo dos que menos tenhem, com, no melhor dos casos, congelaçons salariais. Arde-lhe o eixe Norte-Sul, arde-lhe o carro burguesia-proletariado.

Umha pantasma percorre a Península. A dos especuladores que intoxicárom estados desfazendo-se dos seus bonos tóxicos e passando-lhe a podrémia ao público. Grécia é a ponta do iceberg. A banca alemá e francesa quedará com essa dívida e necessitará socializar novamente perdas, con dos cojones. O Yen está no ponto de mira, o volume de dívida do Reino Unido passa muito por cima do grego, e os mercados já nem disimulam que venhem para Portugal, Irlanda, Itália e o Reino da Espanha. Os EUA refregam as maos, porque a sua primazia económica mundial consiste em recolocar a sua falha de crédito em terceiros, no controlo do capital-financeiro mundial. Porém, a sua hegemonia está tocando fundo. Quando a Grande Bretanha se viu obrigada a manter a sua hegemonia mediante o capital financeiro e o militar a sua hegemonia rematou abrindo um período de 70 anos em que outras potências daquela "emergentes" ocupárom o seu lugar. China, Índia e Brasil aguardam o momento dumha recomposiçom do organigrama mundial. Quiçais seja precipitado fazer estas prediçons mais alguns indicadores parecem sugerir esta possibilidade.

No Estado espanhol a meirande preocupaçom é fazer umha nova reforma laboral que avive o lume da acumulaçom por desposesom, da destruiçom criativa de que falava David Harvey. Umha cirugia-de-ferro que só fará piorar a situaçom e incrementar os níveis de desempregados... alguém lembra quantos milhons de desempregados havia na Alemanha da República de Weimar no imparável ascenso do NSDAP? Alguém lembra como em 2001 as facilidades para o despedimento aprovadas polo PP causárom agora em 2009 900.000 de 1'1 milhons de postos de trabalho destruídos? Alguém acredita em sindicatos de "classe" seqüestrados polas ajudas do Estado que servem para liberar aos" seus", que nom som o conjunto da classe operária desde logo?

O governo Zapatero pretende aforrar 280 milhons, a tam manida austeridade (mas já se sabe que o barato sai caro), congelando o funcionariado - um dos mais baixos da UE-. Ou nom apredêrom nada do que se passa no Reino Unido (lá tampouco o figérom porque ganhe quem ganhe seguirám-no recortando) ou sabem e calam que com isso medrará o fraude fiscal e crescerá ainda mais a economia submergida que logo atingirá cifras de escándalo. Porém dá-me a mim que saber sabem-no porque a substituiçom do estado social polo penal praticam-na com eficiência:

"Las 1.989 plazas de nuevo ingreso se concentran especialmente en las Fuerzas de Seguridad del Estado y en las Fuerzas Armadas. Se reparten así: 222 para la Policía Nacional; 232 para la Guardia Civil; 754 para las Fuerzas Armadas y 781 para la Administración General del Estado".

"Mucha policia, poca diversión", já o dizia a cançom. Tamém planejam como em Grécia congelar os ordenados dos funcionários a vez que os investimentos em educaçom e sanidade seguem descendo. O New Dehal e o velfarismo morrérom, e o ultraliberalismo volta com fôlegos renovados e com a segurança de que fagam o que fagam a cidadania nom reagirá perante a globalizaçom/mundializaçom ultraliberal descendente dependendo de se nos atemos à terminologia anglófona ou francófona. A nova reforma laboral entregará-lhe as mútuas a decisom de outorgar baixas por incapacidade laboral absoluta, a Seguridade Social ficará para socializar perdas, coma o Estado no seu conjunto. O trabalhador-consumidor nem sabe nem suspeita que as luitas e conquistas de mais dum século poderiam perder-se em duas décadas. A esquerda segue cega e nega-se a assumir a realidade.

O "consenso ultraliberal" como dogma penetra por igual em todas as forças políticas da II Restauraçom bourbónica. O problema nom foi a especulaçom dos mercados financeiros, desesperada baça por manter um sistema-mundo em descomposiçom social, moral e económica. O problema é dos "despilfarradores" estados sociais da UE. O problema é que os ordenados som mui altos (quando levam desde fai anos medrando por baixo do IPC maiormente) e impedem o processo de acumulaçom do capital que perde de ganhar milhons de euros. Perder de ganhar? Nom perde de ganhar o trabalhador estafado polo capital financeiro com a suba das suas hipotecas? Atafegado polo consumismo que o consome? A mais valia da mais valia, boa mais valia será.

O republicanismo, a defesa da res pública perante o privi legium, é cada vez mais exíguo. O BNG sem temom, nem Norte afunde a cada novo inquérito e parece que a ninguém lhe importa o mais mínimo. As canles de codecisom, participaçom e aproximaçom entre a sociedade civil e a instáncia política estám tam desmanteladas como os centros industriais em que se concentrava o proletariado nos 90. Nom se extinguiu o proletariado combativo e mais facilmente identificável. Simplesmente emigrou. Que lho perguntem ao sindicalismo de Coreia do Sul, as massas proletarias de China, aos países do terceiro mundo que seguem a Terceira Via (ainda que se qualifiquem como socialistas) e tentam retomar o estado para as maiorias sociais.

"Na trastenda destes fenómenos está a operarse un proceso que, de proseguir, conduce á crise da xa referida "correspondencia necesária" entre base económica e superestruturas ideolóxica e política -que, por certo, ten como correlativo fenómeno crítico o percibido polo común como "divorcio" entre a "sociedade civil" e o aparello de poder político. Históricamente, se a correspondencia entre base e superestrutura acada o punto límite da creba, ábrese unha transición sistémica de longa duración, na que se "remudan", digámolo así, as tres instancias das formacións sociais, e non só o modo de produción stricto sensu", Beiras Torrado.

Enquanto todo isto se passa, a esquerda altermundista e anticapitalista do Bloco de Esquerdas, do Die Linke ou a seguidora do Daniel Bensaïd na França segue sem aparecer claramente perante os olhos da cidadania. Seguimos numha cárcere esperando que volva ser o que foi o BNG. Nom volverá, jamais. Som demasiados os vampiros e as lapas que vivem do aparato, que medrárom na sua sombra e que nunca vírom a luz do sol fora del. Convidam ao seu analista e intelectual mais lúcido a marchar. Aqui o único problema é que as caixas tenham sé na Galiza - nom que sirvam ao povo e sejam públicas realmente- e o decretaço do galego. E este discurso que é para os nacionalistas com emprego ou para o comum da ciudadania desempregada?

Um modelo, o do BNG, que se adiantou à recomposiçom da esquerda mundial em mais de duas décadas já só é parte do passado. Um modelo que superava o maximalismo, que tendia posturas na divergência, que integrava movimentos da sociedade civil mais consciente no seu interior. O mismo para o sindicalismo. O fascismo volta camuflado e com subtileça, a ideotizaçom da massa nom tem parangom, o franquismo sem Franco é a democracia realmente existente (cada vez mais: estatut de Catalunya, impossibilidade de condenar o nacional-catolicismo e os seus sicários, a corrupçom como norma...). Isto nom o arranjamos entre todos, isto arrajamo-lo com esquerda real, ou com esquerda real. Muito politiqueio e poucos políticos. Nom avonda com dizer que quando se ameaçam massivamente os postos de trabalho baixa a combatividade dos trabalhadores. Hai que descer a ágora, hai que partilhar a dor e a raiva dos explorados, hai que fazer ver aos cegos e andar aos cojos... hai que, em definitiva, ouvir ao povo que lhe di à esquerda institucionalizada que "com as bragas enjoitas nom se pilham as troitas". Atentos!

Homero, a ágora, os hilotas e as moscas

2010-04-26T12:25:00.000-07:00

Este artigo é umha versom que serviu de base ao discurso de formatura de filologia galega o passado 23 de Abril, de aí a sua forma.

Encenamos hoje simbolicamente o termo das nossas respectivas licenciaturas e achegamo-nos um pouco mais a pôr os nossos conhecimentos e capacidades ao serviço da sociedade, devolvendo assi à cidadania o que nós recebemos através da universidade pública. Dizia Castelao “non lle poñades chatas â obra namentras non se remata. O que pense que vai mal que traballe n'ela...” e, efectivamente, a formaçom é um processo que longe de rematar com a obtençom dum título nom fai mais do que começar.

Porém, nom é menos certo que hoje é o momento de “volver la vista atrás” e recapitular enxergando um bosquejo sobre algumhas questons que rodeárom estes cinco anos em que se envolveu a nossa etapa formativa. Deveriamos começar por afirmar que a vida académica nom som apenas as classes, as investigaçons ou as rotinárias juntas de Faculdade ou de Deparamento. O bom funcionamento dumha universidade pública requere tamém actos onde conjuntamente o alunado, o professorado e os PAS podam repensar, reflexionar e baixar a ágora para dilucidar qual é a situaçom dumha instituiçom que por força reflite as tensons dialécticas da cultura, mas tamém da sociedade, da economia e da política que transversalmente afecta ao conjunto de toda a cidadania.

Fai algum tempo aparecia nos EUA um livro com um título demoledor: Quem matou a Homero? É evidente que os pensares que o livro debulhava se ligavam intimamente com a preocupaçom compartilhada por muitos de que a universidade se encontrava em crise, nomeadamente as ciências sociais. Sem restar valor nengum as disquisiçons deste ensaio torna-se palpável que estas crises se inserem numha crise muito mais ampla: a crise da vida social, ou até da crise do sistema-mundo, em expressom de Wallerstein e de todos os seguidores de Fernand Braudel, ou seja o preámbulo da queda do relativismo, do individualismo e o narcisismo extremos sancionado por leituras pós-modernistas para nada inocentes.

Um dos piares destas crises estruturais nom só é a morte de Homero, quer dizer a queda do pensamento crítico, mas tamém a morte paulatina do espaço onde esse pensamento tem que, por força, desenvolver-se para poder avançar. A destruiçom da ágora, a mercantilizaçom da res pública ou, por outras palavras, o retrocesso da esfera pública desde a década dos setenta quando os dogmas acientíficos do ultraliberalismo, a denominada polo professor Tugores “vingança das elites”, se propujo pôr fim à democratizaçom da ensinança em geral e a educaçom superior em particular que se iniciara em Ocidente após a derrota dos fascismos em 1945. Vaia por diante que a conclusom evidente de todo isto é a conversom dos cidadaos em hilotas, em súbditos, mediante o saqueio e a espoliaçom do património público, como expressou atinadamente Antoni Domènech, introduzindo critérios de mercado e de lucro privado na gestom dos serviços públicos.

Esta espoliaçom liga-se com umha outra espoliaçom nom menos traumática, a do património natural. Estes dous espólios tenhem um comum denominador: a exclusom das maiorias sociais de recursos aos que antes podiam aceder livremente – publicamente – sem outra exigência que o da cidadania, para maior abastamento das forças globais de mercado e as poliarquias que garantem o direito ao rodopio infernal dumha exclusom ininterrupta. O povo já nom é, se é que algumha foi, quem mais ordena.

A morte de Homero nom é apenas como apontam alguns o retrocesso das humanidades perante as ciências experimentais. A investigaçom teórica fundamental em qualquer ciência nom pode escravizar-se sob os parámetros de custo-benefício, já que é impossível determinar previamente qual é o custo para obter esse bem informativo desejado. Por exemplo, a célebre teoria geral da relatividade nom tivo até fai apenas uns anos a menor aplicaçom prática e ainda hoje só é usada para construir localizadores GPS.

Sempre ficará para estes casos, claro está, recorrer a infame socializaçom das perdas. No entanto, nos EUA a constriçom da investigaçom e já um feito inegável. O keinessiano prémio Nobel em economia de 2008, Paul Krugman, alertava sobre isto recentemente num artigo intitulado “O estadounidense inculto”, onde indicava que a outrora exemplar educaçom superior ianque tinha hoje uns níveis de licenciados por baixo doutros países desenvolvidos, pola exigência de serem estudantes a tempo completo e pola queda económica dos colégios universitários que permitiam estudar às pessoas com menos recursos. Porém introduzia um outro aspecto nom menos rechamante: o despedimento de milheiros de professores.

Noutra reflexom de Krugman sobre a escura ciência económica afirmava que, em todas as ciências, era palpável o retrocesso do espaço público perante o privi-legium em estrito sentido etimológico, ou seja, a lei privada, a conversom da ciência pública em ciência religiosa que despreça a soberania dos feitos objectivos, pública e intersubjectivamente observáveis; chegando ao esperpento de tentar medir as variáveis empíricas conforme à teoria e nom ao revés.

Como nos lembra o catedrático Doménech “a ciência moderna – como o direito republicano moderno – nasceu e prosperou quando se liberou o espaço público suficiente da tirania dos interesses e das razons privadas”. Bertrand Russel indicava a este respeito que quando duas posturas se confrontam nom hai nada objectivo ao que apelar, nada independente dos interesses privados, e que em ausência dum espaço de deliberaçom público o único que fica é apelar à força. Efectivamente, teorias maquiavélicas como as de Fukuyama parecem indicar que para ser um bom científico cumpre ser El rey de la selva.

Nom estaria por demais lembrar que só treze anos após o apontado por Russel saltava à palestra o superrelativismo do fascismo da mao de Benito Mussolini. Precisamente, o textos em que Mussolini despreza as categorias fixas e a decadência do “mito da ciência” foi passado entre os alunos de Domenèch, tirando-lhe a palavra fascismo, e cuidavam que era um texto dalgum pós-moderno francês ou norteamericano.

Nicole Gohlke e Janine Wissler analisavam as conseqüências da Declaraçom de Bolonha após dez anos na Alemanha. E desde a retranca falavam de “um mundo (universitário) feliz” - jogando com o título do célebre romance de Aldous Huxley. A ensinança superior tornou-se umha fábrica da aprendizage onde pioram substancialmente as condiçons de estudo e trabalho: salas ateigadas, menos professores (1.500 praças menos em rigor) e umha excessiva pressom sobre o rendimento com um excesso de exames, contróis de assistência e titorias cujo resultado é “umha aprendizage bulímica” em que se memorizam dados e mais dados para logo vomitá-los no exame; e cujo resultado som uns licenciados anoréxicos. Diriamos aqui, entre nós, passou o dia e passou a romaria, nom si?

Para as autoridades germanas o fracasso do modelo Bolonha explica-se simplesmente como um “problema de aplicaçom”. Nega-se, daquela, que em coordenadas da república da investigaçom científica, o Plano Bolonha vem a revelar-se como a consagraçom dum modelo que progressivamente desafiunça e esbaleira de conteúdo a ágora académica tornando ao estudantado em consumidor dum produto e nom em depositário dum conhecimento geral. Esquece-se deliberadamente o letreiro que adverte na república as razons privadas do seguinte: lasciate ogni speranza voi ch'entrate.

Neste sentido, é traumática a progressiva queda dos conhecimentos departidos, a artificial e total separaçom entre as diversas ciências sociais como se de compartimentos estancos se trataram e que trai consigo umha teórica especializaçom que nom alcança para agochar a ideotizaçom – no senso etimológico da palavra- da sucessivas fornadas de licenciados – de aqui para a frente graduados –, que som observados tam só como “recursos humanos”, ou seja, como umha mercadoria mais sobre a que rije a Lei da Oferta e a Demanda e, portanto, que caminha para umha inevitável precarizaçom, polo aumento da reserva de força de trabalho, e que exigirá a realizaçom de custosos masters – alguns por certo ilegais polo seu carácter retroactivo sobre os licenciados como o Máster de Secundária – e, na prática, o prolongamento dos estudos, o endividamento do estudantado, a progressiva elitizaçom do ensino, und so weiter como engadira o poeta germano Lenau a meado o século XIX.

Karl Marx assinalava no primeiro volume de O Capital “o divórcio das forças espirituais a respeito dos processos de produçom do trabalho manual e da transformaçom do mesmo em força do capital sobre o trabalho”. Com menos lírica parece evidente que o que agora se procura é umha massa maleável de licenciados recortados polo mesmo padrom para adaptar-se à flexibilidade laboral sobre o que Gerardo Díaz Ferrán e Adolfo Domínguez sentam cátedra desde o binómio político – mediático. A prémio Nobel Elinor Obstrom respondeu quando lhe perguntavam pola sua “heterodoxa” ciência económica que ela fazia económica política, umha labaçada a mais de um século de impostura científica onde a predicaçom “política” começou a desaparecer de todas as ciências sociais, até da sociolingüística, que deveria ser em rigor lingüística política, toda vez que a lingüística já é social, em tanto em quanto a língua é um produto social natural. A conseqüência foi a defragmentaçom quixotesca da ciência social clássica para idiotizá-la tam inecessária como infertilmente. La razón de la sinrazón que a mi razón se hace, de tal manera mi razón enflaquece, que con razón me quejo de la vuestra impostura, parafraseando a Cervantes.

A famosa e abstracta Declaraçom de Bolonha, aplicada mui desigualmente em cada país, vem na prática a confirmar que, aquel texto tingido de vernizes positivos e esperançadores para fazer dumha vez umha reforma universitária a fundo e europeia, é um dos prolegômenos, quando nom o corolário, dumha ameaça cultural de primeira orde para a sobrevivência da investigaçom científica, onde a privatizaçom parcial mercantiliza o conhecimento e, politicamente, deve ser olhado pola sociedade civil como um saqueio, umha exclusom dos bens públicos a prol dos interesses privados.

Conviria por igual perguntarmo-nos por quê é que se a convergência e a homogeneidade som tam óptimas Medicina, Arquitectura e diversas engenharias clássicas ficam afora do processo; por quê é que se exacerbou a heterogeneidade entre os diversos planos de estudos das diversas universidades espanholas (por exemplo, filologia galega na USC, galego – portuguesa na UCD e galego – hispánica em Vigo); por quê para direito se alude um carácter marcadamente nacional que parece nom operar nem na história nem na economia; e, sobretodo, por quê umha declaraçom que nom vincula juridicamente aos estados se está aplicando freneticamente e à toa. Écrasez l'infâme lembraria-nos o Volteire desde o seu exílio em Genebra. Mádia a leva.

A Declaraçom de Bolonha, torna, em fim, de raivosa actualidade aquel opúsculo de Jonathan Swift de 1733: A arte da mentira política e impom-nos aos educadores do futuro umha meta concreta: a assunçom de que o velho lema da Ilustraçom SAPERE AUDE, difundido por Kant que o resgata de Horácio, deve ser o valor primordial assumido por qualquer aluno ainda por cima da aprendizage de normas e demais convençons ortográficas e fonéticas mais ou menos enfastiante. Alia iacta est. A nossa missom é garantir que nunca se repita aquela lámina do álbum Nós de Castelao: “só sonham quando dormem”.

Já para rematar nom estaria por demais lembrar que nesta dialéctica, entre a res pública e o privi-legium, se insire o novo decreto do galego e a nova estrategia da glotofaxia da caverna celtibérica. Os mesmos que clamam contra a politizaçom da língua subvertem o carácter social univóco da linguage argüindo que nom existem direitos colectivos, mas apenas o privi-legium. Politizam a língua e ainda se atrevem a dilucidar que devem decidir os pais individualmente a educaçom colectiva e pública dos seus filhos.

A prédica canibal do bilingüismo equilibrado nasce da lógica do livre mercado ultraliberal aplicado às línguas: umha língua A e outra língua B competem em desigualdade de condiçons num mercado sem aranceis nem proteccionismos e os oprimidos devemos aguardar a que a mao invisível do mercado o regule todo. Claro que esta ideologia perversa do nacionalismo lingüístico espanhol, que tam lucidamente denunciou Moreno Cabrera por certo, comporta-se bem diferente quando é o inglês o que ataca os territórios do império em muletas em Puerto Rico. O Made in China nom está de moda, o chauvinismo mais ranço e retrógrado disfarçado de constitucionalismo está em voga.

Desta volta o verniz para que traguemos o anzol de algo infumável é o inglês, em aras dum cosmopaifoquismo requintado e exangue. Nom devêrom ler aquilo de Joám Vicente Biqueira: “A pessoa cosmopolita é aquela que nada humano lhe é alheio, nom aquel que até a sua terra lhe é estranha”. Expressara-o Publio Terêncio Africano “Homo sum, humani nihil a me alienum puto” na obra O inimigo de si próprio. Claro que face o humanismo sempre hai por toda a parte um Clinton para nos responder the economy, stupid!

Remato, pois com umha música já que hoje é um dia fasto dentro dumha conjuntura nefasta. A pouco do aniversário da Revoluçom dos Cravos nom perdeu vigência aquilo que cantava o Luís Cília, “ É sempre a mesma melodia: / o Salazar e a sua democracia;/ com Caetano é a mesma porcaria: / as moscas mudam, / só a merda não varia”.

Destruir o templo para sair da incubadora II

2010-04-05T15:20:00.001-07:00

Fago umha descriçom suscinta da teoria da incubadora, que agora nom tenho tempo para desenvolver mais polo miúdo, mas que tampouco é algo fechado e está aberta a quem lhe veja algo de sentido e nom pense simplesmente que é necessário ingressar-me nalgum manicómio. Vou fazer umha tentativa do elógio da loucura como o Erasmo.

Recentemente fixo-se famosa a última amostra do narcisismo com o que o ultraliberalismo fabrica umha anti-sociedade: um formato na rede em que a pessoa vai rotando cada poucos minutos de contertúlio arredor do globo. É a fabricaçom do supereu, o narcisismo extremo. Perde-se de vista a condiçom de associado e passa-se a ficar sem consciecia para viver na inconsciência dumha autarquia egoista em que o indivíduo se sente desligado do resto dos seus semelhantes, quando está dentro dumha incubadora que o mantém vivo, mas completamente passivo e escravo. Lembrades-vos daquela seqüência de Matrix onde as pessoas ficavam numhas cápsulas de por vida enquanto tiravam deles a energia e sonhavam umha maravilhosa vida em Matrix? Essa é umha boa metáfora da incubadora. Esse é o debujo de Nós "só sonham quando dormem".

O filósofo esloveno Slovaj Zizek fala do tamagochi como objecto interpassivo. Interactuar com o meio nom sendo um consumidor passivo simplesmente mas actuando através doutro actor, com o que se creia a ficçom de interactividade quando em verdade o sujeito fica sentado e passivo limitando-se a observar o jogo. Entronca isto com a desinformaçom por sobreinformaçom do pós-modernismo, a passividade por hiperactividade. O tamagochi é um ritual obsessivo e baleiro(ou o cara-livro mesmo) em que assumimos gestos de lamento para nom experimentar a verdadeira dor. Por outras palavras o indivíduo supera falsamente o antagonismo de nom ser um sócio livre na anti-sociedade pós-modernista situando-se falsamente por cima dos demais, dessassociando-se ingenuamente no seu supereu remata por ficar passivamente subaleterno. Escraviza-se.

Neste sentido, o tamgochi, o cara-livro ou qualquer um dos fetiches, sendo o pós-modernismo a incubadora-fetiche por excelência do ego conduzem a umha terrível e trágica conseqüência de que Zizej adverte com extrema lucidez no livro Em defesa da intoleráncia: Deus é o tamgochi definitivo fabricado polo nosso incosciente e que nos bombardeia com exigências inexoráveis anulando o nosso eu para fabricar umha image falsa dum próprio em relaçom com a sociedade. Eis o nostoi tragicocómico em que voltamos a caverna de Platom.

A incubadora pós-modernista, o fetiche, permite-nos fazer da interpassividade algo mecánico para superar a nossa necessidade de amar ao prójimo que é inerente à natureza social do ser humano:

"o que a ética tradicional tinha como a expressom mais alta da humanidade dumha pessoa - a necessidade compassiva de preocupar-se polo prójimo - fica reduzida a umha indecente e idiosincrásica [idiotisincrásica diria eu] patologia que deve resolver-se na esfera privada [a politizaçom do familiar, e a familiarizaçom do público em que as coordenadas que dá Loic Wacqant som a cúspide do icebergue sendo o estado a família superior, o líquido amiótico da incubadora passando do cidadao ao súbdito], sem molestar aos semelhantes aos coetáneos.
(...)
A característica distintiva da interpassividade refire-se, nom a umha situaçom na que um outro me substitui, fai algo no meu lugar, mas à situaçom oposta, em que estou permanentemente activo e alimento a minha actividade coma passividade do outro.
(...)
O ámbito das relaçons capitalistas de mercado constitui a 'outra cena' da suposta repolitizaçom da sociedade civil defendida polos partidários das 'políticas identitárias' e de outras formas pós-modernas de politizaçom: todo esse discurso sobre essas novas formas da política que surgem por toda a parte encol questons particulares (...) toda essa incesante activdade das identidadess fluídas, oscilantes, das múltiplas coaligaçons ad hoc em continua reelaboraçom, etc., todo isso tem algo de produndamente inauténtico e remete-nos para, em definitiva, o neurótico obsessivo que ou bem fala sem cesar ou bem está em permanete actividade, precisamente com o propósito de segurar-se de que algo - o que importa de verdade [o consenso ultraliberal, o pensamento único, o capitalismo mesmo] nom seja molestado e siga imutável. O principal problema da actual pós-política, em definitiva, é que é fundamentalmente interpassiva".

Pode-se estar ou nom de acordo, mas dá para pensar e muito, sobre um próprio em primeiro lugar e pola anti-sociedade pós-moderna logo. Um outro apontamento que ficará para melhor ocasiom: a maioria do que hoje se chama ciência fundamenta-se sobre esse machacom apoliticismo e pós-política e, portanto, antisocial.

Entom, podemos dizer que fundamentalmente a ciência actual vem ocupar o oco da religiom, é ciência religiosa e nom ciência republicana, ateia, libertária. Se a base sobre a que se ergue o edifício cognitivo dumha hipótese é falsa a hipótese mesma fica automaticamente refutada. Se a sócio-lingüística defende a despolitizaçom da língua, a sócio-lingüísitica óbvia a condiçom social, o inatismo que propugnou Chomsky, da linguage e, daquela, essa sócio-lingüística e falsa e dificilmente as suas diagnoses podem ser acertadas nem aplicáveis sem criar disfunçons insalváveis (a própria ideia de língua como a de naçom som construtos sociais como sublinha verazmente Moreno Cabrera). Assume-se o pós-modernismo em todos os campos, a assume-se o pensamento único e remata-se por fazer da ciência em geral, e das ciências socias em particular, simples dogma religioso. Hai que acreditar na fim da história porque assi no-lo dixo Fukuyama. Diredes-me que Fukuyama foi superado e refutado. Mas ú-la história feita desde o socialismo científico na actualidade? e a lingüística? Ou o marxismo e demais propostas do socialismo científico nom som um instrumento útil para fazer ciência (como dim que nom é a psicanálise mas logo usam-na nos EUA de corrido) ou o "consenso" nunca é nem por acaso nem na sua concepçom inocente... Destruir o templo para sair da incubadora... a tarefa é gigantesca, mas como dizia Castelao nesta obra hai sítio para todas e todos. Nom lhe ponhades chatas até que esteja rematada.